यसैया 33:16 - Sunuwar Bible

¹⁶ मेको इर ङा मुर बाक्‍नीम। मेको आन ख्रुंइसीतीके सेरथे फुल्‍लु के सेल्‍शो दरवार बाक्‍ब। मेकोमी आन जचा थोव़क ताइनीम। मेको आन ब्‍वाक्‍कु बुक्‍तीके शुश दुम्‍ब।

यसैया 33:16 ပူးပေါင်းရင်းမြစ်များ

१ राजा 19:6

मिनु मेकोमी बोक्‍शा, एर ओंथ कोव़ङानु, आ पिया गे चोशो होश शोब्‍ले का नु ढुङग्रो का ब्‍वाक्‍कु तवा बाक्‍त। मिनु मेकोम मेको जशा तूशा लेंशा इम्‍माक्‍त।

भजन संग्रह 107:41

तन्‍न मेकोमी श्‍येत जाइब आन कली श्‍येत रे प्रोंइब। मिनु मेको आन खिं ङा मुर आन कली भेडा आन हुल खोदेंशो पा शुश सेल्‍ब।

भजन संग्रह 111:5

मेकोमी आ कली मान पा हिंब आन कली जचा गेब। मिनु आ पशो कबल गेना हना यो मिम्‍ब। भजन संग्रह १४५:१५

भजन संग्रह 15:1

परमप्रभु यावे, इन बाक्‍तीकेमी सु बाक्‍ने चाप्‍बा ङा? इन डांडाम सु बाक्‍चा ताइबा ङा? उपदेसक ४:१७

भजन संग्रह 18:33

मेकोमी आं खोइली किश्‍श आ खोइली खोदेंशो सेल्‍शा, लाइश्‍शो इर ङा बाक्‍तीकेमी राप्‍पाइक्‍ती।

भजन संग्रह 33:18

परमप्रभु यावेमी आ कली मान पा हिंब नु आ गेना हना यो दाक्‍तीक कली रिम्‍ब आन कली कोव़ब।

भजन संग्रह 34:10

शुश क्‍येट थीब आन तमी तौ जचा ब्‍वचा मतथु, शोव़लु बेक्‍नीम। तन्‍न परमप्रभु यावे कली माल्‍ब मारेइ मारेइम गाप्‍शो बाक्‍नीम। लूका १:५३

भजन संग्रह 37:3

परमप्रभु यावे कली जिम्‍मा गेंसीशा, रिम्‍शो पने। रागीम रिम्‍शो दुम्‍शा बाक्‍चा ताइनीनी।

भजन संग्रह 62:7

आं कली श्‍येत रे प्रोंइतीके नु मान ततीके परमप्रभु रे जाक्‍ब। परमप्रभु आं ख्रुइक्‍तीक सेरथे फुल्‍लु नु आं बोल्‍यो दरवार बाक्‍ब।

भजन संग्रह 90:1

परमप्रभु गे नेल्‍ल पाला सम्‍म आंइ बाक्‍तीके दुम्‍शो बाक्‍नीनी।

भजन संग्रह 91:14

मिनु परमप्रभुमी “मेकोमी आं कली दाक्‍तीके, गो मेको कली श्‍येत रे प्रोंइनुङ। मेकोमी आं नें तुइक्‍तीके, गो मेको कली फाप्‍नुङ।

हितोपदेस 1:33

तन्‍न सु सुम आं लोव़ नेंनीमी, मेकोपुकी श्‍येत मजाइनीमी। महिंथु, रिम्‍शो दुम्‍शा बाक्‍नीमी।

हितोपदेस 10:9

गेना हना यो रिम्‍शो पाइब मुर कली सुइमी मारेइ मपाइनीम। सु चहिं दूली लां गाक्‍बा, मेको आ पर्बम नेल्‍लेमी “मरिम्‍शो पाइब” दे तुइक्‍नीम।

हितोपदेस 18:10

परमप्रभु यावे आ नें बोल्‍यो लाइश्‍शो खिं खोदेंशो बाक्‍ब। ठीक पाइबपुकी मेकेर दोरशा लशा, ब्रोंइशा बाक्‍नीम। हितोपदेस १४:२६; भजन संग्रह ६१:४

यसैया 25:4

मारदे हना गे प्रुङग नु मारेइ मथीब आन कली वारच पाइब बाक्‍तीनी। फश गिवार पवानु, फाम्‍सीतीके नु नां पवानु, सितल थेरतीके बाक्‍तीनी। मारदे हना मेको शिशी मपाइक्‍ब आन गाइक्‍चा, फश गिवार गारोम थोक्‍सीशो खोदेंशो बाक्‍ब। यसैया ४:६

यसैया 30:20

परमप्रभुमी इन कली श्‍येत ङा शोब्‍ले नु श्‍येत ङा ब्‍वाक्‍कु गेप्‍तु हना यो, मुल रे इन कली शेंब मख्रुंइ‍सीब। गेपुकीमी इन कली शेंब कली ताइनीनी।

यसैया 32:18

आं मुरपुकी थुं नाइश्‍शा, महिंथु बाक्‍तीकेम बाक्‍नीम। लडाइ मदुम्‍थु, रिम्‍शो बाक्‍तीकेमी सिक्‍सी पा बाक्‍नीम। येरमीया ३३:१६

यसैया 49:10

शोव़लु मबेक्‍नीम, तूतू मदाक्‍नीम। नां नु होश फश नु नांमी मेको आन कली मनाप्‍ब। मारदे हना मेको आन कली शिशी पाइबमी मेको आन कली खुल्‍ब। प्रकाश ७:१६

यसैया 58:14

गेपुकी परमप्रभु यावे कली मिम्‍शा ग्‍येरसीनी वा। मिनु गो इन माल्‍शो नेल्‍ल गेन्‍नी वा। मिनु गो इन किकी याकूब आ शोंप जचा गेनन्‍नी वा” दे परमप्रभु यावे आ देंशो बाक्‍ब।

येरमीया 37:21

मिनु पिप सिदकीयाह आ हुकुममी येरमीया पिप आ दरवार खाल पाइब मुर आ जेल्‍खानम वोइक्‍चा पुंइसाक्‍व। मिनु सहर ङा शोब्‍ले चोतीक रे मनुम्म सम्‍म, नाक्‍त किंत किंत मेको कली शोब्‍ले चाक्‍शा गेम्‍तेक्‍म। मोपा येरमीया पिप आ दरवार खाल पाइब आ जेल्‍खान ङा लाङगाम बाक्‍त। येरमीया ३२:२

योएल 3:16

परमप्रभु यावेम सियोन रे ठेयब सेंदा पा लोव़ पाइब। यरूसलेम रे पा आ सेंदा नेंपाइक्‍ब। सरीङ नु रागी ख्रिंख्रि पाइनीस। तन्‍न परमप्रभु यावे आ मुर आन कली ख्रुइश्‍शा बाक्‍तीक नु इस्राएल ङा मुर आन कली बोल्‍यो ब्रोंइशा बाक्‍तीक दरवार दुम्‍ब। आमोस १:२

हबकुक 3:19

परमप्रभु यावे, आं परमप्रभु आं सक्ति बाक्‍ब। मेकोमी आं खोइल किश्‍श आ खोइल खोदेंशो सेल्‍ब। मेकोमी आं कली ठेयब लाइश्‍शो डांडामी लतीक सक्ति गेब” दे कुम्‍सो पाप्‍तु। मेको कुम्‍सो शेंब कली तार पाइश्‍शो ताप्‍तीके ताप्‍शा, मेको कुम्‍सो पपाइक्‍चा माल्‍ब। भजन संग्रह १८:३४

मत्ती 6:11

काबु नाक्‍त ङा जचा थोव़क मुलाक्‍ती आंइ कली गेने।

ब्‍यवस्‍था 33:29

गे इस्राएली, ग्‍येरसीने। परमप्रभु यावेमी प्रोंइचा पुंइसीशो इन खोदेंशो जात सु बाक्‍बा? परमप्रभु यावे इन कली वारच पाइब नु तेक्‍तीक बाक्‍ब। मेको इन ग्रातीक तरवार बाक्‍ब। इन जोरी सत्रु इन ङोंइती बाप्‍नीम। मिनु गे मेको आन चीमी थेक्‍शा गाक्‍नीनी” दे आसीक गेशा, देंत। ब्‍यवस्‍था ४:७-८; भजन संग्रह ३३:१२; भजन संग्रह १४४:१५