यसैया 33:15 - Sunuwar Bible

¹⁵ सु ठीक पाइबा, रिम्‍शो थुं ङा लोव़ पाइबा, गेयी कि गेयी, दे क्‍येट मताक्‍बा, सुम घूस मजाइ‍बा नु “हुश ख्राक्‍श पोक्‍य” देंमानु, मेको आन लोव़ मटीबा नु मरिम्‍शो पाइब आन पशो काइ तचा मदाक्‍बा। भजन संग्रह १५:-; भजन संग्रह २४:३-४

यसैया 33:15 ပူးပေါင်းရင်းမြစ်များ

अय्‍युब 31:7

गो ठीक लां रे ग्‍येत्‍थ लुक्‍च लशो बाक्‍ती हना, आं थुंम आं मिक्‍चीम दाक्‍शो खोदेंशो पा पशो बाक्‍ती हना, आं गुइमी ग्रांग्रा दिशो गेय पशो बाक्‍ती हना,

भजन संग्रह 106:3

सु सुमी ठीक पा निसाफ पाइनीमी नु गेना हना यो ठीक बाक्‍नीमी, मेको ग्‍येरसीशो मुर बाक्‍नीम।

भजन संग्रह 119:37

मरिम्‍शो थोव़क मकोव़पाइय्‍यीनी। इन दाक्‍चा ङा पा ब्रोंइचा गेयीनी।

भजन संग्रह 15:5

सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। प्रस्‍थान २२:२४; ब्‍यवस्‍था २३:२०-२१

हितोपदेस 1:10

आं तौ, मरिम्‍शो पाइब मुरुम इ कली “हेंथे पय” दे लोव़ पाम्‍तेक्‍म हना, मेको आन लोव़ मबिस्‍सो। हितोपदेस १६:२९; ब्‍यवस्‍था १३:७-९

हितोपदेस 1:15

आं तौ, गे मेकोपुकी नु मलावो। मेकोपुकी नु मगाक्‍को।

हितोपदेस 10:9

गेना हना यो रिम्‍शो पाइब मुर कली सुइमी मारेइ मपाइनीम। सु चहिं दूली लां गाक्‍बा, मेको आ पर्बम नेल्‍लेमी “मरिम्‍शो पाइब” दे तुइक्‍नीम।

हितोपदेस 15:27

शिंममी आंम खिं ङा मुर आन कली श्‍येत गेनीम। तन्‍न घूस मजाइबपुकी ब्रोंइनीम। भजन संग्रह १५:५

यसैया 58:6

आं दाक्‍शो माइजा बाक्‍तीके मार बाक्‍ब, देंशा हना, ठीक निसाफ मतशो आन कली प्रोंइचा नु दिप्‍शा श्‍येत गेचा पुंइसीशो आन जुवा प्रुइक्‍चा बाक्‍ब।

यसैया 58:8

मो पाइतीनी हना, गे सुनी ङा नां दाप्‍शो खोदेंशो दुम्‍नीनी। मिनु गे रीब पा सानीनी। इन कली वारच पाइब इन ङोंइती गाक्‍ब। परमप्रभु यावे आ छेङछेङमी इन नोले खोइक्‍ब। भजन संग्रह ३७:६; यसैया ५२:१२

इजीकीएल 22:13

मिनु मेकोमी “गे जोल पा मरिम्‍शो पा क्‍येट चेम्‍शो तशा नु इ दातेम मुर साइश्‍शा हुश ख्राक्‍श पोक्‍शो आ पर्बम गो छक लाक्‍शा थाम्‍पा ग्रांग्रा दीती।

मलाकी 2:6

मेकोमी रिम्‍शो शेंतीक लोव़ पाप्‍तु। गेनायो दूली मशेंद। थम रिम्‍शो नु ठीक पतीकेमी गो नु गाक्‍त। मिनु मेकोमी ठीक मपाइब शुश मुर आन कली आन मरिम्‍शो पतीक रे लेप्‍पाइक्‍तु।

गन्‍ती 16:15

मिनु मोसा शुश गाइश्‍शा, परमप्रभु यावे कली “मेको आन चढ़ेशो मताक्‍कीन। गो मेको आन गधा का यो मताक्‍गु। गो मेको आन कली मरिम्‍शो यो मपङ” देंत।

मत्ती 26:15

“येसु कली इन गुइमी ग्‍याइक्‍पाइक्‍ता हना, दोशो गेनीनी” देंमेनु, ३० टुक्रा चांदी गेमे बाक्‍त। यूहन्‍ना ११:५७; जकरिया ११:१२

लूका 1:6

मेको निक्‍शी परमप्रभु यावे आ ङोंइती ठीक पाइब बाक्‍सा बाक्‍त। परमप्रभु यावे आ अरेशो लोव़ नु पतीके लोव़ नेल्‍ल टिशा, दोस मताइब दुम्‍शा बाक्‍शो बाक्‍सा बाक्‍त।

लूका 19:8

मिनु जक्‍कैमी प्रभु कली खिंम ओंइशा “हे प्रभु, आं शोंप क्‍येट नेल्‍ल उइक्‍थ पा योक्‍शा, मथीब आन कली गेनुङमी। सु सु कली हिम हिम पा मार मार ताक्‍गु, मेको आन कली ४ खेयप तेम्‍शा लेश्‍शा गेनुङमी” देंमाक्‍त। प्रस्‍थान २१:३७; इजीकीएल ३३:१४-१६

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

ब्‍यवस्‍था 16:19

निसाफ हेंथे मपने। कुल मकोव़ङीन। घूस मजने। मारदे हना घूसमी जोक्‍ब तुइक्‍ब मुर आन मिक्‍च सिल्‍ब। मिनु ठीक पाइबमी घूस जशा दूली लोव़ पाइब। १सामुएल ८:३

याकूब 5:4

इन रूम गेय पाइब आन गाल्‍च मुल सम्‍म जोल पा मगेनी। मेको खेत्‍ला आन कली मगेशो गाल्‍चम आ मुर नेल्‍ल आन परमप्रभु यावे नु लोव़ पाप्‍तु। मिनु मेकोमी मेको खेत्‍ला आन पुंइशो लोव़ नेंने थुम्‍तु। ब्‍‍यवस्‍था २४:१४-१५

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९

१ सामुएल 12:3

गो एक बाक्‍ती। आं पर्बम मारेइ मरिम्‍शो लोव़ पचा बाक्‍त हना, परमप्रभु यावे नु आ तेल लुक्‍शो आ ङोंइती देनीन। गो सुका आ ब्‍यफ, गधा रोइश्‍शो बाक्‍ङा? गो सु सु कली श्‍येत गेङा? गो सु सु आन कली दि‍बुमी? मिनु सु सु आन निसाफ पची ना घूस जङा? आं कली देंनीन। मिनु गो मेको थाप्‍नुङ” दे माइक्‍मी बाक्‍त। गन्‍ती १६:१५