यसैया 33:13 - Sunuwar Bible

¹³ गे ङोन रागी ङा मुरपुकी, गो मार पशो बाक्‍नुङा, मेको नेनीन। गे आं नेक्‍था बाक्‍बपुकी आं सक्ति तुइक्‍तीन।

यसैया 33:13 ပူးပေါင်းရင်းမြစ်များ

भजन संग्रह 148:14

मेकोमी आ मुर आन कली सक्ति पाइश्‍शो नु ठेयब सेल्‍तु। आ कली थमा सुइक्‍ब नेल्‍ले नु आ नेक्‍था बाक्‍ब इस्राएलीपुकीमी परमप्रभु यावे कली ठेयब सेलीन। ब्‍यवस्‍था ४:७-८

भजन संग्रह 48:10

परमप्रभु इन नें नु इन कली ठेयब सेल्‍तीके रागी आ सुर सम्‍म बाक्‍ब। गे इन सक्तिमी ग्राना ग्रान बाक्‍नीनी।

भजन संग्रह 97:8

परमप्रभु यावे आ निसाफ पशो नेंशा, सियोन नु यहूदा ङा सहर नेल्‍ल ग्‍येरसीनीम।

प्रस्‍थान 15:14

जात जात ङा मुरपुकी इन लोव़ नेंशा शुश हिंतेक्‍म। पलिस्‍ती रागी ङा मुरपुकी हिंशा, ख्रिंख्रि पाम्‍तेक्‍म। यहोसु २:९-११

यसैया 18:3

गे रागी रागीम बाक्‍ब मुरपुकी, रागी नेल्‍लेम ब्रोंइबपुकी डांडाम छेदर ख्रुक्‍शो ताइतीनी हना, कोव़ङीन। तुराही ताप्‍शो बाक्‍त हना, नेनीन।

यसैया 37:20

परमप्रभु यावे, आंइ परमप्रभु, मुल आंइ कली सन्‍हेरीब आ गुइ रे प्रोनीन। रागी नेल्‍ल ङा मुरपुकीम गे ला परमप्रभु यावे बाक्‍नीनी, दे तुइक्‍तमेक्‍ल” दे पुंइशा, लोव़ पाप्‍‍तु। यसैया ४०:५; दानीएल ६:२७

यसैया 49:1

गे समुन्‍द्र आ नेक्‍था बाक्‍बपुकी, होस पने। गे ङोन रागी ङा मुरपुकी, होस पने। परमप्रभु यावेमी आं कली आ जरमेचा क्‍येङा ङोंइती रेन ब्रेश्‍शो बाक्‍त। गो आं ममा आ कोव़जीम बाक्‍ङानु, मेकोमी आं कली नें गेती।

यसैया 52:10

परमप्रभु यावेमी रागी रागी ङा मुर आन ङोंइती आ सक्ति कोंइताक्‍व। मिनु रागी आ सुर सम्‍म ङा मुर नेल्‍लेमी आंइ परमप्रभुमी दोपा पाप रे प्रोंइबा, मेको ताइनीम।

यसैया 57:19

मिनु परमप्रभु यावेमी “ङोन नु नेक्‍था बाक्‍ब नेल्‍ल आन थुं नाइश्‍शा बाक्‍मल। मिनु गो मेको आन कली सापाइक्‍नुङमी। गन्‍ती ६:२६; लूका २:१४; एफिसी २:१७; प्रस्‍थान १५:२६-; येरमीया १७:१४; यहूदा १:१३; यसैया ४८:२२; हितोपदेस २८:१

दानीएल 3:27

मिनु मेको पारसी रागी ङा हुकुम पाइब नेल्‍ल नु पिप कली अर्ती गेब नेल्‍ल बुक्‍शा “मीम एको सां आन कली मारेइ मपव। आन चां यो मग्रोंइश्‍शो बाक्‍त। मिनु आन वा यो मग्रोइक्‍थु, मी आ रिना यो मबाक्‍शो बाक्‍त” देंतेक्‍म। हिब्रू ११:३३-३४

१ सामुएल 17:46

मुलाक्‍ती परमप्रभु यावेम इ कली आं गुइम गेब। गो इ कली साइक्‍नन। मिनु इ पिया ख्रोइश्‍शा। इ रां नु पलिस्‍ती आन रां चिक्‍ब नु ब्‍वाकी ङा जन्‍तु आन कली ब्‍वचा गेनुङ। मिनु इस्राएलम परमप्रभु का बाक्‍ब, दे रागी नेल्‍ल ङा मुरुम तुइक्‍नीम।