यसैया 32:7 - Sunuwar Bible

⁷ मोदेंशो मरिम्‍शो पाइब आन गेय मरिम्‍शो बाक्‍ब। परमप्रभु यावे आ अरेशो मटीबम “दोपा आं दाक्‍शो पने चाप्‍नुङा?” दे प्रुङग आन कली जोल पा नु मारेइ मथीबम ठीक लोव़ पाम्‍तेक्‍म हना यो, मेको आन कली खतम सेल्‍नीम।

यसैया 32:7 ပူးပေါင်းရင်းမြစ်များ

भजन संग्रह 119:95

इन अरेशो लोव़ मटीबपुकीमी आं कली साइक्‍चा कली बाप्‍शो बाक्‍नीमी। गो चहिं इन देंशो मिम्‍शा बाक्‍नुङ।

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 11:4

ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८

यसैया 26:10

परमप्रभु यावे आ अरेशो लोव़ मटीब मुरपुकीमी शिशी ताम्‍तेक्‍म हना यो, ठीक पतीके मशेंसीनीम। मेकोपुकीम ठीक पाइब आन रागीमी दूली पाइनीम। मिनु परमप्रभु यावे कली मान मपाइनीम।

यसैया 29:21

मेकोपुकीमी मुर आन कली निसाफ पतीकेमी ब्रुपाइक्‍नीम। मिनु ठीक पाइब नु निसाफ पाइब कली ब्‍वारदम रेप्‍पाइक्‍नीम। मारेइ मरिम्‍शो मपाइब कली मोशा दोस गेपाइक्‍नीम। आमोस ५:१०

यसैया 5:23

गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

यसैया 55:7

परमप्रभु यावे आ अरेशो मटीबमी आन लां प्रोन्‍मेक्‍ल। मिनु ठीक मपाइबमी आन मरिम्‍शो मिम्‍शो प्रोन्‍मेक्‍ल। परमप्रभु यावे गे लेम्‍मल। मिनु मेकोमी मेको आन कली शिशी पाइब। मेकोपुकी आंइ परमप्रभु गे लेम्‍मल। मारदे हना मेकोमी शुश माफ गेब। इजीकीएल १८:२७; इजीकीएल ३३:१; भजन संग्रह १३०:४

यसैया 59:15

थमा पतीक तेइ मथिंसीब। रिम्‍शो पाइब आन मारेइ मारेइ रोइक्‍चा पुंइसीनीम। मिनु परमप्रभु यावेमी मेको ताप्‍तु। मिनु ठीक निसाफ मबा, दे थम गाइश्‍शो बाक्‍त।

यसैया 61:1

“परमप्रभु, परमप्रभु यावे आ सोक्‍त आं तार बाक्‍ब। मारदे हना परमप्रभु यावेमी तेल लुक्‍‍ताक्‍यी। मेकोमी आं कली दिप्‍‍शो प्रुङग मुर आन कली ग्‍येरपाइक्‍ब लोव़ नेंपाइक्‍चा कली, थुं जिक्‍शो आन कली आन थुं बारपाइक्‍चा कली, चोक्‍चा पुंइसीशो मुर आन कली प्रोंइ‍चा कली नु जेल्‍खान बाक्‍ब आन कली ग्रुंइचा कली सोइक्‍ताक्‍यी। यसैया १:२; मत्ती ११:५; लूका ४:१८-१९

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

दानीएल 12:10

मिनु शुश मुर नाक्‍चा, रिम्‍शो सेल्‍चा नु सुन यपाइश्‍शो खोदेंशो पा रिम्‍शो सेल्‍‍चा पुंइसीनीम। तन्‍न परमप्रभु कली मटीब, मटिना टिन बाक्‍शा, मारेइ मरुप्‍नीम। तन्‍न जोक्‍ब तुइक्‍बपुकीमी एको लोव़ रुप्‍नीम।

मीका 2:1

आबी आबी, सु सुम आन ब्राख्‍येम गोल्‍शा पाप नु मरिम्‍शो पचा ला मिम्‍नीमी। मिनु नां सोव़म चोटीन मेको आन मिम्‍शो पाइनीम। मारदे हना मेको पने चाप्‍ब बाक्‍नीम।

मीका 2:11

तेकोइ मुरुमी जोल पा दूली लोव़ पशा “गो इ कली अङगुर शांबु तूचा नु रकसी तूचा आ पर्बम लोव़ पाइनुङ” देंत हना, मेको मुर मेको आन कली गारचा ङा लोव़ पाइब बाक्‍ब।

मत्ती 26:4

मेकोपुकीमी “मुर आन मतुइक्‍थु येसु कली दोपा ग्‍याइश्‍शा साइक्‍पाइक्‍चा” दे सल्‍ला पामेनु