यसैया 32:18 - Sunuwar Bible

¹⁸ आं मुरपुकी थुं नाइश्‍शा, महिंथु बाक्‍तीकेम बाक्‍नीम। लडाइ मदुम्‍थु, रिम्‍शो बाक्‍तीकेमी सिक्‍सी पा बाक्‍नीम। येरमीया ३३:१६

यसैया 32:18 ပူးပေါင်းရင်းမြစ်များ

भजन संग्रह 107:7

मेकोमी मेको आन कली पित्‍थ लांम खुल्‍तीमी। मिनु मुर बाक्‍तीक सहरम चाक्‍दीत्‍ती‍मी।

प्रस्‍थान 9:26

इस्राएली आन बाक्‍तीके गोशेनमी ला मुप्‍स मयी। प्रस्‍थान ९:४; प्रस्‍थान ८:१८

हितोपदेस 24:15

गे परमप्रभु यावे आ अरेशो मटीब ठीक पाइब आन खिं खतम पोक्‍चा कली बाप्‍शा मबाक्‍को। मेको ठीक पाइब आ बाक्‍तीकेमी हुश ख्राक्‍श मपोक्‍को।

यसैया 11:10

मिनु मेको नाक्‍ती येस्‍से आ शाक्‍श जात जात ङा मुर आन कली चिन्‍ड दुम्‍ब। मिनु रागी रागी ङा मुर नेल्‍लेमी मेको कली हिल्‍लो पाइ‍नीम। मेको आ बाक्‍तीके छेङछेङम बाक्‍ब। रोमी १५:१२

यसैया 14:3

मिनु परमप्रभु यावेमी इन कली श्‍येत जतीके, खेदा पचा पुंइसीतीके नु शुश गेय पतीक रे नाइक्‍चा गेप्‍तु हना,

यसैया 2:4

मिनु मेकोमी रागी रागी ङा नु जात जात ङा मुर आन कली निसाफ पाइब। मिनु मेकेर ङा मुर आन कली अरेब। मेकोपुकीमी आन तरवार चेम्‍शा, फाली सेल्‍नीम। आन तूतीक चहिं गुये सेल्‍नीम। रागी का ङा मुर अर्को रागी ङा मुर नु लडाइ मपाइनीम। लडाइ पचा मशेंसीनीम। यसैया ९:४

यसैया 26:12

परमप्रभु यावे, गे आंइ कली थुं नाइक्‍चा गेनीनी। मारदे हना मार रिम्‍शो पका, मेको नेल्‍ल इन रे पा पिशो बाक्‍ब। यसैया ९:६

यसैया 26:3

गे ग्‍येत्‍थ लुक्‍च मदुम्‍ब थुं पाइश्‍शो मुर आन कली थुं नाइक्‍चा गेनीनी। मारदे हना मेकोपुकी इन कली थमा सुइक्‍ब बाक्‍नीम।

यसैया 28:12

मिनु परमप्रभुमी मेको आन कली “मेको थुं नाइक्‍तीक बाक्‍ब। गे दशो मुर आन कली नाइक्‍चा गेने। थुं बारपाइक्‍तीक एकोन बाक्‍ब” देंत। मो हना यो मेकोपुकीमी मनेंथु मटीमे। यसैया ३०:१५; मत्ती ११:२८-२९

यसैया 30:15

मिनु परमप्रभु, इस्राएली आन का ला बाक्‍शो परमप्रभु यावेमी “आं गे लेश्‍शा, सिक्‍सी पा बाक्‍नी हना, ब्रोंइनी वा। सिक्‍सी पा बाक्‍तीनी नु थमा सुइक्‍तीनी हना, गे बोल्‍यो दुम्‍नी वा। तन्‍न गे मटिनी। यसैया ७:४; प्रस्‍थान १४:१४

यसैया 33:6

मिनु सियोन इ नाक्‍ती नेल्‍ल रिम्‍शो दुम्‍ब। मेना शुश पाप रे प्रोंइतीके, तुइक्‍तीके नु जोक्‍तीक गे नु बाक्‍‍ब। सियोन ङा मुर आन शोंप परमप्रभु यावे कली मान पा हिंचा बाक्‍ब।

यसैया 65:21

मेकोपुकी खिं सेल्‍शा, बाक्‍नीम। मिनु मेकेर अङगुर ख्रुम्‍शा, ग्‍येरशा ब्‍वाइनीम। यसैया ६२:८

यसैया 65:9

मिनु गो याकूब आ चच युइ रे जाक्‍पाइक्‍नुङ। मिनु यहूदा आ थर ङा आं डांडा ताइब मुर ग्रुंइनुङ। मेको आं योव़शो मुर आन के दुम्‍शा, आं गेय पाइब आन बाक्‍तीके दुम्‍ब।

येरमीया 33:16

मेको नाक्‍ती यहूदा श्‍येत रे प्रोंइचा पुंइसीब। मिनु यरूसलेम मारेइ मदुम्‍थु बाक्‍ब। मिनु मेको आ नें आंइ कली ठीक सेल्‍ब परमप्रभु यावे” देंनीम। ब्‍यवस्‍था ३३:२८

इजीकीएल 34:28

मिनु रागी रागी ङा मुरपुकीमी मेको आन कली रोइक्‍ने मचाप्‍‍नीम। ब्‍वाकी ङा जन्‍तुपुकीम यो मेको आन कली मब्‍वाइनीम। मेकोपुकी रिम्‍शो बाक्‍नीमी। मिनु सुइम मेको आन कली महिंपाइक्‍नीम। येरमीया ३०:१०

जकरिया 2:5

मिनु गो मेको आ एर ओंथ मी के गारो दुम्‍नुङ। मिनु गो मेको आ आगा ङा छेङछेङ दुम्‍नुङ’ दे परमप्रभु यावेमी देंत, देनो” देंत। जकरिया ९:८

जकरिया 2:8

मारदे हना मुर नेल्‍ल आन परमप्रभु यावेमी इन कली रोइक्‍ब रागी रागी ङा मुर आन पर्बम मार देंत देंशा हना ‘सुमी इन कली थीबा, मेकोमी आं मिक्‍च आ क्रिक्बील थी‍ब’ देंत। ब्‍यवस्‍था ३२:१०

जकरिया 3:10

मेको नाक्‍ती गे नेल्‍लेमी आंम आंमा ब्रेम्‍मुशा अङगुर नु फोव़शी आ पुंमी ग्‍येरशा ग्रुम्‍नीनी’ दे मुर नेल्‍ल आन परमप्रभु यावेमी देंत” देंत। १राजा ५:५; मीका ४:४

हिब्रू 4:9

मोपतीके परमप्रभु यावे आ मुर आन कली नाइक्‍तीक नाक्‍त का बाक्‍ब, दे तुइक्‍नय।

१ यूहन्‍ना 4:16

मोपतीके गोपुकी “परमप्रभु यावेमी इं कली दाक्‍ब” दे तुइश्‍शा थमा सुइक्‍नय। परमप्रभु यावेमी मुर आन कली दाक्‍ब। सुमी दाक्‍ना दाक्‍न बाक्‍बा, मेको परमप्रभु यावे नु थुं का ङा बाक्‍ब। परमप्रभु यावे यो मेको नु थुं का ङा बाक्‍ब।