यसैया 32:11 - Sunuwar Bible

¹¹ गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।

यसैया 32:11 ပူးပေါင်းရင်းမြစ်များ

भजन संग्रह 123:4

ठेयब लेश्‍शोपुकी नु मरिम्‍शो पाइबपुकीमी आंइ कली महिक्‍थु शुश श्‍येत गेतीके गो ब्रीताक्‍क।

प्रस्‍थान 33:4

मिनु मुरपुकीमी मेको मरिम्‍शो लोव़ नेंशा, सुर्ता पाम्‍तेक्‍म। सुइमी आन सुन चांदी मारेइ मपांइसम।

यसैया 15:3

मेकोपुकी सहर ङा लांमी अरन्‍डी फेक्‍शा, खिं तारी नु बजारम ग्रुम्‍शा रोंका पा ङाक्‍ना ङाक्‍न बाक्‍नीम।

यसैया 2:19

परमप्रभु यावेमी शुश रागी ङा मुर आन कली हिंच कोंइब नु आ छेङछेङ ङा ठेयब सक्ति जाक्‍मेनु, गे पुक्‍खीम नु खपी आगा ङा ढोडोङगाम ओव़शा ख्रुंइसीन।

यसैया 2:21

परमप्रभु यावे रागी ङा मुर आन कली हिंच कोंइचा कली जाक्‍मेनु, मुरपुकी आ हिंच कोंइतीक छेङछेङ ङा ठेयब सक्तिम मतचा ङा पा पुक्‍खी नु सेरथे फुल्‍लु ङा कापम ख्रुंइसीनीम। २थिस्‍सलोनिकी १:९-१०

यसैया 20:4

मोपा अस्‍सुर ङा पिपमी इजीप्‍त रागी नु एथीयोपीया ङा मुर आन कली ग्‍याइश्‍शा लाइक्‍ब। ठिटा नु खूशो नेल्‍ल आन कली शिश्रा, जुत्ता मलिक्‍पाइक्‍‍थु नु देल्‍लो तपाइश्‍शा लाइश्‍शा, इजीप्‍त कली मुने तोक्‍ब।

यसैया 22:12

मेको नाक्‍ती परमप्रभु, मुर नेल्‍ल आन परमप्रभु यावेमी ङाक्‍चा, रोंका पचा, चां ख्रोइक्‍चा नु अरन्‍डी फेक्‍पाइक्‍चा कली इन कली ब्रेत्‍ताक्‍व। आमोस ८:१०

यसैया 3:24

मिनु “नोले ब्रोव़शो रिना पाइश्‍शो, ग्रांग्रा दिशो रिना पाइश्‍शो दुम्‍ब। काम्‍बरी किप्‍तीकेमी, डोरी किप्‍चा माल्‍नीम। मेको आन रिम्‍शो सेल्‍शो चां, श्‍येत्‍थ पिया दुम्‍नीम। आन दारशो शुश क्‍येट लाइब फेक्‍तीकेमी, रां सुम्‍चा कली अरन्‍डी फेक्‍चा माल्‍नीम। मेको आन दारस नेल्‍ले लशा, मीम ग्रोइश्‍शो खोदेंशो दुम्‍शा मुने दोक्‍नीम।

यसैया 33:14

सियोनम बाक्‍ब पाप पाइबपुकी हिं‍नीम। परमप्रभु यावे आ अरेशो मटीब ख्रिंख्रि पाइनीम। सु खतम पोक्‍ब मी नु ब्रोंइशा बाक्‍ने चाप्‍बा? आंइ दातेमी सु गेना हना यो ब्रशो मी नु ब्रोंइशा बाक्‍ने चाप्‍बा?” देंत। यसैया १०:१७; येरमीया २३:२९

यसैया 47:8

मोपतीके गे दला दाक्‍स पाइब, नेनो। गे रिम्‍शो पा महिंथु बाक्‍ते। इ थुंमी ‘गो ठेयब नङ, आं क्‍येङा लाक्‍शो अरु सुइ मबाक्‍ब। गो वोंइश बेक्‍शो मीश मुर मदुम्‍नुङ। आं आल बेक्‍शो मताइनुङ’ देंते। सेफन्‍याह २:१५; प्रकाश १८:७

येरमीया 4:8

मोपतीके अरन्‍डी फेक्‍शा रोंका पने। मिनु ङाक्‍कीन” देंत। मारदे हना परमप्रभु यावे आ हिंचा ङा पा गाइश्‍शो इं रे मयाक्‍सीशो बाक्‍ब। येरमीया ६:२६

येरमीया 49:3

परमप्रभु यावेमी “हेश्‍बोन रोंका पावो। मारदे हना ऐ सहर खतम पोक्‍शो बाक्‍ब। गे रब्‍बाह ङा तमी, वाइ ब्रेश्‍शा ङाक्‍कीन। भाङग्रा फेंसी‍शा रोंका पने। वाम ग्‍याम दुम्‍शा एर ओंथ दोरीन। मारदे हना मिल्‍कोम, आ चढ़ेबपुकी नु आ नोले खोइक्‍ब ग्‍याइश्‍शा लाइक्‍चा पुंइसाक्‍म।

येरमीया 6:26

मिनु “आं श्‍येत जाइब मुरपुकी अरन्‍डी फेक्‍सीन। मिनु इन पिया तारी पुलु फुंइसीन। का ला बाक्‍शो आल बेक्‍शो आ पर्बम खोदेंशो पा रोंका पने। मारदे हना आंइ कली साइक्‍ब याम काम जाक्‍ब” देंत। येरमीया ४:८; आमोस ८:१०

होसे 2:3

मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।

योएल 1:8

मिनु कन्‍ने मीश आलमी अरन्‍डी फेक्‍शा, आ ग्‍युंबे पचशो वोंइश आल आ पर्बम दोपा रोंका पाइबा, मोपा रोंका पने।

आमोस 4:12

मोपतीके परमप्रभु यावेमी “ए इस्राएल ङा मुरपुकी, गो इन कली मार पाइ‍नुङ देंशा हना, गे इन परमप्रभु, आं कली ग्रुम्‍चा माल्‍नीनी।

सेफन्‍याह 2:15

मेको महिंथु थुं नाइश्‍शा बाक्‍ब सहर मबाक्‍बा ङा? मेकोमी आंम कली “गो गोन नङ। आं क्‍येङा लाक्‍शा अरु सुइ मबाक्‍नीम” देंत। मेको मुल दोदेंशो पा ब्रेश्‍शो दुम्‍मे? मेको ब्‍वाकी ङा जन्‍तु आन बाक्‍तीके दुम्‍त। मेको लां रे पा गाक्‍ब नेल्‍ल मेको तशा आबी, दे हिंशा ख्रिंख्रि पाइनीम। यसैया ४७:८

ब्‍यवस्‍था 28:48

मोपतीके परमप्रभु यावेमी इन कली जोरी सत्रु सोइक्‍ब। गेपुकी शोव़लु बेक्‍शा नु तूतू दाक्‍ना दाक्‍न, फेक्‍चा मतथु नु मारेइ मगाप्‍शो दुम्‍शा, मेको आन गेय पचा माल्‍नीनी। मिनु मेकोमी इन कली मक्‍याम्‍दमे सम्‍म फलम के हलो इन तारी वोइक्‍नीम। येरमीया २८:१३-१४

याकूब 5:5

गेपुकी रागीमी दुक्‍चा, जचा, ब्‍वचामी शुश शोंप पाइश्‍शो दुम्‍शा, ग्‍येरशा बाक्‍तीनी। मिनु क्‍योरची नाक्‍त कली थुल्‍शा दोम्‍पाइश्‍शो खोदेंशो पा गेपुकी निसाफ पची नाक्‍ती ठेयब सजाइ ताइब दुम्‍नीनी। लूका १६:१९-२५