यसैया 32:10 - Sunuwar Bible

¹⁰ गे काइ महिंबपुकी बर्स का नोले श्‍येत जशा ख्रिंख्रि पाइनीनी। मारदे हना अङगुर सेक्‍चा मताइनीनी। फल फुल मसित्‍नीम।

यसैया 32:10 ပူးပေါင်းရင်းမြစ်များ

यसैया 16:10

मिनु ग्रेल्‍शो रू रे ग्‍येरशो सेंदा मनेंसीब। इस अङगुर रूमी ग्‍येरशा कुम्‍सो मपाइनीम। सुइमी अङगुर मख्राक्‍नीम। आन ग्‍येरशा कुम्‍सो पतीके जाम्‍त। येरमीया ४८:३३

यसैया 7:23

मेना हजार का शेकेल चांदी लाइब हजार का अङगुर बोट ख्रुम्‍शो रूम चू नु चोंक वानीम। शेकेल का ११.५ ग्राम ङा चांदी के क्‍येट बाक्‍ब।

येरमीया 8:13

परमप्रभु यावेम “गो, अङगुर सेक्‍‍नुङ देंङानु बोटम अङगुर मबाक्‍म। फोव़शी रवाम फोव़शी मबाक्‍म। मेको आन सफा यो सोव़तेक्‍‍म। मेकोपुकी आं गेशो यो रोइक्‍चा पुंइसीनीम” दे परमप्रभु यावेमी देंत।

होसे 2:12

गो मेको आ अङगुर बोटपुकी नु फोव़शी रवापुकी खतम सेल्‍नुङ। मेको आ पर्बम मेकोमी ‘एको आं तेल्‍लेम पशो ङा गाल्‍च नमी’ देंशो बाक्‍त। गो मेको रवा रे ठेयब ब्‍वाकी सेल्‍नुङ। मिनु ब्‍वाकी ङा जन्‍तुपुकीमी मेको ब्‍वाइनीम।

होसे 3:4

मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३

योएल 1:12

अङगुर बोट सोल सुल बेक्‍तेक्‍म। फोव़शी रवा यो सोव़तेक्‍म। अनार, खजूर, स्‍याउ रवा नु रू ङा रवा नेल्‍ल सोव़तेक्‍म। थमा पा, मुर आन दातेमी मुर आन ग्‍येरतीक थुं यो मेको खोदेंशो पा नुप्‍शो बाक्‍ब।

योएल 1:5

मिनु गे दुक्‍शा बाक्‍बपुकी सेंसीशा, ङाक्‍कीन। मिनु अङगुर शांबु तूशा दुक्‍ब नेल्‍ल नक अङगुर शांबु आ पर्बम रोंका पने। मारदे हना मेको इन शोव़ रे रोंइ‍सीशो बाक्‍ब।

योएल 1:7

मेकोपुकीमी आं अङगुर रू खतम पोक्‍शा, आं फोव़शी रवा नेल्‍ल तिम्‍शा चेत्‍तेक्‍म। मेकोपुकीमी मेको आन कोक्‍ते नेल्‍ल थुरशा, ताइक्‍ताक्‍म। मेको आन राशी नेल्‍ल बुश दुम्‍‍तेक्‍म।

हबकुक 3:17

फोव़शी रवा मबोइक्‍ब। अङगुर बोट मसिप्‍ब। तेल रवाम फल काइ मसिप्‍ब। रूमी अन्‍न मसिप्‍ब। गोठीम बी ब्‍यफ नु क्‍यारश भेडा मबाक्‍त हना यो,

सेफन्‍याह 1:13

मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। ब्‍यवस्‍था २८:३०,३९; आमोस ५:११