7 मारदे हना मेको नाक्ती गे नेल्लेमी इन सुन नु चांदी के मूर्ति नेल्ल बेरपाइक्नीनी। गे मेको पाप पा इन आंम गुइमी सेल्तीनी। यसैया २:२०
मेकोपुकीम आंम आन गुइमी सेल्शो देवी देवता आन कली चढ़ेचा ममिम्नीम। आंमा आन सेल्शो मूर्ति पाइश्शो थाम नु धूप चोतीके कली मकोव़नीम।
मेको नाक्ती मुरपुकीम आन पूजा पचा कली सुन चांदी के सेल्शो मूर्ति थाक्यु नु पकातिक्ती आन ङोंइती ताइक्नीम। यसैया ३१:७
मेना इन मुशा सेल्शो चांदी नु सुनम गिल्शो मूर्तिपुकी ग्रांग्रा दीनीनी। गे मेको आन कली ग्रांग्रा दिचा ङा वा खोदेंशो पा ताइक्नीनी। मिनु मेको आन कली “ङोन लने” दे ताइक्नीनी। यसैया २७:९
गो इन तार रिम्शो ब्वाक्कु ब्रुइक्नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्शा रिम्शो दुम्नीनी। इन ग्रांग्रा दिशो दुम्शो नेल्ल रे ग्रांग्रा मदिशो सेल्नन्नी। जकरिया १३:१; हिब्रू १०:२२
एफ्राइम ङा मुरपुकी, मूर्तिपुकी नु गो आं के मार गेय बाक्बा ङा? गो इन कली लोव़ लेत्नुङ। मिनु इन कली कोव़नुङ। गो तोव़शी रवा खोदेंशो पा गिग बाक्नुङ। इ फल फुल सित्चा आं सक्ति रे जाक्ब।
एफ्राइममी आ पाप पतीके चढ़ेतीक शुश सेल्तु। मेको चढ़ेतीके शुश सेल्तीके मेको कली पाप दुम्शो बाक्ब।
गेपुकीमी मेको आन शी मुशा सेल्शो मूर्तिपुकी मीम हुम्चा माल्नीनी। मूर्तिम बाक्शो सुन चांदी बाक्त हना, वाल्शा आंम कली मवोंइसीन। मारदे हना मोदेंशो पाइतीनी हना, इन कली मरिम्शो दुम्ब। मेको परमप्रभु यावे, इन परमप्रभु कली ग्रांग्रा बाक्ब।