यसैया 31:5 - Sunuwar Bible

⁵ दोपा चिक्‍बपुकीमी आन चाइक्‍ब आन तार फिल फिल पा कोव़थ बेरनीमी, मोपा मुर नेल्‍ल आन परमप्रभु यावेमी यरूसलेम कली कोव़ब। मेको कली कोव़शा, प्रोंइशा, आ नेक्‍था बाक्‍शा खाल पाइ‍ब। मत्ती २३:३७

यसैया 31:5 ပူးပေါင်းရင်းမြစ်များ

उत्पत्ती 1:2

मिनु खप, फश, ब्‍वाक्‍कु नेल्‍ल खाल्‍सीशा, मारेइ मवाशो बाक्‍माक्‍त। मिनु मेको तारी छिङछिङ बाक्‍माक्‍त। परमप्रभु आ सोक्‍त ब्‍वाक्‍कु तारी फिल फिल पा हिम्‍सीशा बाक्‍बाक्‍माक्‍त।

२ राजा 19:34

मारदे हना गो आंम आं पर्बम नु आं गेय पाइब दाऊद आ पर्बम मेको सहर कली वारच पा प्रोंइनुङ” देंमाक्‍त। २राजा २०:६

२ इतिहास 32:22

मोपा परमप्रभु यावेम हिज्‍कीयाह नु यरूसलेमम बाक्‍ब मुर आन कली अस्‍सुर ङा पिप सन्‍हेरीब नु मेको आन जोरी सत्रु नेल्‍ल आन गुइ रे प्रोना बाक्‍त। परमप्रभु यावेमी मेको रागी कली नाइक्‍चा गेवा बाक्‍त।

भजन संग्रह 37:40

परमप्रभु यावेमी मेको आन कली वारच पा प्रोंइब। मिनु आ अरेशो मटीब आन गुइ रे प्रोंइब। मारदे हना मेकोपुकी परमप्रभु कली जिम्‍मा गेंसीशो बाक्‍नीम। लूका १८:७-८

भजन संग्रह 46:5

मिनु परमप्रभु मेको सहरम बाक्‍ब। मिनु मेको महिम्‍सीब। परमप्रभुमी मेको सहर कली नां सोव़म रेन वारच पाइब।

भजन संग्रह 46:6

मिनु रागी रागी ङा मुरपुकी जिशा खेशा पाइनीम। राज्‍यपुकी क्‍याम्‍चा पुंइसीनीम। परमप्रभुमी आ सेंदा नेंपाइक्‍तु हना, रागी नेल्‍ल याइनीम।

भजन संग्रह 91:4

मेकोमी इ कली आ फ्रांमी फाप्‍ब। मिनु गे मेको आ फ्रां आगामी ख्रुइश्‍शा बाक्‍नेवे। मेको आ दाक्‍शा गेनायो मप्रोंइतीके इ तेक्‍तीक नु गारो दुम्‍ब।

प्रस्‍थान 12:27

गे मेको आन कली ‘इस्राएल ङा मुरपुकी इजीप्‍त रागीम बाक्‍मानु, परमप्रभु यावेमी इजीप्‍त ङा मुर आन कली साइक्‍ची ना इस्राएली आन खिं चहिं हेरशा लत। एको हेरतीक आ पर्बम चढ़ेशो बाक्‍ब’ देंचा माल्‍नीनी” दे मोसामी देंत। मिनु मुरपुकीमी खुम्‍की पा बाप्‍शा, परमप्रभु यावे कली ठेयब सेल्‍तेक्‍म।

प्रस्‍थान 19:4

‘गो इजीप्‍त ङा मुर आन कली मार मार पङा, मेको ताइतीनी। ककाकुली आ फ्रां तार कुरशो खोदेंशो पा इन कली आं नेक्‍था वोइक्‍तन्‍नी। ब्‍यवस्‍था ३२:११

यसैया 10:14

मिनु गो प्रोंइशो चिक्‍ब आन ग्‍योव़ खोदेंशो पा बाक्‍तीक नु मुर आन शोंप थित्‍ता। गो चिक्‍बीम प्रोंइशो ब्‍वोफु खुप्‍शो खोदेंशो पा, रागी रागी कली खुप्‍ताक्‍ङ। मिनु फ्रां हिक्‍शा, तेक्‍ब सुइ मबाक्‍म। मिनु सुइम मारेइ मदेंम” देंत।

यसैया 26:1

मेको नाक्‍ती यहूदा रागी ङा मुरपुकीम मार कुम्‍सो पाइनीम देंशा हना “आंइ सहर बोल्‍यो बाक्‍ब। परमप्रभुमी आंइ कली ग्राचा गेब। लडाइ पाइब आन कली ओव़ने मचाप्‍तीके गारो हिरब।

यसैया 27:3

गो, परमप्रभु यावेमी मेको कली गेना हना यो कोव़शा, ब्‍वाक्‍कु लुक्‍नुङ। मरिम्‍शो मदुम्‍ल, दे गो मेको कली नाक्‍दो नाक्‍ती कोव़नुङ।

यसैया 35:4

हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

यसैया 37:35

गो मेको सहर कली आं पर्बम नु आं गेय पाइब दाऊद आ पर्बम आन गुइ रे प्रोंइशा, वोइक्‍नुङ” देंत।

यसैया 38:6

मिनु गो इ कली नु एको सहर कली अस्‍सुर ङा पिप आ गुइ रे प्रोंइनुङ। एको सहर कली वारच पाइनुङ।

जकरिया 9:14

मिनु नोले परमप्रभु यावे इन क्‍येङा इर ग्रूब। मेको आ ब्रा चिला आप्‍शो खोदेंशो पा बेरनीम। परमप्रभु, परमप्रभु यावेमी तुराही ताप्‍ब। मिनु दक्‍खिन ङा फश गिवारम गाक्‍शा लाइब।

जकरिया 9:8

मिनु नोले गो आं खिं कली आंमा खाल पाइब खोदेंशो बाक्‍नुङ। मोपा सुइ मुर एर ओंथ गाक्‍ने मचाप्‍नीम। सुइमी आं मुर आन कली लडाइ मतोइनीम। मारदे हना मुल गो आंमान मेको आन कली कोव़नुङ। जकरिया २:९

ब्‍यवस्‍था 32:11

आंम चाइक्‍ब कली रिम्‍शो कोव़शा जचा गेब, फ्रां प्राक्‍शा चाइक्‍ब कली पुप्‍ब नु आ फ्रांम इर कुरब ककाकुली खोदेंशो पा, प्रस्‍थान १९:४