यसैया 30:7 - Sunuwar Bible

⁷ मारदे हना इजीप्‍त ङा मुर आन वारच पतीके शोर गाक्‍शो नु थमा पा वारच मपतीके बाक्‍ब। मोपतीके गो मेको कली लोव़ मपाइब, राहाब, दे नें वोइक्‍ता” देंत। भजन संग्रह ८९:११

यसैया 30:7 ပူးပေါင်းရင်းမြစ်များ

अय्‍युब 9:13

परमप्रभुम आ गाइक्‍चा मलेप्‍ब। राहाब माइश्‍शो समुन्‍द्र ङा ठेयब जन्‍तु कली वारच पाइबपुकी मेको आ खोइलीम बाप्‍नीम। अय्‍युब २६:१२; भजन संग्रह ८९:११

भजन संग्रह 87:4

राहाब नु बेबीलोनम आं कली तुइक्‍नीस। पलिस्‍ती आन रागी, टायर नु एथीयोपीया यो मेको नु बाक्‍नीम। मिनु मेको आन पर्बम “एको नु मेको मेकेर जरमेशो नम” देंनीम। इजीप्‍त रागी कली राहाब यो देंनीम। भजन संग्रह ६७:४-५

भजन संग्रह 89:10

गे राहाब कली बेक्‍शो जन्‍तु खोदेंशो पा साइक्‍तीनी। इन जोरी सत्रु आन कली इन सक्तिमी एर ओंथ ब्रपाइक्‍तीनी। इजीप्‍त रागी कली राहाब यो देंनीम। भजन संग्रह ८७:४ अय्‍युब ९:१३; अय्‍युब २६:१२; यसैया ३०:७; यसैया ५१:९

प्रस्‍थान 14:13

मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।

हितोपदेस 25:19

श्‍येत जशो ना थमा मसुइक्‍चा ङा मुर कली थमा सुइक्‍चा खाइश्‍शो ख्रुइ नु मदुक्‍ब खोइल खोदेंशो बाक्‍ब।

यसैया 10:3

मिनु सजाइ गेतीक नाक्‍तीमी मार पाइनीनी? ङोन रे जाक्‍शो हिंचा ङा श्‍येतमी मार पाइनीनी? “वारच पाइय्‍यीनी” दे सु आ बाक्‍तीके प्रोक्‍नीनी? इन शोंप ते वोइक्‍नीनी?

यसैया 2:22

मोपतीके नेंम सास मुइक्‍चा पुंइसीशो बेक्‍शा लाइब मुर रे ङोन लने। मेको मारेइ मनम।

यसैया 20:6

मिनु मेको नाक्‍ती समुन्‍द्र आ नेक्‍था बाक्‍ब मुरपुकीमी ‘कोव़ङीन, ङोंइती वारच पा अस्‍सुर नु लडाइ पन, दे ब्रेश्‍शो रागी आस कली अस्‍सुर ङा पिपम ग्‍याइश्‍शा लाइक्‍तु। गो मुल दोपा ब्रोंइचा’ देंनीम” देंत।

यसैया 28:12

मिनु परमप्रभुमी मेको आन कली “मेको थुं नाइक्‍तीक बाक्‍ब। गे दशो मुर आन कली नाइक्‍चा गेने। थुं बारपाइक्‍तीक एकोन बाक्‍ब” देंत। मो हना यो मेकोपुकीमी मनेंथु मटीमे। यसैया ३०:१५; मत्ती ११:२८-२९

यसैया 30:15

मिनु परमप्रभु, इस्राएली आन का ला बाक्‍शो परमप्रभु यावेमी “आं गे लेश्‍शा, सिक्‍सी पा बाक्‍नी हना, ब्रोंइनी वा। सिक्‍सी पा बाक्‍तीनी नु थमा सुइक्‍तीनी हना, गे बोल्‍यो दुम्‍नी वा। तन्‍न गे मटिनी। यसैया ७:४; प्रस्‍थान १४:१४

यसैया 30:5

मेको नेल्‍ल मुने दोक्‍नीम। मारदे हना इन कली वारच पने मचाप्‍थु, शोर गाक्‍शो दुम्‍‍नीम। तन्‍न इन कली मुने दोक्‍ब नु शिशी मताइब सेल्‍‍नीम।

यसैया 36:9

गे बग्‍गी नु शारा ङोइक्‍ब आन पर्बम इजीप्‍त कली थमा सुइक्‍नेवे। गे आं होव़प आ नेल्‍ल क्‍येङा आइक्‍च कप्‍तान का कली यो खेरने मचाप्‍नेवे।

यसैया 51:9

परमप्रभु यावे सेंसीन, सेंसीन। सक्ति पाइश्‍शो दुमीन। साइ ङोंइती आंइ किकी पिपी आन कली पशो खोदेंशो पा, पने। साइ गे राहाब माइश्‍शो समुन्‍द्र ङा जन्‍तु कली मसाइक्‍नी ङा? ठेयब बुस्‍स कली मतूदीनी ङा? भजन संग्रह ८९:११

यसैया 7:4

मिनु गे मेको कली ‘होस पा, सिक्‍सी पा बाक्‍कीन। महिनीन। इन थुं ग्‍येत्‍थ लुक्‍च मपपतीन। मेको कुन पाइब बुल्‍सी रेसीन, अराम नु रेमाल्‍याह आ तौ पेकाह, आन गाइश्‍शो तशा, महिनीन। इन थुं ग्‍येत्‍थ लुक्‍च मपपतीन। यसैया ३०:१५;

येरमीया 37:7

मार लोव़ पाप्‍तु देंशा हना “परमप्रभु यावे, इस्राएली आन परमप्रभुमी ‘यहूदा ङा पिपम आं कली हिल्‍लो पथ इ बाक्‍तीक सोइक्‍ताक्‍व। मेको कली इ कली वारच पाइक्‍थ जाक्‍ब फाराओ आ लडाइ पाइब आन रागी इजीप्‍त लेश्‍शा लाइनीम, दे मतो।

बिलाप 3:26

सिक्‍सी पा परमप्रभु यावे आ श्‍येत रे प्रोंइतीके रिम्‍चा रिम्‍शो दुम्‍ब। रोमी ८:२५

होसे 5:13

एफ्राइम नु यहूदामी आस श्‍येत तुइक्‍तसे नोले, एफ्राइममी अस्‍सुर ङा ठेयब पिप कली ‘वारच पने’ दे पुंइथ मुर सोइक्‍ताक्‍व। तन्‍न मेकोमी इ कली वारच पने मचाप्‍ब। होसे ७:११; होसे १०:६; होसे १२:२