यसैया 30:5 - Sunuwar Bible

⁵ मेको नेल्‍ल मुने दोक्‍नीम। मारदे हना इन कली वारच पने मचाप्‍थु, शोर गाक्‍शो दुम्‍‍नीम। तन्‍न इन कली मुने दोक्‍ब नु शिशी मताइब सेल्‍‍नीम।

यसैया 30:5 ပူးပေါင်းရင်းမြစ်များ

यसैया 10:3

मिनु सजाइ गेतीक नाक्‍तीमी मार पाइनीनी? ङोन रे जाक्‍शो हिंचा ङा श्‍येतमी मार पाइनीनी? “वारच पाइय्‍यीनी” दे सु आ बाक्‍तीके प्रोक्‍नीनी? इन शोंप ते वोइक्‍नीनी?

यसैया 30:16

गेपुकीमी ‘ममाइ, गो शारा ङोइश्‍शा प्रोक्‍नीकी’ देंनीनी ‘मोपतीके गे प्रोक्‍चा माल्‍नीनी’ देंत। मिनु गेपुकीमी ‘रीब पा दोरब शारा ङोइक्‍नीकी’ देंनीनी। मोपतीके इन कली खेदा पाइबपुकी यो दोरनीम।

यसैया 30:7

मारदे हना इजीप्‍त ङा मुर आन वारच पतीके शोर गाक्‍शो नु थमा पा वारच मपतीके बाक्‍ब। मोपतीके गो मेको कली लोव़ मपाइब, राहाब, दे नें वोइक्‍ता” देंत। भजन संग्रह ८९:११

यसैया 36:6

गे जिक्‍शो कोक्‍के खोदेंशो इजीप्‍त कली थमा सुइक्‍नेवे? सु सु मेको कोक्‍के तिक्‍शा गाक्‍नीमी, मेको आन गुइ थोक्‍ब। सु सुमी इजीप्‍त ङा पिप फाराओ कली थमा सुइक्‍नीमी, मेको कोक्‍केम थोक्‍शो खोदेंशो दुम्‍नीम। इजीप्‍त ङा फाराओ मोदेंशो बाक्‍ब’ दे मतीन। इजीकीएल २९:६-७

येरमीया 2:36

गे इ गाक्‍तीक लां फाइक्‍ना फाइक्‍न एर ओंथ पाइक्‍नेवे? दोपा अस्‍सुरम इ कली मुने दोक्‍पदा। मोपान इजीप्‍तमी यो इ मुने तोक्‍ब। २राजा २२:३३-३५; यसैया ३०:३