यसैया 30:18 - Sunuwar Bible

¹⁸ मुल सम्‍म परमप्रभु यावेमी इन कली शिशी पचा कली रिम्‍ब। इन कली आ दाक्‍तीके कोंइचा कली बोक्‍ब। मारदे हना परमप्रभु यावे ठीक निसाफ पाइब परमप्रभु बाक्‍ब। सु सुम मेको कली रिम्‍नीमी, मेको ग्‍येरसीशो बाक्‍नीम।

यसैया 30:18 ပူးပေါင်းရင်းမြစ်များ

अय्‍युब 35:14

मिनु गे ‘गो मेको कली मतङ’ देंनीनी। इन पशो नेल्‍ले मेको आ ङोंइती बाक्‍ब। मोपतीके रिम्‍दीन। अय्‍युब २३:८-९

भजन संग्रह 2:12

मिनु आ तौ आ ङोंइती बाप्‍शा, आ खोइल पुक्‍पु पने। मेको गाइक्‍ताक्‍व हना, गेपुकी लांमीन जाम्‍शा लाइनीनी। मो मपाइतीनी हना, गाइक्‍चा चिक्‍शो बाक्‍ब। सु सु मेको कली थमा सुइश्‍शा, आ नेक्‍था लाइनीमी, मेको ग्‍येरसीशो मुर दुम्‍‍नीमी।

भजन संग्रह 27:14

गो इ कली “परमप्रभु यावे आ वारच पतीके रिम्‍दो। बोल्‍यो दुमो। इ थुं बारपतो। मिनु परमप्रभु यावे आ वारच पतीके रिम्‍दो” दे कुम्‍सो पाता।

भजन संग्रह 34:8

परमप्रभु यावे कली कोव़ङीन, मेको रिम्‍शो बाक्‍ब। मेको कली जिम्‍मा गेंसीबपुकी ग्‍येरसीशो बाक्‍नीम। १ पत्रुस २:३

भजन संग्रह 84:12

मुर नेल्‍ल आन परमप्रभु यावे, इन कली जिम्‍मा गेंसीशो थमा सुइक्‍बपुकी ग्‍येरसीशो बाक्‍नीम” देंती।

भजन संग्रह 99:4

सक्ति पाइश्‍शो पिपम, ठीक निसाफ दाक्‍ब, गे कुल मकोव़थु, याकूब आ रागीमी ठीक पतीके नु ठीक निसाफ वोइक्‍तीनी। यसैया ९:६

प्रस्‍थान 34:6

मिनु परमप्रभु यावे मोसा आ नेक्‍था गाक्‍ना गाक्‍न “यावे, यावे, शिशी पाइब नु दाक्‍ब परमप्रभु बाक्‍ब। रीब पा मगाइक्‍ब। गेना हना यो शिशी पाइब नु आ दाक्‍चा मप्रोंइब बाक्‍ब। प्रस्‍थान ३३:१८-२६; गन्‍ती १४:१८; भजन संग्रह १०३:८; नहुम १:३; १यूहन्‍ना ४:१६

हितोपदेस 16:20

सुम शेंशो लोव़ नोफा दाइश्‍शा नेंबा, मेको मुर सोशा बोशा ग्‍येत्‍थ लाइब। सु परमप्रभु यावे कली थमा सुइक्‍बा, मेको ग्‍येरसीशो बाक्‍ब।

यसैया 18:4

मारदे हना परमप्रभु यावेमी आं कली “गो आं बाक्‍तीके रे पा सिक्‍सी पा कोव़नुङ। नाप्‍शो नां ङा नाक्‍त खोदेंशो नु बाली नाली रिक्‍ची ना हुप्‍शो नांमी गोस्‍स का ग्रूशो खोदेंशो पा सिक्‍सी पा कोव़शा बाक्‍नुङ।

यसैया 2:11

मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:११

यसैया 2:17

नु मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:१

यसैया 25:9

मिनु मेको नाक्‍ती मुरपुकीमी “कोव़ङीन, मेको आंइ परमप्रभु बाक्‍ब। गो मेको आ लां कोव़तक। मिनु मेकोम आंइ कली श्‍येत रे प्रोंइतु। मेको आंइ रिम्‍शा बाक्‍शो परमप्रभु यावे बाक्‍ब। गोपुकी आ प्रोंइशो तशा ग्‍येरसाक्‍क। भजन संग्रह ४८:१५

यसैया 28:17

गो ठीक निसाफ कली गारो प्रोव़ची ना क्‍युक्‍तीक डोरी खोदेंशो सेल्‍नुङ। मिनु ठीक पतीके कली घन्‍टी खोदेंशो सेल्‍नुङ। मिनु मुप्‍सीम मेको जोल पा ख्रुइक्‍तीके खतम सेल्‍ब। ब्‍वाक्‍कुमी फाम्‍सीतीके योल्‍ब।

यसैया 33:2

परमप्रभु यावे, आंइ कली शिशी पाइक्‍की। गो इन कली रिम्‍ना रिम्‍न बाक्‍नीकी। गे सुनी कुस कुस आंइ सक्ति दुमीन। श्‍येत जची ना आंइ कली प्रोंइब दुमीन।

यसैया 33:5

परमप्रभु यावे मान ताइब बाक्‍ब। मेको इर, आ बाक्‍तीकेमी बाक्‍ब। मेकोमी सियोन ङा मुर आन कली ठीक निसाफ नु ठीक पतीके पपाइक्‍ब।

यसैया 40:31

तन्‍न परमप्रभु यावे आ लां कोव़बपुकी नक सक्ति ताइनीम। ककाकुली खोदेंशो पा आन फ्रां प्राक्‍शा बेरशा ग्‍येत्‍थ लाइनीम। मेकोपुकी दोरशा, मदाइनीम। गाक्‍शा यो मथाइनीम” देंत। भजन संग्रह १०३:५

यसैया 42:14

मिनु “गो शुश सिक्‍सी पा बाक्‍ती, ब्‍वालेइ पा आंम कली तेक्‍शा बाक्‍ती। मुल आल थिचशो मीश मुर बुदी, वाइ ब्रेत्‍नुङ। आं सोक्‍त कीनुङ।

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

यसैया 48:9

आं नें आ पर्बम आं गाइक्‍तीके तेक्‍नुङ। आं कली ठेयब सेल्‍तीके, गो इन पर्बम आं गाइक्‍तीके तेक्‍नुङ। इन कली मसाइक्‍चा कली मो पाइनुङ।

यसैया 5:16

तन्‍न मुर नेल्‍ल आन परमप्रभु यावे ठीक निसाफ पतीकेम ठेयब बाक्‍ब। मिनु आ का ला बाक्‍शो परमप्रभुम आ ठीक पतीके कोंइब। यसैया २:११,१७

यसैया 55:8

परमप्रभु यावेमी “आं मिम्‍शो इन मिम्‍शो खोदेंशो ममाइ, इन लां आं लां खोदेंशो ममाइ। रोमी ११:३३

यसैया 57:16

मिनु गो गेना हना यो दोस मगेनुङ। गाइक्‍स ङा गाइक्‍स मबाक्‍नुङ। मोपा बाक्‍ती हना, आंम आं सेल्‍शो मुर आन थुं थाइब। भजन संग्रह १०३:९

यसैया 61:8

गो, परमप्रभु यावेमी, ठीक पतीके दाक्‍नुङ। रोइक्‍तीक नु हेंथे पतीक गेय काइ मदाक्‍नुङ। गो मेको आन कली थमा पा आन पशो खोदेंशो पा गेनुङमी। गो मेकोपुकी नु गेना हना यो लीब कबल पाइनुङ। यसैया ५४:१०; यसैया ५५:३

यसैया 64:4

सु सुमी मेको कली रिम्‍नीमी, मेकोमी, मेको आन पर्बम गेय पाइब। मारदे हना साइ ङोंइती रे गे ङा लाक्‍शा अरु परमप्रभु बाक्‍ब, दे सुइम मनेंशो नु मतशो बाक्‍तेक्‍म। प्रस्‍थान ३२:५-१०

यसैया 8:17

मिनु गो याकूब आ खिं ङा मुर आन क्‍येङा आ कुल ख्रुइक्‍ब परमप्रभु यावे आ लां कोव़शा, रिम्‍शा बाक्‍नुङ।

येरमीया 17:7

परमप्रभु यावे कली थमा सुइक्‍ब मुर आसीक रशो बाक्‍नीम। मेकोपुकीम परमप्रभु यावे कली आस पशो बाक्‍नीम। बजन संग्रह १४६:५

येरमीया 42:7

मिनु १० नाक्‍त नोले परमप्रभु यावेम येरमीया कली लोव़ पाप्‍तु।

दानीएल 12:12

सु सु हजार का सहे सां ३५ नाक्‍त सम्‍म फाल्‍शा बाक्‍नीमी, मेको ग्‍येरसीशो मुर बाक्‍‍नीम।

होसे 1:7

मिनु गो यहूदा आ खिं कली शिशी कोंइनुङ। मिनु मेको आन कली जोरी सत्रु आन गुइ रे पा प्रोंइनुङ। लिब्रा, तरवार नु लडाइ पाइब शारा नु शारा ङोइक्‍बपुकी रे ममाइ, तन्‍न गो मेको आन कली आंमान प्रोंइनुङमी” दे परमप्रभु यावे, आन परमप्रभुमी देंत। लो-रूहामा आ अर्थ “मदाक्‍नुङ” देंशो बाक्‍ब।

होसे 2:14

मोपतीके मुल गो मेको कली लेम्‍शा, गोरशो रागीमी लाइक्‍नुङ। मिनु मेको नु आ दाक्‍शो लोव़ पाइनुङ। यसैया ४०:२

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

मलाकी 2:17

गे इन लोव़मी परमप्रभु यावे कली ब्रीपाइक्‍तीनी। मोपा यो गेपुकीमी “गोपुकीमी मार लोव़मी इन कली ब्रीपाइक्‍का?” देंतीनी। गेपुकीमी “दूली लोव़ पा मरिम्‍शो गेय पाइब नेल्‍ल परमप्रभु यावे आ ङोंइती ठीक बाक्‍नीम। मिनु मेको, मेको आन कली तशा ग्‍येरसीशो बाक्‍ब” दे “निसाफ पाइब परमप्रभु ते बाक्‍बा ङा?” दे यो देंनीनी। मलाकी ३:१३-१४

लूका 15:20

मिनु आ आफ आ खिं लेम्‍माक्‍त। मिनु आ आफ आ खिं जाक्‍दीत्‍चावानु, आ आफोमी कान्‍छा कली पिशो तशा, शिशी पा दोरशा लशा मुप्‍शा पुक्‍पु पदा बाक्‍त।

लूका 2:25

यरूसलेममी सिमियोन माइश्‍शो मुर का बाक्‍माक्‍त। मेको ठीक पाइब नु परमप्रभु यावे कली मान पा हिंब बाक्‍माक्‍त। परमप्रभु यावे आ सोक्‍तीम ब्रीशा “परमप्रभु यावेमी इस्राएल ङा मुर आन कली पाप रे प्रोंइब का सोइक्‍ब” दे लां कोव़शा बाक्‍शो बाक्‍माक्‍त। उत्‍पत्ती ४९:१८

प्रेरित 5:31

परमप्रभु यावेमी इस्राएली आन थुं आ गे लेप्‍पाइक्‍ब, लां कोंइब कली नु पाप रे प्रोंइब सेल्‍शा, आ ग्‍युरा गे निप्‍पाइक्‍तु। प्रेरित २:३३

रोमी 5:20

परमप्रभु यावेमी आ अरेशो लोव़ ब्रेक्‍पदा रे पाप तुइक्‍ना तुइक्‍न लाम्‍तेक्‍म। मिनु पाप ठेयब दुम्‍मेनु, परमप्रभु यावे आ शिशी मेको क्‍येङा ठेयब दुम्‍त। रोमी ७:८,१३; गलाती ३:१९

रोमी 9:22

परमप्रभु यावेमी आ गाइश्‍शो कोंइताक्‍व हना, मरिम्‍शो पाइब आन कली शुश फाल्‍शो बाक्‍त हना यो, नोले ला खतम दुम्‍पाइक्‍ब। रोमी २:४; हितोपदेस १६:४

एफिसी 1:6

मिनु मेकोमी इं कली आ दाक्‍शो तौ आ पतीक रे मुरुमी मिम्‍ने मचाप्‍चा ङा शिशीम ठेयब सेल्‍चा कली आ तमी तौ सेल्‍तु। मत्ती ३:१७

एफिसी 1:8

मिनु मेको आ जोक्‍तीक तुइक्‍तीक नेल्‍लेमी आ शिशी इं तारी मोइश्‍शो बाक्‍त। एफिसी ३:३-६,९; रोमी १६:२५; कलस्‍सी १:२६-२७

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

याकूब 5:11

नेनीने, मेको परमप्रभु यावे कली मप्रोंइब आन पर्बम “ग्‍येरशो मुर दुम्‍तेक्‍म” दे लोव़ पाइनीकी। अय्‍युब माइश्‍शो मुर का श्‍येत जशा यो, परमप्रभु यावे कली काइ मप्रोंइथु, बाक्‍शो बाक्‍त। गेपुकी मेको आ कथा नेंतीनी। परमप्रभु यावेमी मारदे अय्‍युब कली मेको शुश श्‍येत जचा गेवा, तुइक्‍ताक्‍नी। परमप्रभु यावेमी गिश लेम्‍शा शिशी पाइबा, मेको ताइतीनी। इं कली आ लेम्‍शो नु आ शिशी कोंइताक्‍व। अय्‍युब १:२१; अय्‍युब ४२:१०-१६

२ पत्रुस 3:15

प्रभु आ रिम्‍ना रिम्‍न बाक्‍तीके मुर आन कली पाप रे प्रोंइचा बाक्‍ब, दे मिम्‍तीन। इं दाक्‍शो लोक्‍ब पावलमी आं खोदेंशो पा, इन कली आ तशो तुइक्‍तीकेमी चिठी ब्रेक्‍ताक्‍व। रोमी २:४

२ पत्रुस 3:9

प्रभुम आ देंशो लोव़ ठीक पा पाइब। तन्‍न का निक्‍शी मुरपुकीमी “प्रभुम आ देंशो मपाइब। नोले ला जाक्‍ब” देंनीम। तन्‍न प्रभुमी “सुइ जाम्‍शा मलमल। आं गे लेम्‍मल” दे रिम्‍ब। हबकुक २:३; १तिमोथी २:४

१ सामुएल 2:3

ठेयब लेश्‍शो लोव़ नु मरिम्‍शो लोव़ पचा प्रोनीन। मारदे हना परमप्रभु यावे नेल्‍ल जोक्‍ब तुइक्‍ब बाक्‍ब। मेकोमी मुर आन पतीके नु लोव़ नेल्‍ले नाक्‍ब।