यसैया 30:16 - Sunuwar Bible

¹⁶ गेपुकीमी ‘ममाइ, गो शारा ङोइश्‍शा प्रोक्‍नीकी’ देंनीनी ‘मोपतीके गे प्रोक्‍चा माल्‍नीनी’ देंत। मिनु गेपुकीमी ‘रीब पा दोरब शारा ङोइक्‍नीकी’ देंनीनी। मोपतीके इन कली खेदा पाइबपुकी यो दोरनीम।

यसैया 30:16 ပူးပေါင်းရင်းမြစ်များ

२ राजा 25:5

तन्‍न कल्‍दी ङा लडाइ पाइबपुकीम पिप कली खेदा पामे बाक्‍त। मिनु मेको कली यरीको ङा दिंममी थि‍त्‍मे बाक्‍त। आ लडाइ पाइब नेल्‍ल मेको कली प्रोंइशा एर ओंथ ब्रमा बाक्‍त।

अय्‍युब 39:11

मार गे मेको आ बोल तशा इ गेय पपाइक्‍नेवे? इन गेय नेल्‍ल पचा गेनेवे?

भजन संग्रह 147:10

मेको शारा आन सक्ति तशा मग्‍येरसीब। मुर आन रीब पा दोरशो मारेइ ममिम्‍ब।

भजन संग्रह 33:17

मिनु “लडाइम शुश शारा बाक्‍तीके ब्रोंइनीकी” देंचा जोल बाक्‍ब। मेको आन ठेयब सक्तिम यो प्रोंइने मचाप्‍ब। भजन संग्रह २०:८

यसैया 2:7

मेको आन रागी सुन चांदीम ब्रीशो बाक्‍ब। मेको आन शोंप हिक्‍ने मचाप्‍चा ङा बाक्‍ब। मेको आन रागीमी शुश शारा बाक्‍नीम। मेको आन बग्‍गीपुकी हिक्‍ने मचाप्‍चा ङा बाक्‍नीम। मीका ५:९

यसैया 31:1

आबी, इजीप्‍त रागी कली “वारच पाइक्‍की” दे लाइबपुकी, मेकोपुकी शारा कली थमा सुइक्‍ब बाक्‍नीम। बग्‍गी कली थमा सुइक्‍नीम। मारदे हना मेकेर शुश बाक्‍नीम। शारा ङोइक्‍ब आन कली थमा सुइक्‍नीम। मारदे हना मेको शुश बोल्‍यो बाक्‍नीम। तन्‍न मेकोपुकीम इस्राएली आन का ला बाक्‍शो परमप्रभु यावे कली ममिम्‍थु, हिल्‍लो मपाइनीम। यसैया ३०:१-२; भजन संग्रह २०:८

यसैया 31:3

इजीप्‍त ङा मुर, मुर ला बाक्‍नीम। मेको परमप्रभु मनम। आन शारा बेक्‍ब बाक्‍नीम। सोक्‍त मनम। परमप्रभु यावेमी आ गुइ दिंदानु, वारच पाइब दाइल पांइसीनीम। मिनु वारच पपांइसीब नेल्‍ले कालेमी बेक्‍नीम।

येरमीया 39:4

मिनु यहूदा ङा पिप सिदकीयाह नु आ लडाइ पाइब नेल्‍लेम मेको आन कली ताम्‍तेक्‍म। मिनु मेकोपुकी गारो निक्‍शी आस दातेम बाक्‍शो लाप्‍चो, पिप आ फल फुल रू रे पा नाक्‍दोन सहर रे प्रोक्‍शा, अराबाह गे लाम्‍तेक्‍म।

येरमीया 4:13

कोव़ङीन, मेको गोस्‍स खोदेंशो पा गाक्‍शो बाक्‍ब। मेको आ बग्‍गी फश गिवार खोदेंशो पा जाक्‍नीम। मेको आ शारा ककाकुली आन क्‍येङा रीब पा दोरनीम। आबी, गो खतम दुम्‍तय’ दे लोव़ पाइनीमी” देंत।

येरमीया 46:6

परमप्रभु यावेमी “रीब पा प्रोक्‍ब यो प्रोक्‍ने मचाप्‍नीम। लडाइ पाइबपुकी यो ब्रोंइचा मताइनीम। मेकोपुकी उत्तर गे ङा युफ्रेटीस खोलाम दाइल पांइसीशा गोल्‍नीम।

येरमीया 52:7

मिनु सहर ङा गारो प्रेत्‍तेक्‍म। मिनु लडाइ पाइब नेल्‍ल प्रोक्‍तेक्‍म। कल्‍दी ङा मुरपुकी सहर आ एर ओंथ बाक्‍तेक्‍म। मो हना यो मेकोपुकी पिप आ फल फुल रू ङा गारो निक्‍शी आस दाते ङा लाप्‍चो रे पा ग्रूशा प्रोक्‍तेक्‍म। मिनु मेकोपुकी अराबाह रागी गे लाम्‍तेक्‍म।

बिलाप 4:19

आंइ कली खेदा पाइबपुकी सरीङम बेरब ककाकुली क्‍येङा यो रीब पा जाक्‍तेक्‍म। मेकोपुकीमी आंइ कली पहाडम खेदा पाम्‍तेक्‍म। गोरशो रागीमी बाप्‍शा बाक्‍तेक्‍म।

आमोस 9:1

गो परमप्रभु कली चढ़ेतीक आ नेक्‍था राप्‍शो ताता। मिनु मेकोमी आं कली “लाप्‍चो ङा शी शुश हिम्‍पाइक्‍चा कली थाम आन ङर तुपो। मिनु ब्रेश्‍शा मुर नेल्‍ल आन पिया तार दोक्‍नीम। मिनु ब्रोंइशा लीशो आन कली तरवारमी क्‍योरनुङमी। मेको आन दाते ङा का यो प्रोक्‍चा मताइनीम। का यो ब्रोंइचा मताइनीम।

मीका 1:13

लाकीश सहर ङा मुरपुकी, शारा आन कली बग्‍गीम फ्रेंशा लने। गे सियोन सहर ङा मुर आन कली पाप पपाइक्‍तीनी। मिनु मेको कली पाप पपाइक्‍ब, गे बाक्‍नीनी। इस्राएल आ मरिम्‍शो पतीके इन दातेम थीसीब।

हबकुक 1:8

मेको आन शारा जोइ आन क्‍येङा रीब पा दोरब बाक्‍नीम। मिनु नाक्‍दो ग्रूब फर खोदेंशो पा साइक्‍ब बाक्‍नीम। मेको आन शारा बारनीम। मेको आन शारा ङोइक्‍ब ङोन रागी रे जाक्‍नीम। ककाकुली खोदेंशो पा बेरशा, रीब पा सिखार ग्‍याइक्‍नीम। सेफन्‍याह ३:३

ब्‍यवस्‍था 28:25

मिनु परमप्रभु यावेमी इन कली इन जोरी सत्रु आन ङोंइती ब्रुपाइक्‍ब। गेपुकी मेकोपुकी नु लडाइ पथ लां कामी लाइनीनी, मिनु ब्रुशा शाउ शिउ ब्रशा ७ ओटा लां रे प्रोक्‍चा माल्‍नीनी। मिनु राज्‍य राज्‍य ङा मुर नेल्‍ल आन ङोंइती ग्रांग्रा दिशो दुम्‍नीनी।

ब्‍यवस्‍था 28:49

मिनु परमप्रभु यावेमी नेल्‍ल क्‍येङा ङोन बाक्‍शो रागी रे मरुप्‍शो लोव़ पाइब मुरपुकी बेरशो ककाकुली खोदेंशो पा इन तारी जुक्‍पाइक्‍ब। हबकुक १:८; यसैया ३३:१९; येरमीया ५:१५