यसैया 30:12 - Sunuwar Bible

¹² मोपतीके इस्राएली आन का ला बाक्‍शो परमप्रभुम “मारदे हना गेपुकीमी आं देंशो नेंचा मदाक्‍नीनी, मुर आन कली दिप्‍तीके नु दूली पतीके कली ला थमा सुइक्‍नीनी। मिनु मेको पाइनीनी।

यसैया 30:12 ပူးပေါင်းရင်းမြစ်များ

भजन संग्रह 52:7

एको मुर कली कोव़ङीन। एकोमी परमप्रभु कली जिम्‍मा मगेंसे। आ शुश शोंपोम “गो मारेइ मारेइ पने चाप्‍नुङ देंशा, अरु आन कली खतम पोक्‍शा, बोल्‍यो दुम्‍त” दे रिश्‍शा, कोव़नीम।

भजन संग्रह 62:10

मुर आन कली दिप्‍शा “रिम्‍शो दुम्‍नुङ” दे ममिम्‍तीन। खुइ पशो मार मार तशा, ठेयब मलेतीन। इन शोंप शुश दुम्‍त हना यो, मेको कली थमा मसुतीन। मत्ती १९:२२; लूका १२:१५-२१; १तिमोथी ६:९,१७

हितोपदेस 24:2

मारदे हना मेको आन थुंमी हुश ख्राक्‍श पोक्‍चा ला मिम्‍नीम। मिनु मेकोपुकीमी मरिम्‍शो आ पर्बम ला लोव़ पाइनीम।

यसैया 26:21

मारदे हना परमप्रभु यावे आ बाक्‍तीके रे जाक्‍ब। मिनु रागीम बाक्‍ब मरिम्‍शो पाइब आन कली सजाइ गेब। मिनु रागी तार देम्‍शो हुश नु साइश्‍शो मुर नेल्‍ल मख्रुइक्‍थु कोंइब” दे कुम्‍सो पाइनीम। उत्‍पत्ती ४:१०-११; प्रकाश १८:२४

यसैया 28:15

मिनु गेपुकीमी “गोपुकीमी बेक्‍पाइक्‍ब नु कबल पमुशो बाक्‍नीकी। बेक्‍शो मुर आन बाक्‍तीके नु सल्‍ला पाइतक। ठेयब श्‍येत जाक्‍त हना यो, आंइ कली मारेइ मदुम्‍ब। मारदे हना जोल पतीके नु गारशा ख्रुइश्‍शो बाक्‍नीकी। दूली पतीकेमी फाम्‍सीशो बाक्‍नीकी” देंतीनी।

यसैया 3:14

मिनु परमप्रभु यावेमी आ मुर आन दाते ङा खाल्‍पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्‍ल आंम के सेल्‍तीनी। प्रुङग आन के रोइश्‍शो मार मार इन खिंम बाक्‍नीम। यसैया ५:७

यसैया 3:15

दोपा गेपुकीमी आं मुर आन कली मो पने चाप्‍‍नी? प्रुङग आन कली चिनु प्रुङग सेल्‍तीनी” दे परमप्रभु, मुर नेल्‍ल आन परमप्रभु यावेमी देंत।

यसैया 30:1

मिनु परमप्रभु यावेमी “आबी, गे काइ मटीब आलपुकी, गे आंम इन मिम्‍शो पाइनीनी। तन्‍न आं देंशो मटीनीनी। गे कबल का पाइनीनी। तन्‍न आं दाक्‍शो मिम्‍शो कबल ममाइ। पाप तारी पाप तेम्‍नीनी। यसैया १:२

यसैया 30:7

मारदे हना इजीप्‍त ङा मुर आन वारच पतीके शोर गाक्‍शो नु थमा पा वारच मपतीके बाक्‍ब। मोपतीके गो मेको कली लोव़ मपाइब, राहाब, दे नें वोइक्‍ता” देंत। भजन संग्रह ८९:११

यसैया 47:10

गे, परमप्रभु यावे आ अरेशो मटिथु ‘आं कली सुइम मताइब’ दे हेम्‍मा पा बाक्‍शा, मिम्‍ताक्‍वी। मिनु इ शुश तुइक्‍तीके नु जोक्‍तीकेम इ कली दूली लां खोइक्‍पाइक्‍तु। इ थुंमी ‘गो नङ। आं क्‍येङा लाक्‍शो अरु सुइ मबाक्‍नीम’ देंते। भजन संग्रह १०:११

यसैया 5:24

मोपतीके दोपा मीम ठुटा नु सोव़शो घांस नेक्‍बा, मोपा मेको आन शाक्‍श राक्‍ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्‍ल आन परमप्रभु यावे आ लोव़ मटीम। मिनु इस्राएली आन का ला बाक्‍शो परमप्रभु आ लोव़ आ पर्बम शुक्‍शी पाम्‍तेक्‍म।

यसैया 5:7

मारदे हना मुर नेल्‍ल आन परमप्रभु यावे आ दाक्‍शो अङगुर रू इस्राएल आ खिं ङा मुर नु यहूदा ङा मुरपुकी बाक्‍नीम। मिनु मेकोम ठीक निसाफ पतीके रिम्‍ताक्‍व। तन्‍न दूली निसाफ पाम्‍तेक्‍म। ठीक पतीके रिम्‍ताक्‍व, तन्‍न मरिम्‍शो पतीके ला दुम्‍त।

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

यसैया 59:4

सुइमी ठीक निसाफ मपाइनीम। सुइमी ठीक निसाफ पाइक्‍चा मपुंइसीनी। गे जाम्‍शा लाइब कली थमा सुइश्‍शा, जोल पाइनीनी। मेकोपुकीम हेंथे पतीकेम ब्रीशा, मरिम्‍शो पतीके ला थीनीम। भजन संग्रह ७:१५

यसैया 7:9

एफ्राइम आ पिया सामरीया बाक्‍ब। सामरीया आ पिया रेमाल्‍याह आ तौ बाक्‍ब’ गे थमा मसुइक्‍तीनी हना, थमा पा मलीनीनी” दे परमप्रभु यावेमी देंत। २इतिहास २०:२०

यसैया 8:6

“मेको मुरपुकीम शीलोआ ङा रिम्‍शो ब्‍वाक्‍कु प्रोंइनीम। रेसीन नु रेमाल्‍याह आ तौ आस क्‍येङा हिंशा, मेको आस नोले खोइक्‍तेक्‍म।

येरमीया 13:25

इ कली वोइश्‍शो आं गेशो भाग मेकोन बाक्‍ब” देंशो बाक्‍ब। परमप्रभु यावेम “गेमी आं कली प्रेंशो बाक्‍नेवे। मिनु जोल आन कली थमा सुइश्‍शो बाक्‍नेवे।

आमोस 2:4

मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।

लूका 10:16

सुमी इन शेंशो नेंना, मेकोमी आं शेंशो नेंब। सुमी इन कली मब्राइबा, मेकोमी आं कली मब्राइब। आं कली मब्राइबमी आं कली सोइक्‍ब कली यो मब्राइब” दे माइश्‍शा सोइक्‍तीमी बाक्‍त। मत्ती १०:४०; यूहन्‍ना ५:२३

१ थिस्‍सलोनिकी 4:8

मोपतीके सुमी मेको लोव़ मटीबा, मेकोमी मुर आ लोव़ मटीब ममाइ, परमप्रभु यावे कली मटीब बाक्‍ब। परमप्रभु यावेमी इन कली आ सोक्‍त गेब। लूका १०:१६