यसैया 3:26 - Sunuwar Bible

²⁶ सहर ङा लाप्‍चो सुर्ता पा रोंका पाइ‍नीम। सहर श्‍येत्‍थ दुम्‍शा, खपीम निश्‍शो मीश मुर खोदेंशो दुम्‍ब” दे परमप्रभु यावेमी देंत।

यसैया 3:26 ပူးပေါင်းရင်းမြစ်များ

अय्‍युब 2:13

मिनु मेकोपुकी ७ नाक्‍ती नु ७ नाक्‍दो मारेइ लोव़ मपथु, मेको आ नेक्‍था खपीम निस्‍समा बाक्‍त। मारदे हना मेकोपुकीम अय्‍युब कली शुश श्‍येत दुम्‍शो तामे बाक्‍त।

अय्‍युब 2:8

मिनु अय्‍युबम ब्‍वाम्‍सीचा कली गर आ गम्‍टे का शेशा पुलु तार निस्‍से बाक्‍त।

यसैया 14:31

सहर ङा ठेयब लाप्‍चोपुकी, ङाक्‍कीन। सहर नु पलिस्‍ती नेल्‍ल हिंशा ख्रिंख्रि पने। मारदे हना उत्तर रे कुन कु‍शा, ठेयब हुल, नेल्‍ल काथा जाक्‍नीम।

यसैया 29:2

मो हना यो, गो मेको कली श्‍येत गेनुङ। मेकेर ङाक्‍शा, रोंका पाइनीम। यरूसलेम आं कली अरीएल का बाक्‍ब।

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।

यसैया 33:9

रागी रोंका पशा, गोरशो दुम्‍शो बाक्‍ब। लेबानोन मुने दोक्‍शा, बेक्‍त। शारोन गोरशो रागी खोदेंशो दुम्‍त। बाशान नु कारमेलम आस सफा तोक्‍नीस।

यसैया 47:1

मिनु “गे कन्‍ने तमी बेबीलोन तोइश्‍शा फुरकुम निस्‍सो। बेबीलोन ङा कल्‍दी आ तमी, ठेयब नित्‍तीक मबाक्‍थु, खपीम निस्‍सो। मारदे हना मुल रे इन कली ‘दारशो नु अरु आन क्‍येङा शुश दाक्‍शो तमी’ मदेंनीम।

यसैया 6:11

मिनु गो “परमप्रभु, गेना सम्‍म मो पचा माल्‍नुङा?” देंती। मिनु मेकोमी “सहर ब्रेश्‍शा मुर मबाक्‍तीके मदुम सम्‍म, खिं नेल्‍ल श्‍येत्‍थ नु रागी नेल्‍ल मुर मबाक्‍शो मदुम सम्‍म मोदेंशो पावो।

येरमीया 14:2

“यहूदा रोंका पाइब। मेको आ सहर ङा ठेयब लाप्‍चोपुकी सक्ति मपाइश्‍शो दुम्‍शो बाक्‍नीम। मेकोपुकी रू आ पर्बम सुर्ता पाइनीम। मिनु यरूसलेम आ वाइ ब्रेश्‍शो सरीङ सम्‍म जाक्‍दीश्‍शो बाक्‍ब।

येरमीया 15:8

मेको आन वोंइश बेक्‍शो मीश मुरपुकी समुन्‍द्र ङा बाल्‍वा क्‍येङा शुश दुम्‍तेक्‍म। नाक्‍ती उइक्‍थ दुम्‍मेनु, तौ नु आन ममा आन पर्बम साइक्‍ब का चाक्‍नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्‍नुङ।

बिलाप 1:1

मेको सहरम गिश श्‍येत्‍थ दुम्‍मे। ङोंइती मेकेर शुश मुर बाक्‍तेक्‍म। मेको आ वोंइश बेक्‍शो मीश मुर खोदेंशो दुम्‍त। मेको ङोंइती रागी रागी आन दातेमी ठेयब बाक्‍त। मेको रागी पिप आ तमी खोदेंशो बाक्‍त। मुल मेको सहर वाइल खोदेंशो दुम्‍त। येरमीया ५१:५

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

बिलाप 2:10

सियोन ङा खाल्‍पा खपीम निश्‍शा, सिक्‍सी पा बाक्‍नीम। मेकोपुकीमी आन पियामी फुरक फुंइसीनीम। मिनु भाङग्रा फेक्‍शा बाक्‍नीम। यरूसलेम ङा मीश आलपुकीमी आन पिया खप सम्‍म बाप्‍पाइश्‍शो बाक्‍नीम।

बिलाप 2:8

परमप्रभु यावेमी सियोन आ तमी आ गारो प्रेत्‍चा कली मिम्‍ताक्‍व। मेको आ तारी पुक्‍तीके कीतु। मेकोमी खतम सेल्‍चा कली आ गुइ मतेक्‍ग। मेकोमी गारो नु आ बोल्‍यो सेल्‍तीके निक्‍शी कली रोंका पपाइक्‍तु। मिनु मेको कालेक्‍म ब्रेत्‍ताक्‍स। २राजा २१:१३

इजीकीएल 12:20

मुर बाक्‍शो सहर नेल्‍ल श्‍येत्‍थ दुम्‍नीम। मिनु रागी नुप्‍ब। मिनु गेपुकीम गो परमप्रभु यावे नङ, दे तुइक्‍नीनी’ देंशो बाक्‍ब” देंत।

इजीकीएल 26:16

मेना समुन्‍द्र आ नेक्‍था ङा सहर आन कली सासन पाइब आन ठेयब नित्‍तीक रे बोक्‍शा तोइश्‍शा, बुटा आप्‍शो वा प्रुइक्‍नीम। मेकोपुकी हिंशा ख्रिंख्रि पशा, खपीम निश्‍शा, हिम्‍‍सी‍नीम। मिनु इ कली तशा हिंनीम।

मीका 1:9

मारदे हना मेको आ गार मसाब। मेको यहूदा सम्‍म जाक्‍शो बाक्‍ब। मेको आं मुर आन बाक्‍तीक यरूसलेम सहर ङा ठेयब लाप्‍चो सम्‍म जाक्‍दीश्‍शो बाक्‍ब।

मत्ती 11:17

‘ताप्‍तीक ताप्‍कानु, गे सिल मपनी, रोंका पा ङाक्‍कानु, गे मङाक्‍नी’ दे ब्रेम्‍मुशो खोदेंशो बाक्‍नीम। यूहन्‍ना ५:३५

लूका 19:44

मेकोपुकीमी इ कली नु इ आल आन कली खपीम राप्‍नीम। मेकेर फुल्‍लु का सम्‍म ख्रोप्‍शा मलीनीम। मारदे हना गे इ कली ग्रुम्‍थ जाक्‍ब कली मतुइक्‍ती” देंमाक्‍त। लूका २१:६