यसैया 3:25 - Sunuwar Bible

²⁵ इन वोंइश तरवारम साइक्‍चा पुंइसीनीम। इन लडाइ पाइबपुकी लडाइम बेक्‍नीम।

यसैया 3:25 ပူးပေါင်းရင်းမြစ်များ

२ इतिहास 28:6

रेमाल्‍याह आ तौ पेकाहमी काबुमीन यहूदा ङा लाख का २० हजार मुर आन कली साइक्‍मी बाक्‍त। मेको नेल्‍ल बोल्‍यो लडाइ पाइब बाक्‍मा बाक्‍त। मारदे हना यहूदा ङा मुरपुकीम परमप्रभु यावे, आन किकी पिपी आन परमप्रभु कली प्रोंइशो बाक्‍मा बाक्‍त।

२ इतिहास 29:9

मोपतीके इं आफ तरवारम क्‍योरशा साइक्‍चा पुंइसाक्‍म। मिनु इं तमी तौ नु इं मीश ग्‍याइश्‍शा लाइक्‍चा पुंइसाक्‍म। २इतिहास २८:५-८

यसैया 1:20

तन्‍न आं लोव़ मनेंतीनी नु मटीतीनी हना, तरवारम क्‍योरचा पुंइसीनीनी” दे परमप्रभु यावेमी देंत। लेवी २६:२५

यसैया 65:12

गो इन कली तरवारम साइक्‍पाइक्‍चा कली जिम्‍मा गेनन्‍नी। गे क्‍योरपांइसीचा कली गुर ब्‍वेनीनी। मारदे हना गो इन कली ब्रेत्‍तुनु, गे आं लोव़ मलेत्‍तीनी। गो लोव़ पङानु, गे मनेंनी। गो आं ङोंइती मरिम्‍शो नु आं मदाक्‍शो गेय ला योव़शा, पाइतीनी” देंत। यसैया ६६:४; येरमीया ७:१३

येरमीया 11:22

मोपतीके मुर नेल्‍ल आन परमप्रभु यावेम ‘गो मेको आन कली सजाइ गेनुङमी। मेको आन ठिटा मुरपुकी तरवारम क्‍योरशा साइक्‍चा पुंइसीनीम। मिनु मेको आन तमी तौ चहिं अन्‍कालम बेक्‍नीम।

येरमीया 14:18

गो मेको रागी लती हना, तरवारम साइक्‍चा पुंइसीशोपुकी ताइक्‍नुङमी। गो मेकेर ङा सहरम ओव़ती हना, मेकेर अन्‍काल पशो मुरपुकी ताइनुङमी। परमप्रभु यावे आ लोव़ पाइबपुकी नु चढ़ेब नेल्‍ल मारेइ मतुइक्‍थु, आन गेय पना पन बाक्‍नीम” दे माइक्‍ती।

येरमीया 15:8

मेको आन वोंइश बेक्‍शो मीश मुरपुकी समुन्‍द्र ङा बाल्‍वा क्‍येङा शुश दुम्‍तेक्‍म। नाक्‍ती उइक्‍थ दुम्‍मेनु, तौ नु आन ममा आन पर्बम साइक्‍ब का चाक्‍नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्‍नुङ।

येरमीया 18:21

मोपतीके मेको आन आल आन कली अन्‍काल पपतीन। मेको आन कली तरवारम साइक्‍पतीन। मेको आन मीश आल मबाक्‍शो नु आन वोंइश बेक्‍शो मीश मुर दुम्‍मल। मेको आन वोंइश मुर बेक्‍तीक रोइम बेक्‍मल। मेको आन ठिटा वोंइश मुरपुकी लडाइम तरवारम साइक्‍चा पुंइसमल।

येरमीया 19:7

गो एको रागीमी यहूदा नु यरूसलेम आस मिम्‍शो मदुम्‍पाइक्‍नुङ। गो मेको आन कली आन जोरी सत्रु आन ङोंइती तरवारम साइक्‍पाइक्‍नुङमी। सु सुम मेको आन कली साइक्‍चा दाक्‍नीमी, मेको आन गुइम गेनुङमी। आन बेक्‍शो रां चहिं सरीङ ङा चिक्‍ब नु रागीम बाक्‍ब ब्‍वाकी ङा जन्‍तु आन कली ब्‍वचा गेनुङमी।

येरमीया 21:9

मेको सहरम बाक्‍ब मुर तरवार, अन्‍काल नु मुर बेक्‍तीक रोइम बेक्‍चा माल्‍नीम। तन्‍न सु लाङगा ग्रूशा, इन कली पुम्‍ब कल्‍दी आन कली जिम्‍मा गेंसीबा, मेको ब्रोंइब। मेकोम आ सोक्‍त ला प्रोंइब। येरमीया ३८:२

बिलाप 2:21

ठिटा नु खाल्‍पापुकी लांम गोल्‍शो बाक्‍नीम। आ ठिटी मीश मुर नु ठिटा वोंइश मुर तरवारमी साइक्‍चा पुंइसाक्‍म। गे इन गाइश्‍शो नाक्‍ती मेको आन कली शिशी मपाइक्‍थु साइक्‍तीनी।

आमोस 9:10

मेकोपुकीम ‘हिंचा ङा श्‍येत आंइ तारी मजाक्‍ब। इं कली मेकोम मथिप्‍ब’ दे पाप पाइब, आं मुर नेल्‍ल तरवारमी साइक्‍चा पुंइसीनीम” देंत। आमोस ६:३