यसैया 3:12 - Sunuwar Bible

¹² मिनु वोंइश आलपुकीमी आं मुर आन कली दिप्‍नीम। मीश मुरपुकीम मेको आन कली हुकुम पाइनीम। आं मुरपुकी, इन ठेयब मुरपुकीम इन कली दूली लां खोइक्‍पाइश्‍शा, हेंथे गाक्‍पाइक्‍नीम।

यसैया 3:12 ပူးပေါင်းရင်းမြစ်များ

२ राजा 11:1

अहाज्‍याह आ ममा अथाल्‍याहम आ तौ कली साइश्‍शो तशा, पिप आ खिं ङा मुर नेल्‍ल आन कली साइक्‍चा गोवा बाक्‍त। २राजा ८:२६; २राजा ९:२७

अय्‍युब 30:13

मेकोपुकीम आं लां प्रेत्‍नीम। आं श्‍येत तेम्‍नीम। मिनु सुइमी मेको आन कली ‘मोदेंशो मपचा’ दे मतेक्‍नीम।

हितोपदेस 28:16

मरुप्‍ब हुकुम पाइब मरिम्‍शो दिप्‍ब मुर बाक्‍ब। तन्‍न जोल पा चेम्‍शो क्‍‍येट काइ मदाक्‍ब मुर शुश नाक्‍ती ब्रोंइब।

उपदेसक 10:16

आबी, तेको रागी ङा पिप आल का बाक्‍‍बा, तेको रागी ङा सासन पाइबपुकीमी सुनी कना भोज जा‍इनीमी, मेको रागी खतम दुम्‍शा लाइ‍ब। यसैया ३:४; यसैया ५:११

यसैया 19:14

परमप्रभु यावेमी मेको आन कली ग्रांग्‍ये माग्‍ये पोक्‍तीक सोक्‍तीम प्रिंताक्‍मी। मेकोपुकीम इजीप्‍त रागी कली दुक्‍शो मुर आन मेशो तार गाक्‍शो खोदेंशो सेल्‍तेक्‍म।

यसैया 3:4

मिनु गो वोंइश आल आन कली मेको आन ठेयब मुर सेल्‍नुङ। मिनु आइक्‍च आलमी मेको आन कली हुकुम पाइनीम। उपदेसक १०:६

यसैया 51:22

परमप्रभु यावे, इ होव़प दुम्‍शा परमप्रभुमी “गो आं मुर आन कली वारच पाइब बाक्‍नुङ। गो इ दिङ दाङ गोल्‍पाइक्‍ब कचौरा इ गुइ रे लाइक्‍ता। मुल रे गे आं गाइक्‍तीक कचौरा लेंशा तूचा ममाल्‍नेवे।

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

मीका 3:5

मिनु परमप्रभु यावेमी आ लोव़ पाइब आन पर्बम मार देंत देंशा हना “सुम आं मुर आन कली दूली लांम गाक्‍पाइक्‍बा? आं लोव़ पाइबपुकीमी, सुमी मेको आन कली जचा गेमेनु ‘रिम्‍शो दुम्‍ब’ देंनीम। तन्‍न मेको आन कली जचा मगेमेनु, मेको आन कली लडाइ तोचा कली ठीक दुम्‍नीम।

नहुम 3:13

इ लडाइ पाइब आन कली कोव़ङो। मेको मीश मुर खोदेंशो बाक्‍नीम। इ रागी ङा ठेयब लाप्‍चो इ जोरी सत्रु आन कली रोक्‍सीशो बाक्‍नीम। लाप्‍चो आन आग्‍लो नेल्‍ल मीम नेक्‍शो बाक्‍नीम।

मत्ती 15:14

मेकोपुकीमी मारेइ पामेक्‍ल। मिक्‍च मताइब लां कोंइब नम। मिक्‍च मताइबमी मिक्‍च मताइब कली कीशा लां कोंइताक्‍व हना, निम्‍फा खाल्‍टाम बिक्‍नीस” देंत। मत्ती २३:२४; लूका ६:३९; रोमी २:१९

मत्ती 23:13

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना स्‍वर्ग ङा राज्‍य ओव़तीक लां तेक्‍नीनी। गे मओव़नीनी, मिनु अरु आन कली यो ओव़चा मगेनीनी।