यसैया 3:11 - Sunuwar Bible

¹¹ आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

यसैया 3:11 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

२ सामुएल 3:39

गो तेल लुक्‍शो पिप दुम्‍ती हना यो, मुलाक्‍ती सक्ति मपाइश्‍शो दुम्‍शो बाक्‍नुङ। एको हुश ख्राक्‍श पोक्‍ब सेरूयाह आ तौ गो नु मगारनीम। परमप्रभु यावेमी मरिम्‍शो पाइब आन कली आन पशो क्‍येक्‍क लेप्‍ब” देंमाक्‍त। २सामुएल २:१८

१ राजा 21:21

मोपतीके परमप्रभु यावेमी ‘मुल गो इ तार शुश श्‍येत कोप्‍नुङ। गो इस्राएल रागीम बाक्‍ब, गे नु इ खिं ङा वोंइश मुर नेल्‍ल आन कली साइक्‍नुङमी। वाइल बाक्‍मल कि प्रोंइचा पुंइसीशो बाक्‍मल, नेल्‍ल आन कली साइक्‍नुङमी। २राजा ९:७-८

२ इतिहास 6:23

गे स्‍वर्ग रे मेको नेंशा, मार पचा माल्‍बा, मेको पने। मिनु इन गेय पाइब आस दातेम निसाफ पने। दोस ताइब कली सजाइ गेने। मिनु दोस मताइब कली प्रोनीन। दोपा ठीक पवा, मेको आ पशो खोदेंशो पा, मेको कली गेने।

अय्‍युब 10:15

गो थमान इन अरेशो मटीब बाक्‍‍ती हना, आं कली हिंचा ङा दुम्‍ल। गो ठीक पाइब बाक्‍‍ती हना यो, आं पिया पोक्‍ने मचाप्‍नुङ। मारदे हना गो आं मुनेम ब्रीशा, आं श्‍येत तना तन बाक्‍नुङ।

भजन संग्रह 28:4

मेको आन पशो नु थाम्‍पा मरिम्‍शो पशो आ पर्बम क्‍येक्‍क लेत्‍तीन। दोदेंशो पा पामे, मोदेंशो पा क्‍येक्‍क लेत्‍तीन।

भजन संग्रह 62:12

परमप्रभु यावे गेना हना यो दाक्‍ब बाक्‍ब” देंशो नेंता। गे थमा पा मुर नेल्‍ल आन कली आन पशो खोदेंशो पा गेनीनी। रोमी २:६-११

हितोपदेस 1:31

मेकोपुकीमी आन आन पशो मरिम्‍शो गेय आन इनाम तचा माल्‍नीम। मिनु आन आन मरिम्‍शो पतीकेमी ब्रीमल।

हितोपदेस 11:31

ठीक पाइब मुरपुकीम रागीम बाक्‍मानु, आन ठीक पशो ङा इनाम ताइनीम। परमप्रभु यावे आ अरेशो मटीब नु मरिम्‍शो पाइबपुकीमी यो आन मरिम्‍शो पशो ङा इनाम ताइनीम। १ पत्रुस ४:१७-१८

हितोपदेस 12:14

मुरपुकी आंम लोव़म पतीके मान ताइनीम। मिनु गेय पाइब मुरपुकीमी आन गेय ङा इनाम ताइनीमी। हितोपदेस १८:२०

हितोपदेस 26:27

सुमी मुर पिक्‍चा, दे खाल्‍टा दोइबा, मेको आंमान बिक्‍ब। सुमी मुर कली चिप्‍पाइक्‍चा, दे फुल्‍लु लोक्‍बा, मेको आंमा लोक्‍सीशा थिश्‍शा लाइब। भजन संग्रह ६:१६; उपदेसक १०:८

उपदेसक 8:13

तन्‍न परमप्रभु यावे आ अरेशो मटीब आन कली गेनायो रिम्‍शो मदुम्‍ब। मिनु शुश ब्रोंइचा यो मताइनीम। मारदे हना मेकोपुकीमी परमप्रभु कली मान पा महिंनीम।

यसैया 13:11

परमप्रभुमी “गो रागी कली आ मरिम्‍शो पशो आ पर्बम सजाइ गेनुङ। आं अरेशो लोव़ मटिथु, मरिम्‍शो पाइब आन कली सजाइ गेनुङमी। मिनु ठेयब लेश्‍शो आन ठेयब लेत्‍तीके साम्‍पाइक्‍नुङमी। ठेयब श्‍येत गेशा हुकुम पाइब आन कली ब्रेम्‍पाइक्‍नुङमी।

यसैया 48:22

परमप्रभु यावेमी “आं अरेशो लोव़ मटीब आन थुं नाइक्‍चा मताइनीम” देंत। यसैया ५७:२१

यसैया 65:20

का निक्‍शी नाक्‍त ला ब्रोंइब आल मेकेर मबाक्‍नीम। मिनु मेकेर सुइ यो खूशो दुम्‍चा क्‍येङा ङोंइती मबेक्‍नीम। सहे का बर्स ब्रोंइशा बेक्‍ब कली ठिटा देंनीम। मिनु सहे का बर्स मगाप्‍थु, बेक्‍ब मुर कली ‘सराप रशो मुर का बाक्‍त’ देंनीम। जकरिया ८:४

यसैया 65:6

कोव़ङीन, आं ङोंइती मार ब्रेक्‍शो बाक्‍त देंशा हना ‘गो सिक्‍सी पा मबाक्‍नुङ। तन्‍न गो क्‍येक्‍क लेत्‍नुङ। गो थमा पा क्‍येक्‍क लेत्‍नुङ’।

यसैया 65:7

गो इन मरिम्‍शो पशो नु इन किकी पिपी आन मरिम्‍शो पशो कालेमी क्‍येक्‍क लेत्‍नुङ। मेकोपुकीमी डांडा तार धूप चोशा, आं कली शुक्‍शी पाइक्‍तीमी। मिनु गो इन पशो आ क्‍येक्‍क लेत्‍नन्‍नी” दे परमप्रभु यावेमी देंत। मारदे हना मेकोपुकीमी डांडाम धूप चोशा, पहाड मेर आं पर्बम शुक्‍शी लोव़ पाम्‍तेक्‍म। मेको आन पशो पाप आन थुकुम प्रिंशा क्‍येक्‍क लेत्‍नुङमी।

येरमीया 21:14

गो इन कली इन पशो खोदेंशो पा कोव़शा, सजाइ गे‍नन्‍नी। गो इन ब्‍वाकीम मी सुइक्‍नुङ। मिनु मेकोमी इन एर ओंथ बाक्‍शो मारेइ मारेइ नेक्‍ब, दे परमप्रभु यावेमी देंत’ देनो” देंत। गलाती ६:७; इजीकीएल २१:३

येरमीया 31:30

तन्‍न मुर नेल्‍ल आन पाप आ पर्बम बेक्‍नीम। सुम ग्‍युरशो अङगुर ब्‍वाइबा, मेको आ ख्रुइ ग्रिम्‍ब” देंत।

इजीकीएल 16:59

परमप्रभु, परमप्रभु यावेमी “गे इ पशो खोदेंशो पा गो इ कली पाइनुङ। गे आं कसम जशो ममिम्‍ती। इस पशो कबल यो क्‍याम्‍ताक्‍वी।

इजीकीएल 18:20

सुम पाप पाइबा, मेको ला बेक्‍ब। आलमी आ आम आफ आस मरिम्‍शो पशो आ पर्बम श्‍येत जचा ममाल्‍ब। आ आम आफोम यो आस आल आन मरिम्‍शो पशो आ पर्बम श्‍येत जचा ममाल्‍नीस। ठीक पाइब आ ठीक पशो आ कली दुम्‍ब। मिनु परमप्रभु यावे आ अरेशो मटीबमी आ मटिशो आ कलीन दुम्‍ब। २राजा १४:६

इजीकीएल 2:10

मिनु मेकोम, मेको आं ङोंइती प्राक्‍शा कोंइताक्‍यी। मेको आ ङोंइती नु नोले, निम्‍फा पटटी ब्रेक्‍शो बाक्‍त। मेकेर हिशेक पतीके, रोंका पतीके नु आबी आबी, दे हिंतीके लोव़ ब्रेक्‍शो बाक्‍त।

इजीकीएल 24:14

गो, परमप्रभु यावेमी एको लोव़ पाता। गो आं गेय पतीक नाक्‍ती जाक्‍शो बाक्‍ब। गो नोले मशोंइसीनुङ। गो इ कली सुर्ता मपथु, शिशी मपाइक्‍नुङ। इ पशो खोदेंशो पा इ कली निसाफ पाइनुङ’ ” दे परमप्रभु, परमप्रभु यावेमी देंत। येरमीया १३:१४

इजीकीएल 33:8

मिनु गो आं अरेशो मटीब मुर आन कली ‘ए आं अरेशो मटीब मुरपुकी गे थमा पा बेक्‍नीनी’ देंनुङ, मिनु गे मेको आं अरेशो लोव़ मटीब मुर आन कली ‘इन मरिम्‍शो पशो प्रोनीन’ दे महिंपाइक्‍तीवी हना, मेको मरिम्‍शो पाइब मुर आन मरिम्‍शो पशो आ पर्बम बेक्‍नीम। तन्‍न गो मेको आन हुश आ क्‍येक्‍क इ रे पा ताक्‍नुङ।

मीका 3:4

मिनु मेकोपुकीमी परमप्रभु यावे कली पुंइनीम। तन्‍न मेकोमी मेको आन पुंइशो लोव़ मलेप्‍ब। आ अरेशो मटितीके मेकोमी मेको आन क्‍येङा आ कुल ख्रुइक्‍ब। हितोपदेस १:२८; इजीकीएल ८:१८

मीका 7:13

तन्‍न रागी रागी नेल्‍ल श्‍येत्‍थ दुम्‍नीम। मुर आन मरिम्‍शो पशो आ पर्बम मोदेंशो दुम्‍ब” देंत।

गन्‍ती 32:23

तन्‍न गेपुकीम मो मपाइतीनी हना, परमप्रभु यावे आ ङोंइती पाप पाइनीनी। मिनु इन पाप थमा पा राइनीनी।

२ कोरिन्‍थी 5:10

मारदे हना गो नेल्‍ल ख्रीस्‍त आ ङोंइती निसाफ पची ना जाक्‍चा माल्‍नीकी। रांम बाक्‍यानु, इं रांम पशो रिम्‍शो नु मरिम्‍शो नेल्‍ल ताइनीकी। प्रेरित १७:३१; रोमी २:१६; रोमी १४:१०; यूहन्‍ना ५:२९; एफिसी ६:८

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

न्‍यायाधीस 9:57

मिनु परमप्रभुमी शेकेम ङा मुर आन मरिम्‍शो पशो आ पर्बम क्‍येक्‍क लेत्‍ता बाक्‍त। मेकोपुकीमी येरूब-बाल आ तौ योथाम आ सराप रमा बाक्‍त। न्‍यायाधीस ९:२०