यसैया 3:10 - Sunuwar Bible

¹⁰ दोस मताइब मुर आन कली रिम्‍शो दुम्‍ब। मारदे हना मेकोमी आ गेय पशो रे जाइब।

यसैया 3:10 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

भजन संग्रह 58:11

मिनु मुरपुकीमी “ठीक पाइबपुकीमी थमा पा इनाम ताइनीम। थमा पा, परमप्रभु रागीम निसाफ पाइब बाक्‍ब” देंनीम।

प्रस्‍थान 1:20

मोपतीके परमप्रभुमी मेको आल थिचा वारच पाइब मीश मुर आन कली आसीक गेवा बाक्‍त। मिनु इस्राएली शुश दुम्‍शा, बोल्‍यो दुम्‍मा बाक्‍त।

हितोपदेस 10:6

ठीक पाइब मुर आसीक राइनीम। तन्‍न परमप्रभु यावे आ अरेशो मटीब आन कली आन मरिम्‍शो पशोमी सुम्‍ब।

हितोपदेस 12:14

मुरपुकी आंम लोव़म पतीके मान ताइनीम। मिनु गेय पाइब मुरपुकीमी आन गेय ङा इनाम ताइनीमी। हितोपदेस १८:२०

हितोपदेस 13:21

मरिम्‍शो पाइब आन कली श्‍येतम खोइक्‍‍ब। तन्‍न ठीक पाइब आ माल्‍शो मारेइ मारेइ जाक्‍दीप्‍ब। हितोपदेस २८:८; अय्‍युब २७:१३-१७; उपदेसक २:२६

हितोपदेस 18:21

मुर आन लोव़मी बेक्‍तीक नु ब्रोंइतीक बाक्‍ब। तेको कली दाक्‍नीनी, मेको आ ततीक ताइनीनी।

उपदेसक 8:12

मरिम्‍शो पाइब मुर सहे का खेयप मरिम्‍शो पशा यो शुश नाक्‍त सम्‍म ब्रोंइशा बाक्‍नीम। मो हना यो परमप्रभु कली मान पा हिंब नु आ ङोंइती बाक्‍ब आन कली रिम्‍शो दुम्‍ब, दे गो तुइक्‍नुङ। भजन संग्रह ३७:१८; भजन संग्रह ७३:१७-२६

यसैया 54:17

गे नु लडाइ पचा कली सेल्‍शो यामी मग्रानीम। इ कली सुमी निसाफ पची ना दोस गेबा, मेको नेल्‍ल फ्रुचा पुंइसीनीम। मोपा ग्रातीके परमप्रभु यावे आं गेय पाइब आन अङस बाक्‍ब। मेको आं गेशो ठीक पतीके बाक्‍ब” दे परमप्रभु यावेमी देंत।

येरमीया 15:11

परमप्रभु यावेम आं कली “थमा पा, गो इ कली रिम्‍शो पा, प्रोंइनन। गो थमा पा श्‍येत नु मरिम्‍शो दुम्‍मेनु इ जोरी सत्रु आन कली, इ गेय पपाइक्‍नुङमी।

येरमीया 21:14

गो इन कली इन पशो खोदेंशो पा कोव़शा, सजाइ गे‍नन्‍नी। गो इन ब्‍वाकीम मी सुइक्‍नुङ। मिनु मेकोमी इन एर ओंथ बाक्‍शो मारेइ मारेइ नेक्‍ब, दे परमप्रभु यावेमी देंत’ देनो” देंत। गलाती ६:७; इजीकीएल २१:३

येरमीया 22:15

मार, गे पिप नवे? मारदे हना गे गारो नेल्‍ल बोल्‍यो शीम क्‍येप्‍नेवे? इ आफ नु जचा तूचा थोव़क बाक्‍त। मेकोमी ठीक निसाफ नु ठीक गेय पाप्‍तु। मिनु मेको कली रिम्‍शोन दुम्‍त।

येरमीया 7:23

तन्‍न गो मेको आन कली मार अरेतीक का गेतामी देंशा हना ‘आं देंशो टिने। मिनु गो इन परमप्रभु नङ। मिनु गे आं मुर दुम्‍नीनी। गो इन कली तेको लां लचा, दे अरेनुङा, मेको लां गाक्‍कीन। मो पाइतीनी हना, इन कली रिम्‍शो दुम्‍ब’ देंती। येरमीया ११:४; येरमीया २४:७; येरमीया ३०:२२; येरमीया ३१:१,३३; येरमीया ३२:३८; लेवी २६:१२; इजीकीएल ११:२०; इजीकीएल १४:११; इजीकीएल ३४:३०; इजीकीएल ३७:२७

इजीकीएल 18:20

सुम पाप पाइबा, मेको ला बेक्‍ब। आलमी आ आम आफ आस मरिम्‍शो पशो आ पर्बम श्‍येत जचा ममाल्‍ब। आ आम आफोम यो आस आल आन मरिम्‍शो पशो आ पर्बम श्‍येत जचा ममाल्‍नीस। ठीक पाइब आ ठीक पशो आ कली दुम्‍ब। मिनु परमप्रभु यावे आ अरेशो मटीबमी आ मटिशो आ कलीन दुम्‍ब। २राजा १४:६

इजीकीएल 9:4

“यरूसलेम सहर आ एर ओंथ नेल्‍ल हिरशा मेकेर पशो मूर्ति पूजा नेल्‍ल आन पर्बम सुर्ता नु रोंका पाइब मुर नेल्‍ल आन कुप्‍फीम चिन्‍ड का वोतो” दे माइक्‍तु। प्रकाश ७:३

मीका 7:13

तन्‍न रागी रागी नेल्‍ल श्‍येत्‍थ दुम्‍नीम। मुर आन मरिम्‍शो पशो आ पर्बम मोदेंशो दुम्‍ब” देंत।

सेफन्‍याह 2:3

गे रागी ङा परमप्रभु यावे आ ङोंइती ठीक पाइब नु ब्रेम्‍शो मुरपुकी परमप्रभु यावे कली मालीन। गे ठीक पाइब नु ब्रेम्‍शो थुं पाइश्‍शो दुम्‍चा मालीन। मिनु परमप्रभु यावेमी आ गाइश्‍शो नाक्‍त इन कली ख्रुइक्‍बा कों? आमोस ५:१५

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।

लूका 19:19

मिनु मेकोमी ‘इ कली यो ५ ओटा सहर कली अधिकार पाइब सेल्‍नन’ देंमाक्‍त।

ब्‍यवस्‍था 12:25

गेपुकीम मेको मब्‍वचा। मिनु गे परमप्रभु यावे आ ङोंइती मार ठीक बाक्‍मे, मेको पतीके, गेपुकी नु इन नोले ङा इन आल आन कली रिम्‍शो दुम्‍ल।

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४