यसैया 29:7 - Sunuwar Bible

⁷ रागी रागी ङा शुश मुरुमी अरीएल नु लडाइ पाइ‍नीम। लडाइ पाइब नेल्‍लेमी मेको आन बोल्‍यो दरवार प्रेश्‍शा, श्‍येत गेनीम। मेको ङोमु तशो नु नाक्‍दो कोंइतीक तशो खोदेंशो पा दुम्‍ब।

यसैया 29:7 ပူးပေါင်းရင်းမြစ်များ

अय्‍युब 20:8

मेकोपुकी ङोमु पशो खोदेंशो पा जाम्‍शा लाइनीम। मेको आन कली मथिंसीब। मेकोपुकी नाक्‍दो तशो ततीक खोदेंशो पा जाम्‍शा लाइनीम।

भजन संग्रह 73:20

दोपा मुरपुकी सुनी सेंसीमानु, ङोमु पशा, थमा ममाइ, दे तुइक्‍नीमी, मोपा परमप्रभु, गे बोक्‍ची ना मेको आन कली क्‍याम्‍नीनी।

यसैया 17:14

नाक्‍दो हिंचा ङा श्‍येत जाइनीम। नां सोव़चा क्‍येङा ङोंइती मेको नेल्‍ल बेक्‍नीम। आंइ मार मार रोइक्‍ब नु खुइ पाइबपुकी मोदेंशो दुम्‍नीम। यसैया ३७:३६

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

यसैया 40:17

रागी रागी ङा मुरपुकी मेको आ ङोंइती मारेइ मनम। मेको श्‍येत्‍थ नु मारेइ मबाक्‍शो बाक्‍नीम, दे मिम्‍ब।

नहुम 1:15

कोव़ङीन, रिम्‍शो लोव़ पाइब का पहाडम गाक्‍ब। मेकोम थुं नाइक्‍तीक लोव़ शेंब। यहूदा ङा मुरपुकी, इन चाड मानेन। इन कसम जशो खपीन। मारदे हना काइ मरिम्‍शो पाइब इन बाक्‍तीकेमी लेंशा मजाक्‍नीम। मेको नेल्‍ल क्‍याम्‍चा पुंइसाक्‍म।

नहुम 2:1

निनवे, इ कली खतम सेल्‍ब जाक्‍शो बाक्‍ब। इ बोल्‍यो दरवार खाल पावो। इ लां रिम्‍शो पा कोव़ङो। इ किप्‍शुर किम्‍सो। इ बोल नेल्‍ल ग्रुंइदो। यसैया ५२:७; नहुम १:११

जकरिया 12:9

मिनु “मेको नाक्‍ती गो यरूसलेम कली लडाइ तोथ जाक्‍ब रागी रागी ङा मुर आन कली खतम सेल्‍नुङ” देंत।