यसैया 29:5 - Sunuwar Bible

⁵ तन्‍न इ जोरी सत्रु आन हुल फुरक खोदेंशो पा शुश दुम्‍नीम। सक्ति पाइश्‍शोपुकी बेरशो भूस खोदेंशो दुम्‍नीम। मेको नेल्‍ल याम कामी दुम्‍ब।

यसैया 29:5 ပူးပေါင်းရင်းမြစ်များ

अय्‍युब 21:18

गिश खेयप फशेम बेरशो पराल खोदेंशो दुम्‍नीमी? मेकोपुकी गिश खेयप फश गिवारम बेरपाइश्‍शो भूस खोदेंशो दुम्‍नीमी? शुश खेयप मदुम्‍नीम। भजन संग्रह १:४

भजन संग्रह 1:4

परमप्रभु आ अरेशो मटीबपुकी चहिं मोदेंशो मबाक्‍नीम। मेकोपुकी फशेमी बेरपाइश्‍शो भूस खोदेंशो बाक्‍नीम।

भजन संग्रह 35:5

मेकोपुकी फशेम योल्‍शो भूस खोदेंशो दुम्‍मल। मिनु परमप्रभु यावे आ स्‍वर्ग ङा गेय पाइबमी मेको आन कली खेदा पस ङा पस पवल।

यसैया 13:11

परमप्रभुमी “गो रागी कली आ मरिम्‍शो पशो आ पर्बम सजाइ गेनुङ। आं अरेशो लोव़ मटिथु, मरिम्‍शो पाइब आन कली सजाइ गेनुङमी। मिनु ठेयब लेश्‍शो आन ठेयब लेत्‍तीके साम्‍पाइक्‍नुङमी। ठेयब श्‍येत गेशा हुकुम पाइब आन कली ब्रेम्‍पाइक्‍नुङमी।

यसैया 25:3

मोपतीके बोल्‍यो मुरपुकीम इन कली मान पाइनीम। बोल्‍यो राज्‍यपुकी इन क्‍येङा हिंनीम।

यसैया 25:4

मारदे हना गे प्रुङग नु मारेइ मथीब आन कली वारच पाइब बाक्‍तीनी। फश गिवार पवानु, फाम्‍सीतीके नु नां पवानु, सितल थेरतीके बाक्‍तीनी। मारदे हना मेको शिशी मपाइक्‍ब आन गाइक्‍चा, फश गिवार गारोम थोक्‍सीशो खोदेंशो बाक्‍ब। यसैया ४:६

यसैया 25:5

सोव़शो रागीमी नांम नाप्‍पाइश्‍शो खोदेंशो पा, अर्को रागी ङा मुर आन रेयके पतीक साम्‍तीनी। नां कली गोस्‍सुम सुम्‍शो खोदेंशो पा, शिशी मपाइब आन ग्राशा ग्‍येरशा पतीके कुम्‍सो तेक्‍तीनी।

यसैया 29:20

मारदे हना हिंचा ङा मरिम्‍शो पाइब मलीनीम। शुक्‍शी पाइबपुकी जाम्‍शा लाइनीम। मरिम्‍शो पचा माल्‍बपुकी साइक्‍चा पुंइसीनीम।

यसैया 30:13

मोपा इन मरिम्‍शो पशो ब्रेत्‍चा चिक्‍शो लाइश्‍शो गारो खोदेंशो दुम्‍शो बाक्‍ब। मेको इन मतुइक्‍थु याम काम ब्रेप्‍ब।

यसैया 31:3

इजीप्‍त ङा मुर, मुर ला बाक्‍नीम। मेको परमप्रभु मनम। आन शारा बेक्‍ब बाक्‍नीम। सोक्‍त मनम। परमप्रभु यावेमी आ गुइ दिंदानु, वारच पाइब दाइल पांइसीनीम। मिनु वारच पपांइसीब नेल्‍ले कालेमी बेक्‍नीम।

यसैया 31:8

मेना अस्‍सुर तरवारम साइक्‍चा पुंइसीब। तन्‍न मेको तरवार बेक्‍शा लाइब मुर के ममाइ। मेकोमी नेल्‍ल आन कली खतम सेल्‍ब। मेको तरवार तशा मुर नेल्‍ल प्रोक्‍नीम। मिनु आन ठिटापुकी वाइल दुम्‍नीम। यसैया ३७:३६

यसैया 37:36

मिनु परमप्रभु यावे आ स्‍वर्ग ङा गेय पाइब का अस्‍सुर ङा मुर आन बाक्‍तीकेम लशा, लाख का ८५ हजार जना मुर सदा बाक्‍त। मिनु मुरपुकी सुनी बोक्‍शा कोव़ङमेनु, बेक्‍शो मुर ला ताम्‍तेक्‍म। यसैया १७:१४; यसैया ३१:८

यसैया 40:15

रागी रागी ङा मुर नेल्‍ले चिरशो गर ङा लीशो ब्‍वाक्‍कु खोदेंशो नु नाक्‍तीकेम लीशो फुरक खोदेंशो बाक्‍नीम। टापु आन कली फुरक खोदेंशो पा बेरपाइक्‍ब।

यसैया 41:11

गे नु गाइक्‍ब नेल्‍ल मुने दोक्‍शा, शिशी मताइ‍नीम। इ जोरी सत्रु नेल्‍ल फश खोदेंशो दुम्‍शा, जाम्‍शा लाइनीम।

यसैया 41:15

मुल गो इ कली हेल्‍शो अन्‍न तुप्‍तीके सेल्‍नुङ। मेको हेश्‍शो, नक नु ख्रुइ पाइश्‍शो बाक्‍ब। गे डांडा आन कली तुप्‍शा, फस सेल्‍नेवे। पहाड आन कली भूस खोदेंशो सेल्‍नेवे।

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 47:11

तन्‍न मुल गे शुश श्‍येत जाइनेवे। इ मन्‍तर तन्‍तरमी तिक्‍ने मचाप्‍नेवे। गे शुश हिंचा ङा श्‍येत जाइनेवे। गे मेको तेक्‍ने मचाप्‍नेवे। मुल सम्‍म मतुइश्‍शो जाम्‍तीक नु नुप्‍तीक इ तारी जाक्‍ब।

यसैया 48:3

गो इन कली साइ ङोंइती ङा लोव़ ङोंइती रेन शेंताक्‍‍न्‍नी। गो लोव़ पा नेंपाइक्‍तन्‍नी। नोले गो मेको याम काम पाता। मिनु दुम्‍तेक्‍म।

आमोस 5:9

मेकोमी बोल्‍यो आन कली रीब पा खतम सेल्‍ब। मिनु आन बोल्‍यो दरवार खतम दुम्‍नीम।

१ थिस्‍सलोनिकी 5:3

मेना मुरुमी “दुशा बाक्‍नय, मारेइ मदुम्‍ब” देंतेक्‍म हना यो, आल कुरशो मीश मुर आल थिचा रोइ गेना पाइबा मतुइक्‍ब। मोदेंशो खोदेंशो पा मुरपुकी मब्रोंइचा ङा पा श्‍येत जाइनीम। येरमीया ६:१४; मत्ती २४:३९