यसैया 29:21 - Sunuwar Bible

²¹ मेकोपुकीमी मुर आन कली निसाफ पतीकेमी ब्रुपाइक्‍नीम। मिनु ठीक पाइब नु निसाफ पाइब कली ब्‍वारदम रेप्‍पाइक्‍नीम। मारेइ मरिम्‍शो मपाइब कली मोशा दोस गेपाइक्‍नीम। आमोस ५:१०

यसैया 29:21 ပူးပေါင်းရင်းမြစ်များ

भजन संग्रह 127:5

सु सु आन ब्रा कुरतीके मेकोमी ब्रीशो बाक्‍नीमी, मेको मुर ग्‍येरसीशो बाक्‍नीम। मिनु मेकोपुकी ठेयब लाप्‍चोमी आन जोरी सत्रुमी लोव़ पा जिचा पोक्‍गमेनु, मुने मदोक्‍नीम।

हितोपदेस 28:21

कुल कोव़मुचा मरिम्‍शो बाक्‍ब। तन्‍न मुरुमी आइक्‍च शोब्‍ले तचा कली मरिम्‍शो पाइनीमी कों। हितोपदेस १८:५; ब्‍यवस्‍था १:१७

यसैया 10:1

आबी, सु सुमी ठीक मदुम्‍शो ऐन कानुन सेल्‍नीमी, मुर आन कली दिप्‍चा ङा अरेशो लोव़ ब्रेक्‍नीमी, यसैया ५:८-२३

यसैया 32:7

मोदेंशो मरिम्‍शो पाइब आन गेय मरिम्‍शो बाक्‍ब। परमप्रभु यावे आ अरेशो मटीबम “दोपा आं दाक्‍शो पने चाप्‍नुङा?” दे प्रुङग आन कली जोल पा नु मारेइ मथीबम ठीक लोव़ पाम्‍तेक्‍म हना यो, मेको आन कली खतम सेल्‍नीम।

यसैया 5:20

आबी, मरिम्‍शो कली रिम्‍शो नु रिम्‍शो कली मरिम्‍शो देंबपुकी, छिङछिङ कली छेङछेङ नु छेङछेङ कली छिङछिङ देंबपुकी नु कशो कली जिज नु जिज कली कशो देंबपुकी श्‍येत जाइब बाक्‍नीनी।

यसैया 5:23

गेपुकीम घूस जशा, ठीक मपाइब कली “ठीक पाइब बाक्‍ब” नु ठीक पाइब कली “ठीक मपाइब बाक्‍ब” देंनीनी। प्रस्‍थान २३:८

यसैया 59:15

थमा पतीक तेइ मथिंसीब। रिम्‍शो पाइब आन मारेइ मारेइ रोइक्‍चा पुंइसीनीम। मिनु परमप्रभु यावेमी मेको ताप्‍तु। मिनु ठीक निसाफ मबा, दे थम गाइश्‍शो बाक्‍त।

येरमीया 18:18

मिनु मेकोपुकीम “मुल गोपुकीम येरमीया कली दोस गेय। मारदे हना चढ़ेब आन शेंशो लोव़ मग्‍याम्‍ब। जोक्‍ब तुइक्‍ब आन अर्ती यो मग्‍याम्‍ब। मिनु परमप्रभु यावे आ लोव़ पाइब आन देंशो लोव़ यो मजाम्‍ब। मोपतीके मुल गो येरमीया कली दोस गेय। मिनु मेको आ देंशो तेकोइ लोव़ मनेंय” देंतेक्‍म।

येरमीया 36:29

मिनु गे यहूदा ङा पिप येहो-याकीम आ पर्बम परमप्रभु यावेम “गे मेको तोल्‍शो कागज चोप्‍तीवी। मिनु गे बारुक कली गे मारदे बेबीलोन ङा पिप थमा पा जाक्‍शा, एको रागी श्‍येत्‍थ पोक्‍ब। मिनु मेकोमी मुर नु बस्‍तु भाव नेल्‍ल आन कली साइक्‍ब, दे कागजम ब्रेक्‍ती?” देंते।

इजीकीएल 13:19

मुठी का निक्‍शी क्‍योव़ज, नु टुक्रा का निक्‍शी शोब्‍ले आ पर्बम साइक्‍चा ममाल्‍शो मुर आन कली साइक्‍तीनी। मिनु ब्रोंइचा मगेचा माल्‍शो मुर आन कली ब्रोंइचा गेतीनी। मिनु आं मुर आन कली जोल पा मोदेंशो पाइ‍तीनी’ दे परमप्रभु, परमप्रभु यावेमी मेको आन कली माइक्‍मी” देंत।

मलाकी 3:5

तन्‍न मेको क्‍येङा ङोंइती “गो निसाफ पचा कली इन बाक्‍तीकेमी जाक्‍नुङ। गो टुना मुना पाइबपुकी, मुर आन मीश वोंइश नु इप्‍बपुकी, जोल पा कसम जाइबपुकी, गेय पाइब आन कली गाल्‍च मगेबपुकी, वोंइश बेक्‍शो मीश मुर, रोम रोइक्‍च, नु अर्को रागी ङा मुर आन कली निसाफ पा मगेबपुकी नु आं क्‍येङा महिंब नेल्‍ल आन कली निसाफ पथ जाक्‍नुङ” दे मुर नेल्‍ल आन परमप्रभु यावेमी देंत।

मत्ती 22:15

मिनु फरिसीपुकीमी “एको कली दोपा आंम आ लोव़ ख्राइक्‍पपाइश्‍शा दोस गेचा” दे लोव़सी पमुमा बाक्‍त।

मत्ती 26:15

“येसु कली इन गुइमी ग्‍याइक्‍पाइक्‍ता हना, दोशो गेनीनी” देंमेनु, ३० टुक्रा चांदी गेमे बाक्‍त। यूहन्‍ना ११:५७; जकरिया ११:१२

प्रेरित 3:14

तन्‍न गेपुकीमी परमप्रभु यावे आ योव़शो नु ठीक पाइब कली तिल्‍तीनी। मुर साइक्‍ब कली प्रोंइशा सोइक्‍चा कली पुंइतीनी। मत्ती २७:२०-२१

याकूब 5:6

गेपुकीमी रिम्‍शो गेय पाइब मुर आन कली दोस गेशा साइक्‍तीनी। मेकोपुकीम ब्‍वालेइ पा, मारेइ लोव़ मलेत्‍तेम। याकूब २:६

न्‍यायाधीस 12:6

गिलाद ङा मुरपुकीमी “मो हना, शिब्‍बोलेथ देनो” देंबाक्‍मा बाक्‍त। मिनु मेकोमी ठीक पा देंने मचाप्‍थु “सिब्‍बोलेथ” देंतेक्‍म हना, मेकेर ग्‍याइश्‍शा यर्दन आ नेक्‍था साइक्‍बाक्‍मा बाक्‍त। मेना एफ्राइम आ थर ङा मुर ४२ हजार साइक्‍चा पुंइसमा बाक्‍त।