यसैया 29:18 - Sunuwar Bible18 मेको नाक्ती नोफा मनेंबपुकी किताब ङा लोव़ नेंनीम। गेना हना यो छिङछिङम बाक्ब, मिक्च मताइबपुकी मिक्च ताइब दुम्नीम। यसैया ३५:५; मत्ती ११:५ အခန်းကိုကြည့်ပါ။ |
यसैया 29:18
28 ပူးပေါင်းရင်းမြစ်များ
“परमप्रभु यावे आ सोक्त आं तार बाक्ब। मारदे हना परमप्रभु यावेमी तेल लुक्ताक्यी। मेकोमी आं कली दिप्शो प्रुङग मुर आन कली ग्येरपाइक्ब लोव़ नेंपाइक्चा कली, ग्याइश्शा चोक्चा पुंइसीशो मुर आन कली प्रोंइचा कली, मिक्च मताइब आन कली तपाइक्चा नु श्येत जाइब आन कली श्येत रे प्रोंइशा, रिम्शो पा बाक्चा गेचा कली सोइक्ताक्यी। यसैया ४२:७
मिनु येसुमी यूहन्ना आ शेंसीब आस कली “मार मार तसी, मार मार नेंसी, मेको नेल्ल यूहन्ना कली मतीसे। मिक्च मताइब मिक्च ताइबाक्तेक्म। खोइल मदुक्ब गाक्बाक्तेक्म। कोव़र पाइब साबाक्तेक्म। नोफा मनेंबम नेंबाक्तेक्म। बेक्शो मुर बेक्शो रे सेंसीशा ब्रोंइबाक्तेक्म। मिनु महिक्सीशो मुरपुकी ग्येरपाइक्ब लोव़ नेंपांइसीबाक्तेक्म।
तन्न गे परमप्रभु यावे आ योव़शो मुर दुम्तीके, आ राज्य ङा चढ़ेब परमप्रभु यावे आ रागी ङा मुर दुम्तीनी। मारदे मोदेंशो दुम्तीनी देंशा हना, परमप्रभु यावेमी इन कली रिम्शो पशा, छिङछिङ रे ग्रुंइशा, आंम आ छक लाक्चा ङा छेङछेङमी वोइश्शो बाक्त। मिनु अरु नेल्ल आन कली शेंचा, दे मोदेंशो दुम्तीनी। प्रस्थान १९:६; यसैया ४३:२१; प्रकाश १:६; ब्यवस्था ४:२०; ब्यवस्था ७:६; एफिसी ५:८
मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्शो दुम्चा कली आं सुन ग्यापीन। मेको सुन याप्पाइश्शो बाक्ब। मेको ग्याप्तीनी हना, गे शोंप पाइश्शो दुम्नीनी। मिनु फेक्चा कली बुश वा ग्यापीन। मेको ग्याप्तीनी हना, मुने मदोक्नीनी। मिनु इन मिक्च, सापाइक्चा कली मिक्चीम ख्रेक्तीके ग्यापीन। ग्याप्शा ख्रेक्साक्नी हना, गे ताइनीनी।
ကြော်ငြာတွေ