यसैया 29:10 - Sunuwar Bible

¹⁰ मारदे हना परमप्रभु यावेमी इन तार शुश निन्‍द्रा पपाइक्‍ब सोक्‍ती मोइश्‍शो बाक्‍ब। मेकोमी गे परमप्रभु यावे आ लोव़ पाइब इन कली मिक्‍च मताइब सेल्‍तु। मिनु इन पिया सुम्‍तु।

यसैया 29:10 ပူးပေါင်းရင်းမြစ်များ

भजन संग्रह 69:23

मेको आन मिक्‍ची ब्राब्रा दुम्‍शा, मताइब दुम्‍मल। मेको आन ची गेना हना यो गुर ब्‍वेशो दुम्‍ल।

यसैया 29:14

मोपतीके गो एको मुर आन दातेमी छक लाक्‍चा ङा, हिंचा ङा नु मरुप्‍चा ङा गेय पाइनुङ। मेको आन जोक्‍ब तुइक्‍ब मुर आन तुइक्‍तीके जाम्‍शा लाइब। निप्‍स खाप्‍शो गेय पाइब आन निप्‍स खाप्‍तीके ख्रुइक्‍चा पुंइसीनीम। १कोरिन्‍थी १:१९; मत्ती ११:२५

यसैया 30:10

मेकोपुकीमी नोले दुम्‍ब लोव़ ताइब आन कली ‘मतने। मकोव़ङीन’ देंनीम। मिनु परमप्रभु यावे आ लोव़ पाइब आन कली ‘ठीक पचा आ पर्बम आंइ कली लोव़ मपने। जोल पा हना यो, आंइ दाक्‍शो लोव़ ला पने। आमोस २:१२

यसैया 43:27

इ ङोंइती ङा किकीम पाप पाप्‍‍तु। गे नु गारशा लोव़ पाइबम आं कली मरिम्‍शो पाम्‍तेक्‍म। यसैया ४१:८; उत्‍पत्ती ३५:११-१२

यसैया 44:18

मेको मुरपुकीमी मारेइ मतुइक्‍थु, मरुप्‍नीम। मारदे हना मेको मिक्‍च मताइनीमी। आन थुं मरोक्‍सीशो बाक्‍ब। मेकोपुकी मारेइ मरुप्‍ब बाक्‍नीम।

येरमीया 4:9

मिनु परमप्रभु यावेम “मेको नाक्‍ती पिप नु हुकुम पाइब नेल्‍ल आन थुं लुक्‍च लाइब। चढ़ेबपुकी हिंशा ग्‍येत्‍थ लुक्‍च दुम्‍नीम। मिनु परमप्रभु यावे आ लोव़ पाइबपुकी ग्रीचोक पा हिंनीम” देंत।

बिलाप 4:14

मेकोपुकी मिक्‍च मताइब खोदेंशो पा लां मेर हिरसाक्‍म। मेकोपुकी हुश लुम्‍सीशो बाक्‍तेक्‍म। मेको आन वा सुइम मथिचा ङा बाक्‍त।

इजीकीएल 14:9

मिनु सुइ परमप्रभु यावे आ लोव़ पाइबम आ लोव़ मार बाक्‍बा, दे हिल्‍लो पाइब आन कली आंमा थुंम मिम्‍शा लोव़ पाप्‍तु हना, गो मेको कली मोदेंशो पपाइक्‍ता। मिनु गो मेको कली आं गुइ दिंशा, सजाइ गेशा आं मुर इस्राएली आन दाते रे क्‍याम्‍नुङ। १राजा २२:२०-२३

मीका 2:6

मेकोपुकीम “परमप्रभु यावे आ लोव़ मपने” देंनीम। तन्‍न लोव़ पाइनीम। मिनु मेकोपुकीमी “मोदेंशो श्‍‍येत आंइ कली मदुम्‍ब” देंनीम। आमोस ७:१६

मीका 3:1

मिनु गो “गे, याकूब आ ठेयब मुरपुकी नु इस्राएली आन खिं ङा हुकुम पाइबपुकी, इन नोफा दाइश्‍शा नेनीन। गे ठीक निसाफ तुइक्‍चा ममाल्‍नीनी ङा? येरमीया ५:५

मीका 3:6

मोपतीके इन कली मारेइ मततीक नाक्‍दो दुम्‍ब। परमप्रभु रे मारेइ मतुइक्‍चा ङा पा छिङछिङ दुम्‍नीनी। आं लोव़ पाइब आन कली नां रिक्‍ब। मिनु नाक्‍त मेको आन कली छिङछिङ दुम्‍ब।

रोमी 11:8

मेको आन पर्बम यसैयामी “परमप्रभु यावेमी मेको आन कली मरुप्‍ब थुं गेप्‍तु। मेकोपुकी मिक्‍च मताइब नु नोफा मनेंब दुम्‍शा बाक्‍शो बाक्‍नीम। मुल सम्‍म मोदेंशो दुम्‍शा बाक्‍नीम” दे ब्रेक्‍शो बाक्‍त। यसैया २९:१०; ब्‍यवस्‍था २९:४

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

१ सामुएल 26:12

मिनु दाऊदम मेको आ पिया आ नेक्‍था बाक्‍शो तूतीक नु आ ब्‍वाक्‍क तूतीक कुरशा गाक्‍सा बाक्‍त। सुइमी मेको आस कली मतामे बाक्‍त। मिनु सुइ मसेंसीमा बाक्‍त। मारदे हना परमप्रभु यावेम मेको आन कली मारेइ मतुइक्‍चा ङा पा निन्‍द्रा पपदा बाक्‍त। उत्‍पत्ती १५:१२

१ सामुएल 9:9

ङोंइती इस्राएल रागीम सुइम परमप्रभु आ लोव़ तुइक्‍चा माल्‍ताक्‍व हना, मार देंबाक्‍मा बाक्‍त देंशा हना “परमप्रभु यावे आ ततीक ताइब आ बाक्‍तीक लय” देंबाक्‍मा बाक्‍त। तन्‍न सिनाक्‍त मुलाक्‍त परमप्रभु यावे आ ततीके ताइब कली परमप्रभु यावे आ लोव़ पाइब देंनीम। गन्‍ती २४:३-४; २राजा १७:१३; १इतिहास ९:२२