यसैया 28:27 - Sunuwar Bible

²⁷ सोंप कली दांइ मपाइनीम। मस्‍ला कली तूलीमी मतुप्‍नीम। सोंप कली आइक्‍च कोक्‍के नु मस्‍ला कली सिरकनामी तुप्‍नीम।

यसैया 28:27 ပူးပေါင်းရင်းမြစ်များ

२ राजा 13:7

येहो-अहाज के ५० जना शारा ङोइक्‍ब, १० ओटा बग्‍गी नु १० हजार खोइलीम गाक्‍ब लडाइ पाइब ङा लाक्‍शा अर्को मारेइ मलीशो बाक्‍माक्‍त। मारदे हना अरु आन कली अराम ङा पिपम साइश्‍शा, खप ङा फुरक खोदेंशो सेल्‍शो बाक्‍माक्‍त।

हितोपदेस 20:26

जोक्‍‍ब तुइक्‍ब पिपमी परमप्रभु यावे आ अरेशो मटीब आन कली तिल्‍ब। मिनु मेको आन कली साइक्‍ब।

यसैया 28:26

मारदे हना आन परमप्रभुमी मेको आन कली रिम्‍शो पा शेंताक्‍व।

यसैया 28:28

शोब्‍ले चोचा कली चेरब हिल्‍नीम। तन्‍न मतुप्‍नीम। फस सेल्‍चा कली दांइ मपाइनीम।

यसैया 41:15

मुल गो इ कली हेल्‍शो अन्‍न तुप्‍तीके सेल्‍नुङ। मेको हेश्‍शो, नक नु ख्रुइ पाइश्‍शो बाक्‍ब। गे डांडा आन कली तुप्‍शा, फस सेल्‍नेवे। पहाड आन कली भूस खोदेंशो सेल्‍नेवे।

येरमीया 10:24

परमप्रभु यावे, आं कली रिम्‍शो सेल्‍यीनी। तन्‍न ठीक निसाफ पतीकेम ला रिम्‍शो सेल्‍यीनी। इन गाइक्‍तीकेम ममाइ। मो दुम्‍त हना, गे आं कली साइक्‍नीनी। येरमीया ३०:११; येरमीया ४६:२८; भजन संग्रह ६:२; हबकुक १:१२

येरमीया 46:28

आं गेय पाइब याकूब गे महिनो। मारदे हना गो गे नु बाक्‍शो बाक्‍नुङ। गो इ कली तेको रागी ङा मुर आन दातेमी ब्रपदु, मेको रागी ङा मुर नेल्‍ल आन कली क्‍याम्‍‍नुङमी। तन्‍न गो इ कली मक्‍याम्‍‍नुङ। गो इ कली ठीक सजाइ गे‍नुङ। गो इ कली सजाइ मगेथु मप्रोंइनुङ” देंत। येरमीया १०:२४; येरमीया ३०:११

आमोस 1:3

मिनु परमप्रभु यावेमी मार देंत देंशा हना “गो दमस्‍कस आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी गिलाद ङा मुर आन कली फलाम के ख्रुइ पाइश्‍शो दांदेमी दांइ पाम्‍तेक्‍म। यसैया १७:१-३

मत्ती 23:23

सास्‍त्री नु फरिसीपुकी, गे कपटी, इन कली तशा थुं खाइक्‍ती। मारदे हना मसला खोरसानी ङा १० भागमी भाग का परमप्रभु यावे कली चढ़ेनीनी। तन्‍न परमप्रभु यावे आ अरेशो तुइक्‍चा माल्‍शो ठीक निसाफ पतीके, मुर आन कली शिशी पतीके नु परमप्रभु यावे कली थमा सुइक्‍तीके लोव़ ममिम्‍नीनी। एको गेय पचा माल्‍शो ननी, मिनु इन पशो यो मप्रोंइचा माल्‍शो ननी। लेवी २७:३०; लूका १८:१२; मीका ६:८