यसैया 28:21 - Sunuwar Bible

²¹ मारदे हना परमप्रभु यावे पेराजीम डांडाम बोक्‍शो खोदेंशो पा बोक्‍ब। मेको गिबोन ङा बेंसीम गाइश्‍शो खोदेंशो पा गाइक्‍ब। मोपा मेकोम आ गेय पाइब। मेको आ गेय छक लाक्‍चा ङा बाक्‍ब। मिनु मरुप्‍चा ङा बाक्‍ब। २सामुएल ५:२०; १इतिहास १४:११; १इतिहास १४:१६

यसैया 28:21 ပူးပေါင်းရင်းမြစ်များ

२ सामुएल 5:20

मिनु दाऊद लशा, बाल-पेराजीमम लडाइ तोमी बाक्‍त। मिनु मेको आन कली ग्रामाक्‍त। मिनु दाऊदमी “बारशो ब्‍वाक्‍कुम आ एर ओंथ प्रेश्‍शो खोदेंशो पा, परमप्रभु यावेम आं जोरी सत्रु आन कली फ्रुप्‍तु” देंमाक्‍त। मोपतीके मेकेर बाल-पेराजीम नें लीमाक्‍त। यसैया २१:२८

२ सामुएल 5:25

मिनु दाऊदमी परमप्रभु यावेम आ कली देंशो खोदेंशो पा पवा बाक्‍त। मिनु पलिस्‍ती आन कली गेबा रे गेजेर सहर ङा लां सम्‍म शोल्‍मो पा सदमे बाक्‍त। न्‍यायाधीस १:२९

१ इतिहास 14:11

मोपतीके दाऊद नु आ मुरपुकी इर ङोइश्‍शा लशा, बाल-पेराजीमम मेको आन कली लडाइ तोशा ग्रामा बाक्‍त। मिनु दाऊदमी “परमप्रभुमी खोला आ नेक्‍था ङा रू प्रेश्‍शो खोदेंशो पा, आं जोरी सत्रु आन कली साइक्‍मी बाक्‍त” देंत। मोपतीके मेको बाक्‍तीक आ नें बाल-पेराजीम वोदमे बाक्‍त।

१ इतिहास 14:16

मिनु दाऊदमी परमप्रभुम देंशो खोदेंशो पा लडाइ पवा बाक्‍त। मिनु मेकोम पलिस्‍ती आन लडाइ पाइब आन कली गिबोन रे गेजेर सम्‍म खेदा पा सदमे बाक्‍त।

भजन संग्रह 94:16

परमप्रभु आ अरेशो लोव़ मटीब आन पर्बम सु पोन बोक्‍बा? मरिम्‍शो पाइब आन पर्बम सु पोन बोक्‍बा? भजन संग्रह ११५:१७

यसैया 10:12

मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६

यसैया 28:19

मेको गिश खेयप जाक्‍त हना यो, इन कली सुम्‍ब। मारदे हना मेको सुनी कुस कुस जाक्‍ब। नाक्‍दो नाक्‍ती यो जाक्‍ब। मेको लोव़ रुप्‍चा चहिं शुश हिंचा ङा बाक्‍ब।

यसैया 29:14

मोपतीके गो एको मुर आन दातेमी छक लाक्‍चा ङा, हिंचा ङा नु मरुप्‍चा ङा गेय पाइनुङ। मेको आन जोक्‍ब तुइक्‍ब मुर आन तुइक्‍तीके जाम्‍शा लाइब। निप्‍स खाप्‍शो गेय पाइब आन निप्‍स खाप्‍तीके ख्रुइक्‍चा पुंइसीनीम। १कोरिन्‍थी १:१९; मत्ती ११:२५

यसैया 29:23

मिनु मेकोमी आन आल आन दातेम, आं पशो गेय, ताइनीम। मिनु आं नें ठेयब सेल्‍नीम। याकूब आ का ला बाक्‍शो परमप्रभु यावे कली तशा मान पा हिंनीम। इस्राएली आन परमप्रभु कली तशा मान पा हिंनीम।

यसैया 64:2

मिनु दोपा मीम सोव़शो राशी जेप्‍बा, मिनु ब्‍वाक्‍कु ब्रुइक्‍पाइक्‍बा, मोपा इन जोरी सत्रु आन कली इन नें तुइक्‍पतीन। मिनु रागी रागी ङा मुर इन ङोंइती हिंशा ख्रिंख्रि पाइनीम।

यसैया 65:7

गो इन मरिम्‍शो पशो नु इन किकी पिपी आन मरिम्‍शो पशो कालेमी क्‍येक्‍क लेत्‍नुङ। मेकोपुकीमी डांडा तार धूप चोशा, आं कली शुक्‍शी पाइक्‍तीमी। मिनु गो इन पशो आ क्‍येक्‍क लेत्‍नन्‍नी” दे परमप्रभु यावेमी देंत। मारदे हना मेकोपुकीमी डांडाम धूप चोशा, पहाड मेर आं पर्बम शुक्‍शी लोव़ पाम्‍तेक्‍म। मेको आन पशो पाप आन थुकुम प्रिंशा क्‍येक्‍क लेत्‍नुङमी।

येरमीया 30:14

इ वारच नेल्‍लेम इ कली प्रेंने थुम्‍तेक्‍म। मेकोपुकीमी इ कली गेनायो ममिम्‍नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्‍तन। मिनु शिशी मपाइक्‍बम खोदेंशो पा गो इ कली सजाइ गेतन।

बिलाप 2:15

इ नेक्‍था रे पा लाइब नेल्‍लेमी इ कली तशा शुक्‍शी पाइनीम। यरूसलेम आ तमी तशा शुक्‍शी पा आन पिया हिम्‍नीम। मेकोपुकीमी “एको सहर कली नेल्‍ल क्‍येङा दारशो नु रागी ङा नेल्‍ल क्‍येङा दाक्‍शो सहर देंनीमी, ममाइ ङा?” देंनीम। भजन संग्रह ४८:३; इजीकीएल १६:१४

बिलाप 3:33

मारदे हना मेकोमी सुइ मुर आन कली श्‍येत गेचा मदाक्‍ब।

इजीकीएल 33:21

गो आंइ ग्‍याइश्‍शा लाइक्‍चा पुंइसीशो १२ बर्स ङा १० महिना ५ नाक्‍त दुम्‍मेनु, यरूसलेम रे प्रोक्‍शा जाक्‍शो मुर का आं बाक्‍तीकेम जाक्‍शा “आंइ सहर ब्रुत” देंत। इजीकीएल १:२; इजीकीएल २४:२६; २राजा २५:२-४

हबकुक 1:5

मिनु परमप्रभुमी आं कली “रागी रागी ङा मुर आन कली कोव़ङो। मेको आन कली कोव़शा, गे छक लाक्‍नेवे। मारदे हना इन ब्रोंइतीक नाक्‍तीमी गेय का पशो बाक्‍ब। मेको इ कली देंतेक्‍म हना यो, गे मेको थमा मसुइक्‍नेवे। प्रेरित १३:४१

यहोसु 10:10

मिनु परमप्रभु यावेमी एमोरी ङा मुर आन कली इस्राएली आन ङोंइती वाम ग्याम सेल्‍शा, मेको आन कली गिबोन सहरम ब्रुपाइक्‍तु। इस्राएलीपुकीमी मेको आन कली गिबोन रे बेथ-होरोन ङा ग्‍येत्‍थ लां रे पा खेदा पाम्‍तेक्‍म। आजेका नु माकेदा सम्‍म खेदा पा साइक्‍तेक्‍म।

यहोसु 10:11

मिनु मोपा इस्राएली आन ङोंइती बेथ-होरोन रे आजेका सम्‍म ब्रुप्‍शा प्रोक्‍मानु, परमप्रभु यावेमी सरीङ रे ठेयब मुप्‍स यिपाइक्‍तु। इस्राएलीपुकीमी तरवारमी क्‍योरशा बेक्‍शो क्‍येङा ठेयब मुप्‍सीम ख्रशा बेक्‍शो मुर शुश बाक्‍तेक्‍म। प्रस्‍थान ९:२२-२५; अय्‍युब ३८:२२-२३; हबकुक ३:११; २सामुएल १:१८

यहोसु 10:12

मिनु परमप्रभु यावेमी एमोरी आन कली इस्राएली आन गुइमी गेशो नाक्‍ती यहोसुमी परमप्रभु यावे कली इस्राएली नेल्‍ल आन ङोंइती “नां, गे गिबोन तारी नांइसो। तास्‍ला, आइयालोन बेंसी तारी नाइश्‍शा बाक्‍को” देंत।