यसैया 28:14 - Sunuwar Bible

¹⁴ मोपतीके गे शुक्‍शी पाइबपुकी, परमप्रभु यावे आ लोव़ नेनीन। गे यरूसलेम ङा मुर आन कली हुकुम पाइनीनी।

यसैया 28:14 ပူးပေါင်းရင်းမြစ်များ

हितोपदेस 1:22

मार लोव़ पाइब देंशा हना “गे मारेइ मजोक्‍बपुकी, गेना सम्‍म मारेइ मजोक्‍ब दुम्‍चा दाक्‍नीनी? गे शुक्‍शी पाइबपुकी, गेना सम्‍म शुक्‍शी पचा दाक्‍नीनी? गे मूर्खपुकी, गेना सम्‍म तुइक्‍तीके कली काइ मदाक्‍‍नीनी?

हितोपदेस 29:8

शुक्‍शी पाइब मुरपुकीमी सहर खल्बल सेल्‍नीम। तन्‍न जोक्‍ब तुइक्‍ब मुरपुकीमी जिचा खेचा तेक्‍नीम।

हितोपदेस 3:34

मिनु परमप्रभु यावेमी ठेयब लेश्‍शो शुक्‍शी पाइब मुर आन कली शुक्‍शी पाइब। ब्रेम्‍शो थुं पाइश्‍शो आन कली चहिं शिशी पाइब। १ पत्रुस ५:५

यसैया 1:10

सोदोम ङा सासन पाइबपुकी, परमप्रभु यावे आ लोव़ नेनीन। गोमोररा ङा मुरपुकी आंइ परमप्रभु आ शेंशो लोव़ नेनीन।

यसैया 1:23

इ सासन पाइबपुकी मटीब नु खुइ आन वारच दुम्‍शा, घूस जशा, क्‍येट ताक्‍चा दाक्‍नीम। मेकोपुकीम रोम रोइक्‍च आन कली ठीक निसाफ मपाइनीम। वोंइश बेक्‍शो मीश मुर आन लोव़ मनेंनीम” देंत।

यसैया 28:22

शुक्‍शी लोव़ मपने। मो पाइतीनी हना इन कली फ्रेंशो डोरी खांइसीब। मारदे हना परमप्रभु, मुर नेल्‍ल आन परमप्रभु यावेमी “रागी नेल्‍ल खतम सेल्‍नुङ” देंशो नेंता। यसैया १०:२२-२३

यसैया 29:20

मारदे हना हिंचा ङा मरिम्‍शो पाइब मलीनीम। शुक्‍शी पाइबपुकी जाम्‍शा लाइनीम। मरिम्‍शो पचा माल्‍बपुकी साइक्‍चा पुंइसीनीम।

यसैया 3:12

मिनु वोंइश आलपुकीमी आं मुर आन कली दिप्‍नीम। मीश मुरपुकीम मेको आन कली हुकुम पाइनीम। आं मुरपुकी, इन ठेयब मुरपुकीम इन कली दूली लां खोइक्‍पाइश्‍शा, हेंथे गाक्‍पाइक्‍नीम।

यसैया 46:12

गे खकटा थुं पाइश्‍शोपुकी नेनीन। गे पाप रे प्रोंइतीके रे शुश ङोन बाक्‍नीनी।

यसैया 5:9

मुर नेल्‍ल आन परमप्रभु यावेमी “थमा पा इन खिं नेल्‍ल ब्रेत्‍नीम। मेको ब्रेश्‍शो खिं दारशो नु ठेयब बाक्‍तेक्‍म हना यो, मुर मबाक्‍नीम।

येरमीया 13:15

नोफा दाइश्‍शा नेनीन। ठेयब लेश्‍शो मदुमीन। मारदे हना परमप्रभु यावेम लोव़ पाप्‍तु।

येरमीया 36:23

मिनु येहूदीम सां नु ४ हरप पढेने थुमानु, पिपम कागज ख्रोइक्‍तीकेम ख्रोइश्‍शा, मीम हुम्‍ताक्‍व। मेको तोल्‍शो कागज नेल्‍ल मनुम्‍म सम्‍म पिपम मो पना पन बाक्‍त।

इजीकीएल 16:35

मोपतीके ए तेल्‍लेम, परमप्रभु यावे आ लोव़ नेनो।

होसे 7:5

आंइ पिप आ भोजम आ सासन पाइब अङगुर शांबु तूशा दुक्‍नीम। मिनु पिपमी शुक्‍शी पाइबपुकी नु गुइ गारपाइक्‍ब।

आमोस 6:13

गेपुकी लो-देबार सहर आ पर्बम ग्‍येरसाक्‍नी। मिनु ‘मार, गोपुकीमी इं सक्तिम कारनाइम सहर मग्रासे ङा?’ देंनीनी।

प्रेरित 13:41

‘ए, गे शुक्‍शी पाइबपुकी, छक लाक्‍चा ङा पा पुलु दुम्‍शा लने। मारदे हना गो इन पालामीन गेय का पाइनुङ। तन्‍न गे थमा मसुइक्‍नीनी। मिनु सुइमी इन कली शेंताक्‍म हना यो गे थमा मसुइक्‍नीनी’ ” दे पावलमी शेंदीमी बाक्‍त। हबकुक १:५