यसैया 28:13 - Sunuwar Bible

¹³ मोपतीके परमप्रभु यावे आ लोव़ मेको आन कली यो आन खोदेंशो पा मरुप्‍चा ङा लोव़ दुम्‍ब। मिनु “ब्रेक्शो, अरेशो पावो कि पावो, पावो कि पावो, पावो कि पावो। इच्‍का एकेर, इच्‍का मेकेर” देंशो बाक्‍ब। मिनु मेकोपुकी लशा, नोले गे गोल्‍शा आन गुइ खोइली जिक्‍नीम। मिनु ब्‍वारदम रेश्‍शा, ग्‍याइक्‍चा पुंइसीनीम।

यसैया 28:13 ပူးပေါင်းရင်းမြစ်များ

भजन संग्रह 69:22

मेको आन जचा थोव़क आन ब्‍वारद दुम्‍ल। मेको आन कली वारच पाइब आन बेक्‍तीक दुम्‍ल। रोमी ११:९-१०

यसैया 28:10

मेकोपुकीम “परमप्रभु आ ब्रेक्‍शा अरेशो पावो कि पावो, पावो कि पावो, पावो कि पावो। इच्‍का एकेर इच्‍का मेकेर” देंनीमी।

यसैया 59:10

मिक्‍च मताइब खोदेंशो पा गारो सुल्‍शा गाक्‍नीकी। मिक्‍च मपाइश्‍शो मुर खोदेंशो पा सुल्‍‍नीकी। नाक्‍दो खोदेंशो पा नाक्‍ती यो दाइल पांइ‍सीनीकी। गो बोल्‍यो मुर आन दातेम बेक्‍शो मुर खोदेंशो दुम्‍तक। ब्‍यवस्‍था २८:२९

होसे 6:5

मोपतीके गो इस कली आं लोव़ पाइब रे पा टुक्रा टुक्रा पाता। आं लोव़मी इस कली साइक्‍ता। आं निसाफ इस तारी चिला आप्‍शो खोदेंशो बाक्‍ब। येरमीया २३:२९

होसे 8:12

मिनु गो मेको आन कली आ अरेशो शुश ब्रेक्‍ताक्‍ङ। तन्‍न मेकोपुकीमी आं लोव़ थमा मसुदेम।

मत्ती 13:14

साइ नेसी यसैयामी देंशो नोले दुम्‍ब लोव़ मुल थमा दुम्‍त। मार ब्रेक्‍शो बाक्‍त देंशा हना ‘नेंचा दा नेंनीनी, तन्‍न दोपा यो मरुप्‍नीनी। कोव़चा दा कोव़नीनी, तन्‍न दोपा यो मताइनीनी।

मत्ती 21:44

सुमी एको फुल्‍लुम दाल पांइसीशा राम्‍सीबा, मेको फस दुम्‍ब। एको फुल्‍लुमी सु कली चिप्‍बा, मेको चिम्‍सीशा बेक्‍ब” देंत।

रोमी 11:9

दाऊदमी “मेको आन भोज आन कली ग्‍याइली खोदेंशो दुम्‍ल। मेको आन कली बेक्‍तीक नु क्‍येक्‍क लेत्‍तीक दुम्‍ल।

२ कोरिन्‍थी 2:16

गो जाम्‍शा लाइब आन कली बेक्‍चा ङा रिना नु पाप रे ब्रोंइशा बाक्‍ब आन कली ब्रोंइचा ङा रिना बाक्‍नीकी। मोदेंशो लोव़ शेंचा कली सुम जिम्‍मा ब्रने चाप्‍नीमी? लूका २:३४; २कोरिन्‍थी ३:५

२ पत्रुस 3:16

मेको आ पर्बम आ चिठी नेल्‍लेमी लोव़ पाइब। पावल आ ब्रेक्‍शो लोव़ का निक्‍शी रुप्‍चा कली श्‍येत बाक्‍ब। मजोक्‍ब नु थमा मसुइक्‍ब मुरपुकीमी मेको दूली शेंनीम। परमप्रभु यावे आ ब्रेक्‍पाइश्‍शो अरु लोव़ यो दूली शेंनीम। मोपा आंमा जाम्‍शा लाइब दुम्‍नीम।