यसैया 28:1 - Sunuwar Bible

¹ आबी, गे एफ्राइम ङा दुक्‍शो ठेयब लेश्‍शो मुरपुकी, इन दारस फू खोदेंशो पा बेक्‍ब। मेकेर ब्रोव़शो जाइब नु दुक्‍शो मुर ला बाक्‍नीम। अङगुर शांबुम मेको आन कली नेक्‍शो बाक्‍ब।

यसैया 28:1 ပူးပေါင်းရင်းမြစ်များ

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

२ इतिहास 28:6

रेमाल्‍याह आ तौ पेकाहमी काबुमीन यहूदा ङा लाख का २० हजार मुर आन कली साइक्‍मी बाक्‍त। मेको नेल्‍ल बोल्‍यो लडाइ पाइब बाक्‍मा बाक्‍त। मारदे हना यहूदा ङा मुरपुकीम परमप्रभु यावे, आन किकी पिपी आन परमप्रभु कली प्रोंइशो बाक्‍मा बाक्‍त।

हितोपदेस 23:29

सु श्‍येत जाइबा? सु सुर्ता पाइबा? सुम राम्‍शी पोक्‍बा? सुम गाली पाइबा? सु बित्‍‍चीम गार दुम्‍बा? सु का आ मिक्‍च लल जिशो बाक्‍बा? हितोपदेस २०:१; यसैया ५६:१२

यसैया 28:7

चढ़ेब नु परमप्रभु यावे आ लोव़ पाइबपुकी यो अङगुर शांबुम दुक्‍नीम। राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। चढ़ेब नु परमप्रभु यावे आ लोव़ पाइबपुकी राक‍सीम दुक्‍शा गाक्‍नीम। अङगुर शांबुम दुक्‍तीके आन मिम्‍तीके ग्रांग्‍ये माग्‍ये दुम्‍त। मेकोपुकी राकसीम दुक्‍शा, दिङ दाङ गोल्‍चा चिक्‍शा गाक्‍शो बाक्‍नीम। मेकोपुकीम फश लोव़ ला पाइनीम। मतुइक्‍थु दूली निसाफ पाइनीम।

यसैया 5:11

आबी, गे राक‍सी तूचा कली सुनी कना बोक्‍बपुकी, नाक्‍दो सम्‍म शांबु तूना तून दुक्‍शा बाक्‍नीनी।

यसैया 5:22

गेपुकी शांबु तूचा कली बोल्‍यो दुम्‍खु पाइनीनी। राकसी ब्वाइक्‍स जोक्‍ब बाक्‍नीनी।

यसैया 8:4

मारदे हना मेको आलम आम आफ देंस जोक्‍चा क्‍येङा ङोंइती दमस्‍कस ङा शोंप नु सामरीया ङा रोइश्‍शो नेल्‍ले अस्‍सुर ङा पिपम लाइक्‍ब” देंत। यसैया ७:१८; २राजा १६:९

यसैया 9:11

मोपतीके परमप्रभु यावेमी मेको आन कली श्‍येत गेब पोक्‍ब। मिनु मेको आन जोरी सत्रु आन कली “गो लडाइ ग्रानीकी” दे मिम्‍पाइक्‍ब।

यसैया 9:8

परमप्रभुमी याकूब कली लोव़ का सोइश्‍शो बाक्‍त। मेको इस्राएल रागी कली दुम्‍त।

यसैया 9:9

मिनु मेको एफ्राइम नु सामरीयाम बाक्‍ब नेल्‍लेम तुइक्‍ताक्‍म।

होसे 4:11

माइत अङगुर शांबु नु नक अङगुर शांबुम मुर आन रुप्‍तीके कली साम्‍ब।

होसे 5:5

इस्राएली आन ठेयब लेत्‍तीकेमी मरिम्‍शो पाइब बाक्‍नीम, दे आन सांकछी बाक्‍ब। एफ्राइम ङा मुरपुकी आंम पाप पतीकेमी खतम दुम्‍नीम। यहूदा ङा मुरपुकी यो मेकोपुकी नु खतम दुम्‍नीम।

होसे 5:9

सजाइ ङा नाक्‍ती एफ्राइम गोरशो रागी खोदेंशो दुम्‍ब। मुल मार मार दुम्‍बा, मेको इस्राएली आन कली देंने थुम्‍ता।

होसे 6:10

गो इस्राएली आन खिंमी हिंचा ङा गेय का ताता। एफ्राइममी तेल्‍लेम पना पन नु इस्राएल ग्रांग्रा दित्‍चा ङा दुम्‍शो बाक्‍त। होसे ५:३

होसे 7:5

आंइ पिप आ भोजम आ सासन पाइब अङगुर शांबु तूशा दुक्‍नीम। मिनु पिपमी शुक्‍शी पाइबपुकी नु गुइ गारपाइक्‍ब।

लेवी 26:19

गो इन ठेयब लेश्‍शो खतम सेल्‍नुङ। मिनु गो इन सरीङ फलाम खोदेंशो नु इन रू तांबा खोदेंशो सेल्‍नुङ। ब्‍यवस्‍था ११:११:१७

आमोस 2:12

मिनु परमप्रभु यावेमी “तन्‍न गे मेको नाजिरी दुम्‍शो मुर आन कली अङगुर शांबु तूपाइक्‍तीनी। आं लोव़ पाइब आन कली ‘परमप्रभु यावे आ लोव़ मपने’ दे माइक्‍तीनी। आमोस ७:१३,१६; येरमीया ११:२१

आमोस 2:8

मेको आन देवता थानम जाकटी वोइश्‍शो वा तार बाक्‍शा, सजाइ आ पा ङा थाप्‍शो क्‍येटीम, अङगुर शांबु ग्‍याप्‍शा तूनीम। प्रस्‍थान २२:२५

आमोस 4:1

सामरीया ङा डांडाम बाक्‍ब, बाशान ङा बी खोदेंशो दोम्‍शो मीश मुर, गे प्रुङग आन कली दिप्‍नीनी। मारेइ मथीब आन कली फस पोक्‍नीनी। मिनु इन वोंइश आन कली “आंइ कली तूचा कली मार मार चाक्‍कीन” देंनीनी।

आमोस 6:1

मिनु “आबी, सियोन ङा ठेयब मुर, मेकोपुकीमी सामरीया ङा डांडामी ‘गो रिम्‍शो बाक्‍नीकी’ दे मिम्‍नीम। इस्राएल ङा मुरपुकीमी मेको आन कली थमा सुइश्‍शा, जाक्‍नीम।

आमोस 6:4

आबी, मेको हात्ती आ दारा के सेल्‍शो खाटमी इप्‍नीमी। आन इप्‍‍तीकेमी गोल्‍शा बाक्‍नीमी। मेकोपुकीम क्‍यारश भेडा आन पाठा नु गोठ ङा बाछा ब्‍वाइनीमी।

आमोस 6:6

मेकोपुकीम डाप्‍काम अङगुर शांबु तूनीमी। नेल्‍ल क्‍येङा रिम्‍शो तेल ख्रेक्‍सीनीमी। तन्‍न योसेफ आ खिं ङा मुरुम श्‍येत जामेनु, सुर्ता मपाइनीम।

आमोस 6:8

परमप्रभु यावेमी आ नेंमी कसम जशो बाक्‍ब। मिनु मुर नेल्‍ल आन परमप्रभु यावेमी “गो याकूब आ ठेयब लेश्‍शो तशा ग्रांग्रा दीनुङ। मेको आ बोल्‍यो दरवार आन कली काइ मदाक्‍नुङ। गो एको सहर नु आ मार मार नेल्‍ल आन जोरी सत्रु आन गुइमी गेनुङमी” देंशो बाक्‍ब।