यसैया 27:4 - Sunuwar Bible

⁴ गो मगाइक्‍नुङ। चू चोंक वाम हना, गो मेको आन कली लडाइ तोशो खोदेंशो पा, तुल्‍शा चोङमी वा।

यसैया 27:4 ပူးပေါင်းရင်းမြစ်များ

२ सामुएल 23:6

तन्‍न परमप्रभु यावे आ अरेशो मटीब फशेम बेरशो चू खोदेंशो बाक्‍नीम। सुइम मेको कली गुइम थीने मचाप्‍नीम।

२ सामुएल 23:7

सुम मेको कली ताइक्‍चा दाक्‍बा, मेकोमी फलाम नु कोक्‍के लाइश्‍शा गुप्‍नीम। मेको मीम हुम्‍शा, रीब पा दाक्‍चा पुंइसीनीम” देंत।

भजन संग्रह 103:9

मेकोमी गेना हना यो “गे दूली पाइतीनी” मदेंब। मिनु गेना हना यो मगाइक्‍ब। यसैया ५७:१६

भजन संग्रह 85:3

गे इन गाइक्‍चा नेल्‍ल साम्‍तीनी। मिनु चुरचा प्रोंइतीनी।

यसैया 10:17

मिनु इस्राएली आन छेङछेङ मी दुम्‍ब। मिनु आन का ला बाक्‍शो परमप्रभु नाप्‍पाइक्‍ब दुम्‍ब। मिनु मेकोमी आन चू नु चोंक काबुमी नेक्‍पाइक्‍ब। ब्‍यवस्‍था ४:२४

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 33:12

मिनु जात जात ङा मुर बुलु खोदेंशो पा ब्राइ‍नीम। मेकोपुकी क्‍योरशो चू मीम जेश्‍शो खोदेंशो पा जेत्‍चा पुंइसीनीम।

यसैया 9:18

परमप्रभु यावे आ अरेशो लोव़ मटीब मी खोदेंशो पा ब्राइब। मिनु मेकोमी चू नु चोंक नेल्‍ल नेक्‍ब। मिनु मेको ब्‍वाकीमी कोक्‍त बुद पा ब्राइब। आ कुन गोस्‍स खोदेंशो पा रोम्‍सीशा सरीङ गे लाइब।

येरमीया 29:11

मारदे हना गो इन पर्बम शुश मिम्‍शो बाक्‍नुङ। गो मेको मिम्‍शो तुइक्‍नुङ। आं मिम्‍शो इन कली रिम्‍शो दुम्‍चा कली बाक्‍ब। मरिम्‍शो दुम्‍पाइक्‍चा कली ममाइ।

इजीकीएल 16:63

मिनु गे इ ङोंइती पशो मिम्‍शा मुने दोक्‍नेवे। गो इ पशो गेय नेल्‍ल आन पर्बम माफ गेनन। मिनु गे इ मुने आ पर्बम गे ठेयब लेश्‍शो लोव़ पने मचाप्‍नेवे” दे परमप्रभु, परमप्रभु यावेमी देंत। इजीकीएल ३६:३१-३२

मलाकी 4:3

मिनु गेपुकीमी आं अरेशो लोव़ मटीब आन कली इन खोइलीमी दिम्‍नीनी। आं निसाफ पतीक नाक्‍ती मेको इन खोइलीम दिम्‍शा, पुलु खोदेंशो सेल्‍चा पुंइसीनीमी” दे मुर नेल्‍ल आन परमप्रभु यावेमी देंत।

मत्ती 3:12

आ गुइमी ग्‍योल बाक्‍ब। मेकोमी लाङगामी हाम्‍शो चेरब हुरशा, भूस नु गेडा तिल्‍ब। गेडा कोठोमी कुर पा वोइक्‍ब। भूस चहिं गेनायो मकाप्‍ब मीमी चोइब” दे माइक्‍मी बाक्‍त। मत्ती १३:३०

हिब्रू 6:8

माल्‍शो रेउ यिशा यो चू नु सुवा ला वात हना, मेको रू शोर गाक्‍शा, सराप राइब। मिनु मी सुइश्‍शा क्रोइक्‍चा पुंइसीब।

२ पत्रुस 2:9

परमप्रभु यावेमी चहिं आंम कली टीब मुर आन कली “दोपा थुं थाम्‍चा ङा श्‍येत रे ग्रुंइनुङा” दे तुइक्‍ब। मिनु ठीक मपाइब आन कली सजाइ गेचा कली निसाफ पची नाक्‍त सम्‍म वोइक्‍ब। १कोरिन्‍थी १०:१३