यसैया 27:12 - Sunuwar Bible

¹² मिनु मेको नाक्‍ती परमप्रभु यावेमी युफ्रेटीस खोला रे इजीप्‍त ङा ब्‍वाक्‍कु मबाक्‍शो खोला सम्‍म अन्‍न तुप्‍ब। गे इस्राएल ङा मुरपुकी का का पा खुप्‍चा पुंइसीनीनी।

यसैया 27:12 ပူးပေါင်းရင်းမြစ်များ

उत्पत्ती 15:18

मेको नाक्‍ती परमप्रभु यावेमी अब्राम नु कबल पशा “मेको रागी इ चच युइ आन कली गेनुङ। मेको इजीप्‍त ङा ठेयब खोला रे युफ्रेटीस सम्‍म बाक्‍ब। उत्‍पत्ती १२:७; १राजा ८:६५; १राजा ५:१

१ राजा 8:65

मिनु सोलोमन नु मेको नु बुक्‍शा बाक्‍शो इस्राएली लेबो-हमाथ रे इजीप्‍त ङा खोला सम्‍म ङा ठेयब हुल नेल्‍लेमी परमप्रभु यावे, इं परमप्रभु आ ङोंइती मेको नाक्‍त रे ७ नाक्‍त सम्‍म नु अर्को ७ नाक्‍त तेम्‍शा, नेल्‍ल पा १४ नाक्‍त सम्‍म चाड मानेमे बाक्‍त।

नेहेम्‍याह 1:9

तन्‍न ‘आं गे लेत्‍तीनी, आं शेंतीक लोव़ नेंशा टीतीनी हना, गो इन कली ङोन ङोन रागी मेर फ्राइतन्‍नी हना यो, खुप्‍नन्‍नी। इन कली खुप्‍शा, आं नें ठेयब सेल्‍चा कली आं योव़शो रागीमी चाक्‍नन्‍नी’ दे इन ङोंइती पशो लोव़ मिम्‍तीन। ब्‍यवस्‍था ३०:४-९

भजन संग्रह 68:22

मिनु परमप्रभुमी “गो मेको आन कली बाशान रे चाक्‍नुङमी। मेको आन कली समुन्‍द्र आगा रे ग्रुंइनुङमी।

भजन संग्रह 72:8

मेकोमी समुन्‍द्र का रे अर्को समुन्‍द्र सम्‍म नु ठेयब खोला रे रागी आ सुर सम्‍म सासन पवल। जकरिया ९:१०

यसैया 17:6

तेल रवा हिक्‍शा गेडा नेल्‍ल तोक्‍शा यो का निक्‍शी लीशो खोदेंशो पा, मेको आ ङल नु राशीमी का निक्‍शी ला लीनीम” दे परमप्रभु यावे, इस्राएली आन परमप्रभुमी देंत।

यसैया 49:5

मुल परमप्रभु यावेम आ गेय पाइब सेल्‍ती। मिनु गो याकूब कली आ गे लेप्‍पाइक्‍चा कली नु इस्राएल मेको आ नेक्‍था खुप्‍शा वोइक्‍चा कली मेकोमी आं कली आं ममा आ कोव़जीम सेल्‍ती। मारदे हना गो परमप्रभु यावे आ ङोंइती मान ताइब दुम्‍ती। आं परमप्रभु आं सक्ति दुम्‍त।

यसैया 56:8

मोदेंशो लोव़ पाइब परमप्रभु, परमप्रभु यावेमी खेरशो इस्राएली आन कली खुप्‍ब। मिनु “गो मेको आन कली अरु खुप्‍शो मुर नु देल्‍पाइक्‍नुङ। मेकोपुकी नु बाक्‍पाइक्‍चा कली तेम्‍नुङमी” देंत।

येरमीया 3:14

मिनु परमप्रभु यावेम मेको आन कली “लेतीन। थमा सुइक्‍ने मचाप्‍ब आलपुकी लेतीन। मारदे हना गो इन होव़प नङ। गो सहर रे मुर का कली नु खिं रे मुर निक्‍शी आस कली योव़नुङमी। मिनु इन कली सियोनम चाक्‍नन्‍नी। यसैया ६:१३

येरमीया 44:28

तरवार रे ब्रोंइशोपुकी इजीप्‍त रे यहूदा रागीमी का निक्‍शी ला लेत्‍चा ताइनीम। मिनु इजीप्‍तम बाक्‍ब यहूदा ङा मुर नेल्‍लेमी ‘आं देंशो थमा बाक्‍म देय मेको आन लोव़ थमा बाक्‍ब’ दे नोले तुइक्‍नीम” देंत।

इजीकीएल 20:34

गो इन कली सक्ति पाइश्‍शो गुइ दिंशा चुरशा इन ब्रशा बाक्‍शो रागी रागी ङा मुर आन दाते रे ग्रुंइशा चाक्‍नन्‍नी। मिनु गे इन ब्रशो रागी रे इन कली ग्रुम्‍पाइक्‍नन्‍नी।

इजीकीएल 20:41

गो इन कली रागी रागी ङा मुर आन दाते रे ग्रुंइशा नु इन कली इन ब्रशो रागी रे खुप्‍शा, ब्रोव़शो रिना पाइश्‍शो धूप खोदेंशो पा ब्राइ‍नन्‍नी। मिनु रागी रागी ङा मुर आन ङोंइती आं कली तुइक्‍पांइसीनुङ।

इजीकीएल 39:25

मोपतीके परमप्रभु, परमप्रभु यावेमी “गो याकूब आ खिं ङा मुर आन कली ङोंइती ङा खोदेंशो पा रिम्‍शो सेल्‍नुङ। मिनु इस्राएल आ खिं ङा मुर नेल्‍ल आन कली शिशी पाइक्‍नुङमी। गो आं का ला बाक्‍शो नें आ पर्बम रुश पाइ‍नुङ।

इजीकीएल 47:19

दक्‍खिन गे ङा सांद तामार रे मेरीबाथ-कादेश ङा ब्‍वाक्‍कु बाक्‍तीके सम्‍म दुम्‍चा माल्‍‍ब। मिनु मेकेर रे इजीप्‍त ङा खोल्‍सा रे ठेयब समुन्‍द्र सम्‍म जाक्‍दीप्‍ब। मेको दक्‍खिन ङा सांद बाक्‍ब। गन्‍ती २०:१३; गन्‍ती ३४:५

आमोस 9:9

परमप्रभु यावेमी “गो मार हुकुम पाइनुङमी देंशा हना, इस्राएल आ खिं ङा मुर आन कली जात नेल्‍ल ङा मुर आन दातेमी ग्‍योलोमी मार मार क्राप्‍शो खोदेंशो पा, क्राप्‍नुङमी। मिनु इम्‍चीली फुल्‍लु का यो खपीम मदोक्‍ब।

जकरिया 8:7

मुर नेल्‍ल आन परमप्रभु यावेमी मार देंत देंशा हना “गो आं मुर आन कली पूर्ब ङा रागी नु पच्‍छिम ङा रागी रे पा प्रोंइ‍नुङमी।

लूका 15:4

मिनु “मुर कामी सहे का भेडा थुल्‍शा, मेको आन कली योव़ङानु, भेडा का जाम्‍त हना, मार, मेकोमी लीशो ९९ भेडा आन कली प्रोंइशा, जाम्‍शो कली माल्‍थ मलाइबा ङा? मथिदा सम्‍म माल्‍ना माल्‍न गाक्‍ब। मत्ती १८:१२-१४; लूका १९:१०; इजीकीएल ३४:१२; यूहन्‍ना १०:११-१२

यूहन्‍ना 10:16

मेको गोठ ङा ला ममाइ, अरु गोठ ङा भेडा यो आं के बाक्‍नीमी। गो मेको आन कली यो चाक्‍चा माल्‍नुङ। मेकोपुकीमी आं सेंदा नेंशा, आं कली टीनीमी। मोपा गोठला का नु बगाल का दुम्‍ब। यूहन्‍ना ११:५२; प्रेरित १०:३४-३५

यूहन्‍ना 6:37

मिनु आं आफोमी आं कली गेशो मुरपुकी आं गे पीनीम। आं गे पीब आन कली गेनायो मतिल्‍नुङमी। मत्ती ११:२८

यहोसु 15:4

मेकेर रे अच्‍मोन लाक्‍शा इजीप्‍त ङा खोला रे समुन्‍द्र जाक्‍दीश्‍शा नुप्‍शो बाक्‍त। मेको रागी मेको आन के दक्‍खिन गे ङा सांद बाक्‍त।