यसैया 27:11 - Sunuwar Bible

¹¹ मिनु मेको आ राशी सोव़शा, जिक्‍नीम। मिनु मीश मुरपुकी जाक्‍शा, चोचा कली शी खुप्‍‍नीम। मारदे हना मेकोपुकी रुप्‍तीक मपाइश्‍शो थर ङा मुर बाक्‍नीम। मोपतीके मेको आन कली सेल्‍बमी मेको आन कली शिशी मपाइब। येरमीया ४:२२; ब्‍यवस्‍था ३२:१८

यसैया 27:11 ပူးပေါင်းရင်းမြစ်များ

भजन संग्रह 106:40

मोपतीके परमप्रभु यावे आ मुर नु गाइक्‍ता बाक्‍त। आ योव़शो मुर आन कली तशा ग्रांग्रा दिमाक्‍त।

यसैया 1:3

ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।

यसैया 18:5

अङगुर मीचा क्‍येङा ङोंइती फू बोइश्‍शा, गेडा सिप्‍ब, मिनु मीब। मेना मेकोमी अङगुर कली गुयेम मुंइ‍शा, आ बरशो राशी ख्रोइश्‍शा ताइक्‍ब।

यसैया 43:1

याकूब, इ कली नु इस्राएल कली सेल्‍ब परमप्रभु यावेमी “महिनीन। इन कली पाप रे प्रोंइता। गो इन नें थिशा ब्रेत्‍ती। गे आं मुर बाक्‍नीनी।

यसैया 43:7

आं नेंम ब्रेत्‍चा पुंइसीशो मुर नेल्‍ल चाक्‍कीन। गो मेको आन कली आं कली ठेयब सेल्‍चा कली वोइक्‍तामी। मेको आन कली सेल्‍ब गो नङ। येरमीया १४:९

यसैया 44:2

इ कली कोव़जीम सेल्‍शा, वारच पाइब परमप्रभु यावेमी ‘आं गेय पाइब याकूब महिनो। येशुरुन गो इ कली योव़ता। यशुरुन इस्राएल आ नें का बाक्‍ब। ब्‍यवस्‍था ३२:१५

यसैया 44:24

मिनु परमप्रभु यावे, इ कली श्‍येत रे प्रोंइब, इ कली कोव़जीम सेल्‍बमी “गो मारेइ मारेइ सेल्‍ब परमप्रभु यावे नङ। गो आं कामी सरीङ प्राक्‍ता। रागी वोइक्‍ता। यसैया ४५:१२

यसैया 5:13

मोपतीके आं मुर मारेइ मतुइक्‍थु आन रागी रे ग्‍याइश्‍शा लाइक्‍चा पुंइसीनीम। मेको आन ठेयब मुरपुकी शोव़लुम बेक्‍नीम। आन हुल शुश ब्‍वाक्‍कु तूतू दाक्‍नीम।

यसैया 9:17

मोपतीके परमप्रभु यावेम मेको आन वोंइश आल आन कली तशा, शिशी मपावो। मेको आन रोम रोइक्‍च नु वोंइश बेक्‍शो मीश मुर आन कली तशा यो शिशी मपावो। मारदे हना मेको नेल्‍ल परमप्रभु आ अरेशो मटीब दुम्‍‍शा, काइ मरिम्‍शो पाइब ला बाक्‍तेक्‍म। मिनु नेल्‍लेमी मरिम्‍शो लोव़ पाम्‍तेक्‍म। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

येरमीया 11:16

परमप्रभु यावेम इन कली रिम्‍शो फल सिप्‍ब दारशो गिगी तेल रवा, दे नें वोइक्‍तु। तन्‍न मेकोम ठेयब फश गिवार पपाइश्‍शा, मेको कली मी सुइक्‍ब। मिनु मेकोम आ राशी आन कली दाक्‍ब।

येरमीया 13:14

गो मुर आन कली जिपाइक्‍नुङमी। गो आम आफ नु आन तमी तौ आन दातेमी जिपाइक्‍नुङमी। गो मेको आन कली दाक्‍शा, शिशी पा साइक्‍तीक रे आं थुं मलेत्‍नुङ, दे परमप्रभु यावेम” देंत।

येरमीया 16:5

मारदे हना परमप्रभु यावेम “गे मुर बेक्‍शो खिंमी रोंका पथ नु रोंका पाइब आन कली लेम्‍थ मलावो। मारदे हना गो मेको जात ङा मुर रे थुं नाइक्‍तीक, गेना हना यो दाक्‍तीके नु शिशी पतीके लाइक्‍ने थुम्‍ता।

येरमीया 25:37

परमप्रभु यावे आ ठेयब पा गाइश्‍शोम मेको रिम्‍शो बस्‍तु योव़तीके खतम दुम्‍नीम।

येरमीया 4:22

आं मुर मूर्ख बाक्‍नीम। मेकोपुकीमी आं कली मतुइक्‍नीम। मेको निप्‍स मपाइश्‍शो आल बाक्‍नीम। मेको आन के रुप्‍तीक मबाक्‍ब। मेको मरिम्‍शो पचा कली जोक्‍ब बाक्‍नीम। तन्‍न रिम्‍शो पस मजोक्‍नीम। यसैया २७:११

येरमीया 8:7

सरीङम बेरब सारसम आ लची ना नु लेत्‍ची ना तुइक्‍ब। मिनु ढुकुर, बेल्‍लुम नु बोकुला आन लची ना नु लेत्‍ची ना तुइक्‍नीम। तन्‍न आं मुरपुकीमी आंम परमप्रभु यावे आ देंशो पतीक लोव़ मतुइक्‍नीम। यसैया १:३

इजीकीएल 19:12

तन्‍न मेको गाइश्‍शा चुरशा तुल्‍चा पुंइसाक्‍व। मिनु खपीम ताइक्‍चा पुंइसाक्‍व। मिनु पूर्ब ङा फशेम मेको कली सोव़पाइक्‍तु। मिनु मेको आ गेडा नेल्‍ल हेम्‍तेक्‍म। आ बोल्‍यो राशी सोव़शा, मेको कली मीम नेक्‍तु।

इजीकीएल 20:47

नेगेब ङा ब्‍वाकी कली ‘परमप्रभु यावे आ लोव़ नेनो। परमप्रभु, परमप्रभु यावेमी गो इ कली मी सुइक्‍चा चिक्‍शो बाक्‍नुङ। मिनु इ गिगी रवा नु सोव़शो रवा आन कली मेकोम नेक्‍ब। मेको आ ब्रशो मकाप्‍ब। मिनु मेकोम पतीके दक्‍खिन रे उत्तर सम्‍म ङा नेल्‍ल आन कुल किक्‍ब।

इजीकीएल 9:10

मोपतीके गो मेको आन कली शिशी मपथु सुइ आन कली ब्रोंइचा मगेनुङ। मेको आन पशो खोदेंशो पा सजाइ गेनुङमी” देंत। इजीकीएल ७:४

होसे 4:14

गो इन तमी आन तेल्‍लेम पशो नु इन चाइमी अरु आन वोंइश नु बाक्‍शो आ पर्बम सजाइ मगेनुङ। मारदे हना मेको वोंइश मुर यो सुइ मबाक्‍तीकेमी तेल्‍लेम नु लशा देवी देवता आन कली चढ़ेनीम। मोदेंशो मरुप्‍ब मुरपुकी जाम्‍शा लाइनीम। होसे १:२

होसे 4:6

आं मुर मारेइ मतुइक्‍तीके खतम दुम्‍नीम। मारदे हना गेपुकीमी तुइक्‍तीक कली ताइक्‍ताक्‍नी। मोपतीके गो यो इन कली आं कली चढ़ेब दुम्‍तीक रे ताइक्‍नन्‍नी। मारदे हना गेपुकीमी इन परमप्रभु, आं अरेशो लोव़ कली क्‍यारी मपनी। मोपतीके गो यो इन आल आन कली क्‍यारी मपाइनुङ।

मत्ती 13:15

मेको मुर आन थुं ग्‍याम्‍शो बाक्‍नीम। आन नोफा थांइशो बाक्‍नीम। आन मिक्‍च क्रिप्‍शो बाक्‍नीम। मोदेंशो मपशो नम हना, आन मिक्‍चीम ताम वा, नोफाम नेंनेम वा, थुंमी रुबेम वा, मिनु आं गे लेम्‍म वा, मिनु गो सापदुमी वा’ दे ब्रेक्‍शो बाक्‍त। यसैया ६:९-१०; यूहन्‍ना ९:३९

मत्ती 13:19

सुमी परमप्रभु यावे आ राज्‍य ङा लोव़ नेंशा मरुबा, मेको लांमी जुक्‍शो वांचेर खोदेंशो बाक्‍ब। सैतानमी आ रुप्‍शो क्‍याम्‍शा गेब।

मत्ती 3:10

तिम्‍चा, दे रवा आ पुंमी खा वोइश्‍शो बाक्‍ब। फल मसिप्‍ब रवा का का पा तिम्‍शा मीमी चोचा पुंइसीनीम, दे तुइक्‍तीन। लूका १३:६-९

यूहन्‍ना 15:6

सु चहिं आं आगामी मबाक्‍बा, मेको ख्रोइश्‍शा ताइश्‍शो राशी खोदेंशो पा सोव़ब। मिनु मुरपुकीमी मोदेंशो राशी कली खुप्‍शा मीम चोइनीम।

रोमी 1:28

आन थुंमी “परमप्रभु यावे कली तुइक्‍चा ममाल्‍ब” दे मिम्‍ताक्‍म। मोपतीके परमप्रभु यावेमी मेको आन कली आन मरिम्‍शो मिम्‍शो पचा गेशा, प्रोंइतु।

रोमी 1:31

बी ब्‍यफ खोदेंशो दुम्‍तेक्‍मे, देंशो लोव़ मखबेमे, अरु आन कली वारच मपामे, सुइ आन कली मदाक्‍तमे, शिशी यो मपामे।

ब्‍यवस्‍था 4:6

मोपतीके गेपुकीमी एको लोव़ होस पा, टिने। मेकोमी इन कली तुइक्‍ब नु रुप्‍ब मुर सेल्‍ब। मिनु जात जात ङा मुरपुकी मेको फुल्‍लुम मुशा ब्रेक्‍शो लोव़ नेल्‍ल नेंशा, मेकोपुकीमी ‘मेको ठेयब जात ङा मुर थमा पा तुइक्‍ब नु रुप्‍ब मुर बाक्‍नीम’ देंनीम। यसैया २:३

१ थिस्‍सलोनिकी 2:16

दोपा श्‍येत गेम्‍तेक्‍म देंशा हना, रागी रागी ङा मुर आन कली पाप रे ब्रोंइचा ताइनीम, दे आंइ कली लोव़ पचा मगेम। मोदेंशो पा यहूदीम आन पाप गेना हना यो तेम्‍ना तेम्‍न बाक्‍नीम। मोपतीके परमप्रभु यावेमी मेको आन कली चुरशा सजाइ गेब। मत्ती २१:३२-३३

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६