यसैया 26:7 - Sunuwar Bible

⁷ ठीक निसाफ पाइब आ लां ग्‍येत्‍थ बाक्‍ब। गे ठीक पाइब आ लां थेल्‍तीनी।

यसैया 26:7 ပူးပေါင်းရင်းမြစ်များ

१ इतिहास 29:17

आं परमप्रभु, गे मुर आन थुं नाक्‍शा कोव़नीनी, दे तुइक्‍नुङ। गे ब्रेम्‍शो थुं पाइश्‍शो मुर तशा ग्‍येरनीनी। गो आं ब्रेम्‍शो थुं दुम्‍तीकेमी ग्‍येरशा एको नेल्‍ल इन कली चढ़ेता। मुल गो एक बाक्‍शो इन मुर आन कली ताता। ग्‍येरशो थुंमी एको नेल्‍ल चढ़ेम्‍तेक्‍म। भजन संग्रह ७:१०

अय्‍युब 31:6

परमप्रभुमी आं कली ठीक नाक्‍तीकेमी नाक्‍तील। मिनु मेकोमी आं गेना हना यो रिम्‍शो पशो तुइक्‍ब।

भजन संग्रह 1:6

परमप्रभु यावेमी ठीक पाइब आन कली लां कोंइब। आ अरेशो मटीब आन लां चहिं जाम्‍शा लाइब।

भजन संग्रह 11:4

परमप्रभु यावे आ खिंमी बाक्‍ब। आ ठेयब नित्‍तीके स्‍वर्गम बाक्‍ब। मिनु उइ कोव़ना कोव़न मुर आन कली नाक्‍ब। हाबाकुक २:२०; यसैया ६६:१; भजन संग्रह ३३:१३-१४

भजन संग्रह 11:7

परमप्रभु यावे ठीक पाइब बाक्‍ब। मोपतीके ठीक पतीके दाक्‍ब। मिनु रिम्‍शो थुं पाइश्‍शो मुरपुकीमी आ कुल ताइनीम। मत्ती ५:८

भजन संग्रह 25:4

परमप्रभु यावे, आं कली इन लां कोंइदीनी। इन गाक्‍तीक लां शेंदीनी।

भजन संग्रह 25:5

इन थमा पतीकेम आं कली गाक्‍चा, शेंदीनी। मारदे हना गे आं कली श्‍येत रे प्रोंइब परमप्रभु बाक्‍नीनी। गो नाक्‍त रे इन लां कोव़शा, बाक्‍नुङ।

भजन संग्रह 27:11

परमप्रभु यावे, आं कली इन लां शेंदीनी। मिनु आं जोरी सत्रु आन पर्बमी आं कली ठीक लां कोंइदीनी। भजन संग्रह ८६:११; भजन संग्रह १३९:२४

भजन संग्रह 5:9

आं जोरी सत्रुमी जोल ला पाइनीम। आन थुंमी “दोपा खतम सेल्‍नुङा” दे ला मिम्‍नीम। आन लकचा मुर थिम्‍तीके खोदेंशो बाक्‍ब। मेकोपुकी मिलो शिलो पाइब बाक्‍नीम। रोमी ३:१३

हितोपदेस 11:5

दोस मताइब आन ठीक पतीकेमी मेको आन लां थेल्‍ब। तन्‍न परमप्रभु यावे आ अरेशो मटीब आन मटितीकेमी खतम दुम्‍नीम।

हितोपदेस 20:7

ठीक पाइब मुर गेना हना यो रिम्‍शो पाइब बाक्‍ब। मेको आ आलपुकी ग्‍येरसीशो बाक्‍नीम। भजन संग्रह ११२:१२

हितोपदेस 21:8

दोस ताइब मुर आन लां हिरशो बाक्‍ब। दोस मताइब मुर आन पतीक चहिं ठीक बाक्‍ब।

हितोपदेस 3:6

इ पतीक नेल्‍लेमी “परमप्रभु यावेमी मार दाक्‍बा” दे मिम्‍तो। मो पाप्‍तीवी हना, परमप्रभु यावेमी इ कली ठीक लां कोंइब।

हितोपदेस 4:18

तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०

यसैया 30:18

मुल सम्‍म परमप्रभु यावेमी इन कली शिशी पचा कली रिम्‍ब। इन कली आ दाक्‍तीके कोंइचा कली बोक्‍ब। मारदे हना परमप्रभु यावे ठीक निसाफ पाइब परमप्रभु बाक्‍ब। सु सुम मेको कली रिम्‍नीमी, मेको ग्‍येरसीशो बाक्‍नीम।

यसैया 35:8

मेकेर ठेयब लां का दुम्‍ब। मेको लां कली “परमप्रभु यावे आ लां बाक्‍ब” दे नें वोइक्‍नीम। ग्रांग्रा दिशो मुर मेको लां लचा मताइनीम। परमप्रभु आ मुर ला मेको लां लचा ताइनीम। सु सु मेको लां लाइनीमी, मेकोपुकी मूर्ख बाक्‍तेक्‍म हना यो, मजाम्‍नीम। यसैया ५६:३-८; येरमीया ३१:८

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

यसैया 52:12

मारदे हना गे रीब पा लचा ममाल्‍नीनी। प्रोक्‍शा लचा यो ममाल्‍नीनी। मारदे हना परमप्रभु यावे इन ङोंइती गाक्‍ब। मिनु मेको इस्राएली आन परमप्रभुमी इन कली लां कोंइशा खुल्‍ब। प्रस्‍थान १२:११; ब्‍यवस्‍था १६:३; प्रस्‍थान १३:२१

यसैया 57:2

मेकोपुकी थुं नाइश्‍शा बाक्‍तीकेम लाइनीम। रिम्‍शो थुं पाइश्‍शो मुर आंम आन बाक्‍तीकेम नाइश्‍शा बाक्‍नीम। २राजा २२:२०; दानीएल १२:१३

येरमीया 10:23

परमप्रभु यावे, मुर आन ब्रोंइतीक आंम आन गुइम मबाक्‍ब, गो मेको तुइक्‍नुङ। बेक्‍शा लाइब मुरपुकीम आंम लां आंमा सेल्‍ने मचाप्‍नीम। हितोपदेस १६:९

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

सेफन्‍याह 3:5

मेको आन दा‍तेम बाक्‍ब परमप्रभु यावे ठीक पाइब बाक्‍ब। मेकोमी मारेइ मरिम्‍शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्‍न ठीक मपाइबपुकी मुने दोक्‍शा लल मजिनीम।

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

एफिसी 2:10

गोपुकी परमप्रभु यावे रे ख्रीस्‍त येसु आ पतीकेमी सेल्‍शो बाक्‍नय। परमप्रभु यावेमी इं कली रिम्‍शो गेय वोइश्‍शो बाक्‍त। मेको पचा माल्‍नय। तीतस २:१४

१ यूहन्‍ना 3:10

मिनु तेको मुर परमप्रभु यावे आ आल बाक्‍नीमी नु तेको मुर सैतान आ आल बाक्‍नीमी, दे तुंइ‍सीब। दोपा तुंइ‍सीब देंशा हना, सु सु ठीक गेय मपाइनीमी नु आ लोक्‍ब आन कली मदाक्‍नीमी, मेको परमप्रभु यावे आ आल मनमी। मेको सैतान आ आल बाक्‍नीम। यूहन्‍ना ५:१८

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९