यसैया 26:6 - Sunuwar Bible

⁶ मुरपुकीम मेको कली दिम्‍नीम। प्रुङग मुरपुकीमी मेको कली दिम्‍नीम। क्‍येट मथीबम यो मेको कली दिम्‍नीम।

यसैया 26:6 ပူးပေါင်းရင်းမြစ်များ

२ राजा 9:33

मिनु येहूमी “मेको कली झेल रे ताइक्‍तीन” देंमाक्‍त। मिनु मेकोपुकीम इजेबेल कली उइ ताइक्‍तमे बाक्‍त। मिनु मेको आ हुश प्रेक्‍शा कोइ गारोमी नु कोइ शारा आन कली जुक्‍तमे बाक्‍त।

यसैया 11:4

ठीक पतीकेमी प्रुङग आन कली निसाफ पाइब। रागी ङा आइक्‍च नु ठेयब मुर नेल्‍ल आन कली उइक्‍थ पा निसाफ पाइब। मिनु रागी ङा मुर आन कली आ लोव़मी तुप्‍ब। परमप्रभु यावे आ अरेशो लोव़ मटीब आन कली मुइश्‍शा साइक्‍ब। २थिस्‍सलोनिकी २:८

यसैया 25:10

मारदे हना परमप्रभु यावे आ गुइ मेको डांडा तार बाक्‍ब। मिनु मोआब रागी ङा मुर आन बाक्‍तीके दिम्‍चा पुंइसीनीम। मेको नेल्‍ल मोव़ल वोइक्‍तीके खोदेंशो पा दिम्‍चा पुंइसीनीम।

यसैया 28:3

एफ्राइम ङा दुक्‍शो मुर आन दारशो माला कली दिम्‍शा ताइश्‍शा पाइ‍नीम।

यसैया 29:19

मिनु ब्रेम्‍शो मुर परमप्रभु यावे कली मिम्‍शा ग्‍येरसीनीम। मिनु क्‍येट मथीबपुकी इस्राएली आन परमप्रभु यावे कली मिम्‍शा थाम्‍पा ग्‍येरसीनीम।

यसैया 3:14

मिनु परमप्रभु यावेमी आ मुर आन दाते ङा खाल्‍पापुकी नु हुकुम पाइब आन कली निसाफ पाइब। मेकोमी “गे अङगुर रू नेल्‍ल आंम के सेल्‍तीनी। प्रुङग आन के रोइश्‍शो मार मार इन खिंम बाक्‍नीम। यसैया ५:७

यसैया 3:15

दोपा गेपुकीमी आं मुर आन कली मो पने चाप्‍‍नी? प्रुङग आन कली चिनु प्रुङग सेल्‍तीनी” दे परमप्रभु, मुर नेल्‍ल आन परमप्रभु यावेमी देंत।

यसैया 37:25

गो इनार दोशा ब्‍वाक्‍कु तूता। आ खोइलीमी इजीप्‍त ङा ठेयब खोला नेल्‍ल सोव़पाइक्‍ता, दे शुक्‍शी पपाइक्‍तीवी।

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

येरमीया 50:45

मोपतीके परमप्रभु यावेम बेबीलोन आ पर्बम पचा चिक्‍शो गेय नु कल्‍दी रागी ङा मुर आन पर्बम मिम्‍शो दोदेंशो बाक्‍बा, मेको नेनीन। थमा पा लाइक्‍चा पुंइसीनीम। बेबीलोन ङा प्रुङग मुर आन कली यो कीशा लाइक्‍चा पुंइसीनीम। मेको आन बाक्‍तीक मेको तशा हिंब।

दानीएल 7:27

मिनु राज्‍य, सासन पतीक अधिकार नु राज्‍य नेल्‍ल आन ठेयब दुम्‍तीके नेल्‍ल क्‍येङा ठेयब आ मुर आन कली गेचा पुंइसीनीम। मेको आन राज्‍य गेना हना यो लीब राज्‍य दुम्‍ब। मिनु सक्ति पाइश्‍शो नेल्‍लेमी मेको आ गेय पा, मेको कली टीनीम” देंत।

सेफन्‍याह 3:11

मेको नाक्‍त आं कली मटिशो आ पर्बम गे मुने दोक्‍चा ममाल्‍नीनी। मेना इ दाते ङा ठेयब लेश्‍शो मुर आन कली ग्रुंइनुङमी। आं डांडामी गे लेंशा ठेयब लेश्‍शो मदुम्‍‍नेवे।

मलाकी 4:3

मिनु गेपुकीमी आं अरेशो लोव़ मटीब आन कली इन खोइलीमी दिम्‍नीनी। आं निसाफ पतीक नाक्‍ती मेको इन खोइलीम दिम्‍शा, पुलु खोदेंशो सेल्‍चा पुंइसीनीमी” दे मुर नेल्‍ल आन परमप्रभु यावेमी देंत।

लूका 10:19

गे बुस्‍स नु बिच्‍छी दिम्‍ताक्‍नी हना यो, इन कली मकोक्‍नीम। मारेइ पने मचाप्‍नीम। मोदेंशो पा सैतानमी इन कली मारेइ पने मचाप्‍ब। सुइमी यो इन कली मारेइ पने मचाप्‍ब। भजन संग्रह ९१:१३; मर्कूस १६:१८

रोमी 16:20

थुं नाइक्‍चा गेब परमप्रभु यावेमी रीब पा सैतान कली इन खोइल आगाम वोइक्‍ब। इं प्रभु येसु ख्रीस्‍तमी इन कली शिशी पवल।

१ कोरिन्‍थी 1:26

आं लोक्‍बपुकी, परमप्रभु यावेमी इन कली मारदे योव़ङा? इन पढेशो तशा देय, इन जोक्‍शो तुइश्‍शो तशा? गे शुश सक्ति पाइश्‍शो यो मननी। ठेयब खिं ङा मुर यो मबाक्‍नी। लो, मेको मिम्‍तीन। यूहन्‍ना ७:४८; याकूब २:१-५

याकूब 2:5

आं लोक्‍बपुकी, नेनीन, परमप्रभु यावेमी रागी ङा प्रुङग आन कली शुश थमा सुदमेक्‍ल, दे मयोव़ङा ङा? मिनु परमप्रभु यावे कली दाक्‍ब नेल्‍ल आ राज्‍य ओव़चा ताइनीम मदेंम ङा? १कोरिन्‍थी १:२६; १कोरिन्‍थी ११:२२; लूका १२:२१

यहोसु 10:24

मिनु मेको आन कली यहोसु आ बाक्‍तीक चाक्‍ग्‍मे नोले, यहोसुमी इस्राएली नेल्‍ल आन कली खुप्‍शा, लडाइ पाइब आन ठेयब मुर आन कली “एको पिप आन शुरमी इन खोइलीमी दिम्‍दीन” देंत। मिनु मेकोपुकीमी जाक्‍शा, आन खोइलीमी मेको पिप आन शुर दिम्‍ताक्‍म।

प्रकाश 2:26

सु सुमी सैतान कली ग्रानीमी, मेकोमी बेक्‍ची ना सम्‍म आं गेय पाइनीमी, गो मेको आन कली रागी रागी ङा मुर आन कली सासन पतीके सक्ति गेनुङ।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४