यसैया 26:10 - Sunuwar Bible

¹⁰ परमप्रभु यावे आ अरेशो लोव़ मटीब मुरपुकीमी शिशी ताम्‍तेक्‍म हना यो, ठीक पतीके मशेंसीनीम। मेकोपुकीम ठीक पाइब आन रागीमी दूली पाइनीम। मिनु परमप्रभु यावे कली मान मपाइनीम।

यसैया 26:10 ပူးပေါင်းရင်းမြစ်များ

२ राजा 13:6

तन्‍न मेकोपुकीमी इस्राएली आन कली पाप पपाइक्‍ब येरोबाम आ पाप पतीके मप्रोंइथु, पना पन बाक्‍मा बाक्‍त। मिनु मूर्ति पाइश्‍शो थाम यो सामरीयाम बाक्‍स ङा बाक्‍स दुम्‍माक्‍त। १राजा १६:३३

भजन संग्रह 106:43

मिनु परमप्रभुमी मेको आन कली शुश खेयप प्रोंइमी बाक्‍त। तन्‍न मेकोपुकीमी गेनायो परमप्रभु कली मटीमे बाक्‍त। मेको आन मरिम्‍शो पतीकेमी खतम दुम्‍मा बाक्‍त।

भजन संग्रह 143:10

आं कली इन दाक्‍शो पचा कली शेंदीनी। मारदे हना गे आं परमप्रभु बाक्‍नीनी। इन रिम्‍शो सोक्‍तीम आं कली ठीक लांम गाक्‍‍पाइय्‍यीनी।

भजन संग्रह 69:27

मेको आन ठीक मपतीकेम ठीक मपतीक तेम्‍दीन। मेकोपुकीम इन पाप रे प्रोंइतीके मतामेक्‍ल।

प्रस्‍थान 8:15

इजीप्‍त रागी ङा फाराओ चहिं मेको क्रुक्‍क्रु रे ब्रोंइशो तशा, आ थुं ङोंइती ङा खोदेंशो पा काइ मटीब दुम्‍माक्‍त। मिनु मोसा नु हारूनम देंशो लोव़ मपव। ङोंइती परमप्रभु यावेमी मो देंशो बाक्‍माक्‍त। प्रस्‍थान ४:२१

प्रस्‍थान 9:30

तन्‍न गे नु इन दरवार ङा गेय पाइबपुकी मुल सम्‍म परमप्रभु, परमप्रभु यावे कली महिंशो बाक्‍नीनी, दे तुइक्‍ताक्‍ङ” दे फाराओ कली देंत।

प्रस्‍थान 9:34

मिनु फाराओ नु आ गेय पाइबपुकीमी रेउ, मुप्‍स यिचा नु बुंबु पचा नाइश्‍शो तशा, लेंशा पाप पाम्‍तेक्‍म। मोपा मटीम।

हितोपदेस 1:32

मारदे हना मारेइ मजोक्‍ब आन मटितीके साइक्‍चा पुंइसीनीम। मूर्ख आन मारेइ ममिम्‍तीके खतम दुम्‍नीम।

उपदेसक 3:16

मिनु गो रागीम अर्को का यो ताता। मार ताता देंशा हना, ठीक निसाफ पतीक आ पा ङा काइ मरिम्‍शो पतीक बाक्‍बाक्‍त। ठीक पतीक आ पा ङा जोल पतीक बाक्‍बाक्‍त।

उपदेसक 8:11

मुरुमी मरिम्‍शो पाप्‍तु हना, रीब पा सजाइ मताप्‍तु हना, मेकोमी मरिम्‍शो पना पन बाक्‍ब। अय्‍युब ३५:१५-१६; मलाकी ३:१४-१५

यसैया 1:21

परमप्रभु यावेमी “आं थमा सुइश्‍शो सहर दोपा तेल्‍लेम दु‍म्‍मे? ठीक निसाफ नु ठीक पतीके मेको नु बाक्‍त। मुल मेको मुर साइक्‍ब मुरुम ब्रीतेक्‍म।

यसैया 2:10

परमप्रभु यावे आ हिंच कोंइतीक नु आ छेङछेङ रे पुक्‍खी आगाम ख्रुंइसीन। फुरक आगाम ख्रुंइ‍सीन।

यसैया 24:5

रागीम बाक्‍ब मुरपुकीमी रागी कली खतम सेल्‍नीम। मारदे हना मेकोपुकीमी परमप्रभु यावे आ अरेशो मटीम। परमप्रभु आ फुल्‍लुम मुशा ब्रेक्‍शो लोव़ कली ममिम्‍तेम। आ गेना हना यो लीब कबल पशो मखबेम।

यसैया 27:13

मेको नाक्‍ती ठेयब तुराही का ग्रीब। मिनु अस्‍सुर रागीम जाम्‍शो नु इजीप्‍त रागीम खेदा पचा पुंइसीशो मुरपुकी जाक्‍नीम। मिनु यरूसलेम ङा परमप्रभु यावे आ डांडामी आ कली ठेयब सेल्‍नीम। यसैया ११:११-१२; योएल ३:५

यसैया 32:6

मारदे हना मूर्ख मुर मूर्ख लोव़ ला पाइनीम। मेको आन थुंमी मरिम्‍शो पचा ला मिम्‍शा बाक्‍नीम। परमप्रभु यावे कली मटीनीम। मेको आ पर्बम दूली शेंनीम। शोव़लु बेक्‍ब आन थुं श्‍येत्‍थ लीपाइक्‍नीम। मिनु तूतू दाक्‍ब आन कली तूचा मगेनीम।

यसैया 32:7

मोदेंशो मरिम्‍शो पाइब आन गेय मरिम्‍शो बाक्‍ब। परमप्रभु यावे आ अरेशो मटीबम “दोपा आं दाक्‍शो पने चाप्‍नुङा?” दे प्रुङग आन कली जोल पा नु मारेइ मथीबम ठीक लोव़ पाम्‍तेक्‍म हना यो, मेको आन कली खतम सेल्‍नीम।

यसैया 5:12

बीना, तार पाइश्‍शो ठेयब ताप्‍तीके, खैजडी नु बांसुरी नेंशा, शांबु दुक्‍नीनी। तन्‍न परमप्रभु यावे आ पशो प्रेंशा ममिम्‍नीनी। आ गुइ ङा गेय मताइनीनी। आमोस ६:५-६; भजन संग्रह ४४:२

येरमीया 2:7

गो इन कली रिम्‍शो रागीम चाक्‍तन्‍नी। मेकेर ङा फल नु रिम्‍शो थोव़क जपाइक्‍चा कली चाक्‍तन्‍नी। तन्‍न गेपुकी जाक्‍शा, आं रागी मरिम्‍शो सेल्‍तीनी। आं रागी कली ग्रांग्रा दिशो सेल्‍तीनी। ब्‍यवस्‍था १:२५; न्‍यायाधीस २:१-२

येरमीया 31:23

मुर नेल्‍ल आन परमप्रभु यावे, इस्राएली आन परमप्रभुमी “गो मेको आन शोंप लेश्‍शा गेता हना, मेकोपुकीमी लेंशा यहूदा रागी नु मेको आ सहरपुकीम ‘गे ठीक पाइब नु परमप्रभु यावे आ डांडा, परमप्रभु यावेमी इ कली आसीक गेवल’ देंनीम। जकरिया ८:३

होसे 11:7

आं मुरपुकी गेना हना यो, आं क्‍येङा ङोन लाइनीम। मोपतीके मेकोपुकीमी जुवा कुरशो खोदेंशो पा श्‍येत जचा माल्‍नीम। मिनु सुइमी मेको आन कली आन श्‍येत रे मप्रोंइब।

होसे 13:6

गो मेको आन कली रूपाइक्‍ता। मिनु मेकोपुकी ठेयब लेश्‍शा, आं कली प्रेंताक्‍म। ब्‍यवस्‍था ३२:१५

होसे 9:3

मेकोपुकी परमप्रभु यावे आ रागीमी बाक्‍चा मताइनीम। एफ्राइम इजीप्‍त रागीमी लेश्‍शा लाइब। मिनु मेकोपुकीमी अस्‍सुरमी ग्रांग्रा दिचा ङा थोव़की जाइनीम। होसे ८:१३

मीका 2:10

बोक्‍शा लने। मारदे हना एकेर इन नाइक्‍तीक ममाइ। मारदे हना एको ग्रांग्रा दितीकेमी मुर आन कली मरिम्‍शो सेल्‍ब। मेको मारेइ पने मचाप्‍चा ङा पा खतम सेल्‍शो बाक्‍ब।

मत्ती 4:5

मिनु नोले सैतानमी येसु कली यरूसलेम सहर लाइश्‍शा, परमप्रभु यावे आ खिं ङा नेल्‍ल क्‍येङा तारी लदा बाक्‍त।

ब्‍यवस्‍था 32:15

मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब। ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५

प्रकाश 2:21

गोमी मेको कली ‘इ थुं आं गे लेत्‍तो। इ तेल्‍लेम पचा ताइक्‍तो’ दे रिम्‍ताक्‍ङ। मेकोमी आ थुं गो आं गे लेत्‍चा नु आ तेल्‍लेम पचा ताइक्‍ने मबीस।

१ सामुएल 15:17

मिनु सामुएलमी “ङोंइती गे आंमा कली आंमान शोर गाक्‍शो मुर मिम्‍शो ननी। तन्‍न मुल गे इस्राएली आन पिप बाक्‍नीनी। परमप्रभु यावेमी इन कली तेल लुक्‍शा इस्राएल ङा पिप सेल्‍तु। १सामुएल ९:२१