यसैया 26:1 - Sunuwar Bible

¹ मेको नाक्‍ती यहूदा रागी ङा मुरपुकीम मार कुम्‍सो पाइनीम देंशा हना “आंइ सहर बोल्‍यो बाक्‍ब। परमप्रभुमी आंइ कली ग्राचा गेब। लडाइ पाइब आन कली ओव़ने मचाप्‍तीके गारो हिरब।

यसैया 26:1 ပူးပေါင်းရင်းမြစ်များ

एज्रा 3:11

मिनु मेकोपुकीमी पालो पालो पा कुम्‍सो पाम्‍तेक्‍म। परमप्रभु यावे कली ठेयब सेल्‍ना सेल्‍न “गे रिम्‍शो पाइब बाक्‍नीनी” दे मान पा कुम्‍सो पाम्‍तेक्‍म। मेकोपुकीमी “परमप्रभु यावे रिम्‍शो पाइब बाक्‍ब, नु आ गेना हना यो दाक्‍तीक इस्राएली नु ली‍ब” दे कुम्‍सो पाम्‍तेक्‍म। परमप्रभु यावे आ खिं ङा जग वोइश्‍शो बाक्‍तीके मुर नेल्‍लेमी ठेयब सेंदा पा परमप्रभु यावे कली ठेयब सेल्‍तेक्‍म। २इतिहास ५:१३; भजन संग्रह ११८:१

भजन संग्रह 31:21

परमप्रभु यावे ठेयब बाक्‍ब। आं कली बोल्‍यो सहरम पुम्‍शो खोदेंशो पा आ छक लाक्‍चा ङा दाक्‍तीके कोंइताक्‍यी।

भजन संग्रह 48:12

सियोन आ एर ओंथ हिरशा, मेकेर ङा लाइश्‍शो खिं हिक्‍कीन।

भजन संग्रह 48:4

पिप नेल्‍ले ग्रुम्‍शा, हुल हुल पा लडाइ पचा कली आ ङोंइती बारतेक्‍म। २राजा १८:१७-१८; मलाकी १:११

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 14:31

सहर ङा ठेयब लाप्‍चोपुकी, ङाक्‍कीन। सहर नु पलिस्‍ती नेल्‍ल हिंशा ख्रिंख्रि पने। मारदे हना उत्तर रे कुन कु‍शा, ठेयब हुल, नेल्‍ल काथा जाक्‍नीम।

यसैया 2:11

मुर नेल्‍ल आन ठेयब लेश्‍शो आइक्‍च सेल्‍चा पुंइसीनीम। बोरशो मुर नेल्‍ल ब्रेम्‍शो सेल्‍चा पुंइसीनीम। मेको नाक्‍ती परमप्रभु यावे ला ठेयब दुम्‍ब। यसैया २:११

यसैया 2:20

मेको नाक्‍ती मुरपुकीम आन पूजा पचा कली सुन चांदी के सेल्‍शो मूर्ति थाक्‍यु नु पकातिक्‍ती आन ङोंइती ताइक्‍नीम। यसैया ३१:७

यसैया 25:9

मिनु मेको नाक्‍ती मुरपुकीमी “कोव़ङीन, मेको आंइ परमप्रभु बाक्‍ब। गो मेको आ लां कोव़तक। मिनु मेकोम आंइ कली श्‍येत रे प्रोंइतु। मेको आंइ रिम्‍शा बाक्‍शो परमप्रभु यावे बाक्‍ब। गोपुकी आ प्रोंइशो तशा ग्‍येरसाक्‍क। भजन संग्रह ४८:१५

यसैया 31:5

दोपा चिक्‍बपुकीमी आन चाइक्‍ब आन तार फिल फिल पा कोव़थ बेरनीमी, मोपा मुर नेल्‍ल आन परमप्रभु यावेमी यरूसलेम कली कोव़ब। मेको कली कोव़शा, प्रोंइशा, आ नेक्‍था बाक्‍शा खाल पाइ‍ब। मत्ती २३:३७

यसैया 31:9

अस्‍सुर ङा पिप, सेरथे फुल्‍लु खोदेंशो बोल्‍यो बाक्‍त हना यो, हिंशा प्रोक्‍ब। आ कप्‍तान आन छेदर प्रोंइशा प्रोक्‍नीम। परमप्रभु यावेमी आं चुप्‍लु सियोनम नु आं मी यरूसलेमम बाक्‍ब” देंत। ब्‍यवस्‍था ३२:३१

यसैया 33:5

परमप्रभु यावे मान ताइब बाक्‍ब। मेको इर, आ बाक्‍तीकेमी बाक्‍ब। मेकोमी सियोन ङा मुर आन कली ठीक निसाफ नु ठीक पतीके पपाइक्‍ब।

यसैया 33:6

मिनु सियोन इ नाक्‍ती नेल्‍ल रिम्‍शो दुम्‍ब। मेना शुश पाप रे प्रोंइतीके, तुइक्‍तीके नु जोक्‍तीक गे नु बाक्‍‍ब। सियोन ङा मुर आन शोंप परमप्रभु यावे कली मान पा हिंचा बाक्‍ब।

यसैया 4:2

मेको नाक्‍ती परमप्रभु यावे आ राशी दारशो नु थम रिम्‍शो बाक्‍ब। मिनु रागी आ दारसम ब्रोंइशा लीशो इस्राएली आन कली आन थुं बारपाइश्‍शा, ग्‍येरपाइक्‍ब दुम्‍ब। येरमीया ३३:१५

यसैया 5:1

गो आं दाक्‍शो कली कुम्‍सो का पाइनुङ। आ अङगुर रू आ पर्बम कुम्‍सो का पाइनुङ। आ दाक्‍शो के अङगुर रू का बाक्‍ब। आ अङगुर रू शुश ग्रेल्‍ब डांडाम बाक्‍ब। यसैया ३:१४; येरमीया २:२१; मर्कूस १२:१-९

यसैया 56:5

गो मेको आन कली आं खिंमी नु आ गारोमी मिम्‍तीके नु ठेयब नें गेनुङमी। आं तमी तौ आन क्‍येङा मेको आन कली रिम्‍शो नें गेनुङमी। मेको आन कली गेना हना यो लीब नें गेनुङमी। मेको आन नें मख्रोंइसीब दुम्‍ब।

यसैया 60:18

मो दुम नोले इ रागीमी हुश ख्राक्‍श पोक्‍शो आ पर्बम मनेंसीब। इ सांदम खतम दुम्‍शो लोव़ मनेंसीब। तन्‍न गे इ गारो कली पाप रे प्रोंइतीके नें वोइक्‍नेवे। गारो ङा ठेयब लाप्‍चो आन कली ठेयब सेल्‍तीक नें वोइक्‍नेवे।

यसैया 62:10

ओव़ङीन, ठेयब लाप्‍चो रे ओव़ङीन। मिनु मुर आन गाक्‍तीके लां थेल्‍शा, सेलीन। ठेयब लां रे फुल्‍लु याक्‍तीन। जात जात ङा मुर आन कली चिन्‍ड वोतीन। यसैया ५७:१४

यसैया 62:11

परमप्रभु यावेमी रागी आ सुर सम्‍म ङा मुर नेल्‍ल आन कली “सियोन आ तमी कली ‘इ कली पाप रे प्रोंइब जाक्‍ना जाक्‍न बाक्‍ब। इ कली गेतीक इनाम मेको नु बाक्‍ब। मेको इ ततीक इनाम आ ङोंइती गाक्‍ब’ देंशो बाक्‍ब। जकरिया ९:९; यसैया ४०:९-१०

येरमीया 33:11

थुं नाइश्‍शा बाक्‍तीक, ग्‍येरशो सेंदा, ग्‍युम्‍ली ग्‍युम्‍ले आन सेंदा, कुम्‍सो पशो सेंदा नु परमप्रभु यावे आ खिंम, गे रिम्‍शो पाइब बाक्‍नीनी’ देंशा सेंदा लेंशा नेंसीब। मुर नेल्‍ल आन परमप्रभु यावे कली ‘परमप्रभु यावे, गे शिशी पाइब बाक्‍नीनी’ देनीन। मारदे हना मेको रिम्‍शो पाइब बाक्‍ब। मेको आ दाक्‍तीक गेना हना यो बाक्‍ब। गो रागी ङा मुर आन कली ङोंइती ङा खोदेंशो पा थुं नाइक्‍चा गेनुङ” दे परमप्रभु यावेम देंत। येरमीया ७:३४; एज्रा ३:११; बजन संग्रह १०६:१

इजीकीएल 40:5

मिनु गो मेकेर परमप्रभु यावे आ खिं आ एर ओंथ नेल्‍ल हिरशो गारो का ताता। मिनु मेको मुर आ गुइम बाक्‍शो पुक्‍तीक कोक्‍के ६ ठेयब कुबीत लाइश्‍शो बाक्‍त। मिनु मेकोम गारो पुक्‍गानु, ३ कुबीत ग्‍येत्‍थ नु ६ कुबीत थांइशो बाक्‍त। ठेयब कुबीत ०.५ मिटर बाक्‍ब। १राजा ६:-

जकरिया 2:5

मिनु गो मेको आ एर ओंथ मी के गारो दुम्‍नुङ। मिनु गो मेको आ आगा ङा छेङछेङ दुम्‍नुङ’ दे परमप्रभु यावेमी देंत, देनो” देंत। जकरिया ९:८

जकरिया 2:9

मुल नेनीन, गो आं गुइ मेको आन पर्बम क्‍युक्‍‍नुङ। मिनु मेको आन वाइलमी मेको आन कली रोइक्‍नी‍म। मिनु गेपुकीमी मुर नेल्‍ल आन परमप्रभु यावेमी आं कली सोइश्‍‍शो बाक्‍ब, दे तुइक्‍नी‍नी। ब्‍यवस्‍था ३२:१०

गन्‍ती 21:17

मिनु नोले इस्राएलीपुकीम एको कुम्‍सो पाम्‍तेक्‍म। “कुवा, ब्‍वाक्‍कु बुक्‍शा ग्रूङो। मिनु मेको आ पर्बम कुम्‍सो पावो।

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०