यसैया 24:17 - Sunuwar Bible

¹⁷ गे रागी ङा मुरपुकी, इन ङोंइती शुश हिंचा ङा बाक्‍ब। इन ङोंइती बिक्‍तीके नु ब्‍वारद बाक्‍नीम।

यसैया 24:17 ပူးပေါင်းရင်းမြစ်များ

१ राजा 19:17

मिनु हजाएल आ तरवार रे ब्रोंइशो आन कली येहूमी साइक्‍ब। मिनु येहू आ तरवार रे ब्रोंइशो आन कली एलीशामी साइक्‍ब।

अय्‍युब 18:8

आंम खोइलीम मेको आन कली ब्‍वारदम लपाइक्‍‍ब। मेको ब्‍वारदम गिल्‍सीशा बिक्‍तीकेमी दोक्‍नीम।

यसैया 8:14

परमप्रभु इन कली नेल्‍ल क्‍येङा ङोंइती ङा मिम्‍तीके दुम्‍ल। तन्‍न इस्राएल आ खिं निक्‍शी ङा मुर आन कली दाइल पाइक्‍तीके नु लां तेक्‍तीके फुल्‍लु दुम्‍ब। मेको यरूसलेम ङा मुर आन कली रेप्‍पाइक्‍ब ब्‍वारद दुम्‍ब। रोमी ९:३३

येरमीया 11:11

मोपतीके परमप्रभु यावेमी “गो थमा पा, मेको आन कली ठेयब श्‍येत गेनुङमी। मिनु मेको रे प्रोक्‍ने मचाप्‍नीम। आं कली पुंइतेक्‍म हना यो, गो मेको आन लोव़ मनेंनुङ। भजन संग्रह १८:४२; यसैया १:१५; इजीकीएल ८:१८

येरमीया 8:3

एको मरिम्‍शो खिं ङा लीशो मुर नेल्‍लेमी, ते प्रोक्‍पाइक्‍तामी हना यो, मार देंनीम देंशा हना ‘गो ब्रोंइचा क्‍येङा यो बेक्‍चा दाक्‍नीकी’ देंनीम” दे मुर नेल्‍ल आन परमप्रभु यावेमी देंत।

बिलाप 2:22

गे एर ओंथ ङा आं जोरी सत्रु आन कली चाड मानेचा कली खोदेंशो पा ब्रेत्‍ताक्‍नी। परमप्रभु यावे आ गाइश्‍शो नाक्‍तीमी सुइ मुर प्रोक्‍शा ब्रोंइचा मताइनीम। गो आं थिशो नु कोल्‍पाइश्‍शो आल आन कली आं जोरी सत्रुमी साइक्‍तेक्‍म” देंती।

बिलाप 3:47

शुश हिंचा ङा मरिम्‍शो दुम्‍तीक आंइ तार जाक्‍त।

इजीकीएल 11:8

गेपुकी तरवार तशा हिंतीनी। तन्‍न गो इन पर्बम तरवार चाक्‍शा साइक्‍पाइक्‍नन्‍नी।

इजीकीएल 12:13

गो मेको आ तार आं ग्‍याइल आप्‍नुङ। मिनु मेको आं ग्‍याइलीम बिक्‍ब। मिनु गो मेको कली कल्‍दी आन रागी बेबीलोनम चाक्‍नुङ। तन्‍न मेकोम, मेको रागी मताइब। मिनु मेकेरन बेक्‍ब। इजीकीएल १७:२०; येरमीया ३९:७

इजीकीएल 14:21

परमप्रभु, परमप्रभु यावेमी “गो यरूसलेमम आं ४ ओटा हिंचा ङा श्‍येत तरवार, अन्‍काल, ब्‍वाकी ङा जन्‍तुपुकी नु मुर बेक्‍तीक रोइ सोइश्‍शा मेकेर ङा मुर नु बी ब्‍यफ, क्‍यारश भेडा आन कली साइक्‍तामी हना, सुइ मब्रोंइम वा। इजीकीएल ५:१७; लेवी २६:१६-२५; येरमीया १५:३; प्रकाश ६:८

आमोस 5:19

मेको नाक्‍ती मुर का गुप्‍स रे प्रोक्‍शा, वां कली ग्रुम्‍शो खोदेंशो बाक्‍ब। खिं लशा बाक्‍चा कली आ गुइ गारोम वोदानु, बुस्‍सुम कोक्‍शो खोदेंशो दुम्‍‍ब।