यसैया 24:16 - Sunuwar Bible

¹⁶ गो रागी आ सुर रे परमप्रभु कली ठेयब सेल्‍तीक कुम्‍सो पशो नेंतय। ठीक पाइब, परमप्रभु कली ठेयब सेल्‍तीक कुम्‍सो बाक्‍नीम। तन्‍न गो शुश श्‍येत जाइब दुम्‍ती। आबी, गो श्‍येत जाइब दुम्‍ती। मारदे हना दूली पाइबम, मुल सम्‍म दूली पाइनीम। मिनु मेको क्‍येङा यो दूली पाइनीम।

यसैया 24:16 ပူးပေါင်းရင်းမြစ်များ

भजन संग्रह 106:15

मिनु परमप्रभुमी मेको आन पुंइशो गेशो बाक्‍त। तन्‍न मेको आन दातेमी बेक्‍तीक रोइ सोइश्‍शो बाक्‍त।

भजन संग्रह 119:158

मेको नोले शोंइसीशो आन कली तशा ग्रांग्रा दीती। मारदे हना मेकोपुकीमी इन शेंशो टिचा प्रोंइतेक्‍म।

भजन संग्रह 2:8

मिनु लेंशा परमप्रभु यावेमी आं कली “गे आं कली पुंइतीवी हना, गो रागी रागी ङा मुर इ कली गेनुङ। रागी ङा सुर सम्‍म नेल्‍ल इ कली गेनुङ। दानीएल ७:१३-१४; हिब्रू १:२

भजन संग्रह 58:10

मिनु ठीक पाइबपुकी मरिम्‍शो पाइब आन कली क्‍येक्‍क लेश्‍शो तशा, ग्‍येरसीनीम। मिनु मेको आन हुशेम गाक्‍नीम।

भजन संग्रह 65:8

मिनु ङोन ङोन रागीम बाक्‍बपुकी इन छक लाक्‍चा ङा गेय तशा हिंनीम। परमप्रभु, गे नां दाप्‍तीके नु नां पेरतीकेम बाक्‍ब आन कली ग्‍येरसीशा कुम्‍सो पपाइक्‍नीनी।

भजन संग्रह 67:7

परमप्रभुम, इं कली आसीक गेना गेन बाक्‍ब। मिनु रागी ङा मुर नेल्‍ले मेको कली मान पा हिंनीम।

भजन संग्रह 98:3

मेकोमी इस्राएली आन कली आ गेना हना यो दाक्‍तीके नु आ दाक्‍शा मप्रोंइतीके कोंइताक्‍व। रागी नेल्‍ल ङा मुरपुकीमी आंइ परमप्रभुम मेको आन कली श्‍येत रे प्रोंइशो ताम्‍तेक्‍म। यसैया ५२:१०

प्रस्‍थान 15:11

परमप्रभु यावे, देवी देवता आन दातेमी इन खोदेंशो ठेयब सुइ मबाक्‍नीम। इन खोदेंशो सक्ति पाइश्‍शो, ठेयब मान ताइब सुइ मबाक्‍नीम। इन ठेयब गेय हिंचा ङा बाक्‍ब। गे छक लाक्‍चा ङा गेय पाइब बाक्‍नीनी। प्रस्‍थान ८:६; प्रस्‍थान १८:११; भजन संग्रह ८६:८

यसैया 10:16

मोपतीके परमप्रभु, मुर नेल्‍ल आन परमप्रभु यावेमी अस्‍सुर ङा दोम्‍शो लडाइ पाइब मुर आन कली बेक्‍तीक रोइ सोइक्‍नुङ। मिनु मेको आन रां चोशो खोदेंशो पा जेश्‍शा नुप्‍ब।

यसैया 11:12

मेकोमी रागी रागी ङा मुर आन कली चिन्‍ड का वोइक्‍ब। मिनु इस्राएल ङा प्रोक्‍शो मुर आन कली खुप्‍ब। यहूदा ङा ब्रशो मुर आन कली यो तेइ तेइ रे खुप्‍ब।

यसैया 17:4

मिनु परमप्रभु यावेमी “मेको नाक्‍ती याकूब आ मुर आन रिम्‍स नेल्‍ल लाइब। मेको नेल्‍ल गेयनीम।

यसैया 21:2

गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।

यसैया 26:15

तन्‍न गे रागी ङा मुर आन कली सोपाइश्‍शा बोपाइश्‍शा शुश सेल्‍तीनी। गे मान ताइब बाक्‍नीनी। गे मेको रागी कली ठेयब सेल्‍तीनी।

यसैया 28:5

मेको नाक्‍ती मुर नेल्‍ल आन परमप्रभु यावे आ लीशो मुर आन कली छेङछेङ पा ब्रशो सिरपेच नु पियाम चुइक्‍तीके दुम्‍ब।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

यसैया 48:8

गे मेको मनेंशो मतुइश्‍शो बाक्‍नीनी। साइ ङोंइती रे नोफा मनेंब बाक्‍तीनी। गे जोल पा गेय पाइब बाक्‍नीनी। मेको गो तुइक्‍ताक्‍ङ। आल रेन गे काइ मटीब बाक्‍तीनी, दे तुइक्‍ताक्‍ङ।

यसैया 52:10

परमप्रभु यावेमी रागी रागी ङा मुर आन ङोंइती आ सक्ति कोंइताक्‍व। मिनु रागी आ सुर सम्‍म ङा मुर नेल्‍लेमी आंइ परमप्रभुमी दोपा पाप रे प्रोंइबा, मेको ताइनीम।

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

यसैया 60:21

इ रागी ङा मुर नेल्‍ल ठीक पाइब दुम्‍नीम। मेको आन बाक्‍तीके रागी गेना हना यो आन के दुम्‍ब। मेकोपुकी आं ख्रुम्‍शो बाक्‍नीम। मेकोपुकी आं सेल्‍शो मुर दुम्‍शा, आं कली ठेयब सेल्‍नीम।

येरमीया 12:1

परमप्रभु यावे, गो इन कली दोस गेता हना, गे ठीक पाइब बाक्‍नीनी। तन्‍न गो आं निसाफ इन ङोंइती वोइक्‍नुङ। दोस ताइबपुकी मारदे सोशा बोशा लाइ‍नीमी? थमा मसुइक्‍ब मुर मारदे रिम्‍शो दुम्‍ना दुम्‍न बाक्‍नीमी? भजन संग्रह ७३:३

येरमीया 12:6

इ लोक्‍बपुकी नु इ खिं ङा मुरपुकीमी इ कली मरिम्‍शो पाम्‍तेक्‍म हना, मेकोपुकी इ पर्बम ठेयब सेंदा पा रेयके पा जाक्‍नीम। मेकोपुकीमी गे नु रिम्‍शो लोव़ पाम्‍तेक्‍म हना यो, मेको आन कली थमा मसुइक्‍मी।

येरमीया 3:20

तन्‍न दोपा थमा सुइक्‍ने मचाप्‍ब मीश मुरुम आ वोंइश कली प्रोंइबा, मोपा गे थमा सुइक्‍ने मचाप्‍ब, इस्राएल, गे आं कली प्रोंइती” दे परमप्रभु यावेम देंत।

येरमीया 5:11

मारदे हना इस्राएल नु यहूदा ङा मुरपुकीम थमा पा प्रोंइतीमी” देंत।

बिलाप 1:2

मेको नाक्‍दो हिशेक पा ङाक्‍ब। आ प्रेक्‍क यिना यिन बाक्‍नीम। मेको आ दाक्‍शो मुर आन दाते ङा सुइम मेको कली आ थुं बारपाइक्‍चा ङा लोव़ मपाइनीम। आ वारच नेल्‍लेम मेको कली प्रोंइतेक्‍म। मुल मेको आ जोरी सत्रु दुम्‍तेक्‍म। भजन संग्रह ६९:२१

होसे 5:7

मेकोपुकी परमप्रभु यावे रे नोले शोंइसीशो बाक्‍नीम। मेकोपुकीमी हेंथे पा आल थिशो बाक्‍नीम। मेको आन औंसी ङा चाडमी आन बाली नाली नु मेको आन कली खतम सेल्‍ब। होसे २:१३

होसे 6:7

मेकोपुकीमी आदम सहर ङा मुर खोदेंशो पा गो नु पशो कबल प्रोंइतेक्‍म। मेकोपुकीमी आं कली थमा मसुइक्‍थु प्रोंइतेक्‍म। यहोसु ३:१६

लेवी 26:39

मिनु लीशोपुकी चहिं जोरी सत्रु आन रागीमी आन पाप नु आन किकी पिपी आन पाप पतीके बेक्‍ना बेक्‍न लाइनीम। इजीकीएल २४:२३; इजीकीएल ३३:१०

मीका 5:4

मिनु मेकोमी परमप्रभु यावे आ सक्तिमी आ बगाल आन कली योव़ब। मिनु मेकोमी आ परमप्रभु यावे आ ठेयब नेंमी आ गेय पाइब। मिनु मेकोपुकी रिम्‍शो पा बाक्‍नीम। मारदे हना मेको रागी ङा सुर सम्‍म नेल्‍ल क्‍येङा ठेयब दुम्‍ब। यसैया ९:५; एफिसी २:१४

हबकुक 1:13

गे मरिम्‍शो पशो काइ तने मचाप्‍नीनी। मरिम्‍शो पशो फाल्‍ने मचाप्‍नीनी। मोदेंशो बाक्‍त हना यो, थम मरिम्‍शो पाइब आन कली तशा, मारदे मारेइ मदेंनीनी? इन अरेशो मटीबपुकीमी आंम क्‍येङा ठीक पाइब मुर आन कली सद‍मेनु, गे मारदे सिक्‍सी पा बाक्‍नीनी?

हबकुक 1:3

गे मारदे आं कली मरिम्‍शो पशो तपाइक्‍नीनी? गे मारदे आं कली श्‍येत जशो तपाइक्‍नीनी? खतम सेल्‍तीके नु जिचा पोक्‍तीक आं ङोंइती बाक्‍नीस। तेइ तेइ राम्‍शी पचा नु जिचा ला पोक्‍नीम।

मर्कूस 13:27

मिनु रागीम जरमेशोमी परमप्रभु यावे आ गेय पाइब आन कली रागी तेइ तेइ रे परमप्रभु यावे आ योव़शो नेल्‍ल आन कली खुप्‍शा चाक्‍थ सोइक्‍ब। मत्ती १३:४१

प्रेरित 13:47

आंमा शेंब दुम्‍शा, गाक्‍शो मनस्‍कु। परमप्रभु यावेमी आंस कली आ लोव़ शेंब सेल्‍तु। मिनु मेकोमी ‘गो इ कली नेल्‍ल रागी ङा, नेल्‍ल जात ङा मुर आन कली लां कोंइशा, छेङछेङ दुम्‍शा रुप्‍पाइक्‍चा कली सोइक्‍ताक्‍ङ’ दे ब्रेक्‍शो बाक्‍ब” देंसा बाक्‍त। यसैया ४९:६

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७