यसैया 24:12 - Sunuwar Bible

¹² सहर मुर मबाक्‍तीक दुम्‍शा, आ गारो ङा ठेयब लाप्‍चो ब्रेत्‍तेक्‍म।

यसैया 24:12 ပူးပေါင်းရင်းမြစ်များ

यसैया 14:31

सहर ङा ठेयब लाप्‍चोपुकी, ङाक्‍कीन। सहर नु पलिस्‍ती नेल्‍ल हिंशा ख्रिंख्रि पने। मारदे हना उत्तर रे कुन कु‍शा, ठेयब हुल, नेल्‍ल काथा जाक्‍नीम।

यसैया 32:14

मारदे हना दरवार ङा मुर नेल्‍ल प्रोक्‍नीम। शुश मुर बाक्‍शो सहर श्‍येत्‍थ दुम्‍ब। ओफेल माइश्‍शो ग्‍येत्‍थ लुक्‍च गाक्‍तीक लां नु मेकेर खाल पाइब मुर आन बाक्‍तीक गेना हना यो पुक्‍खी दुम्‍नीम। मेकेर ब्‍वाकी ङा गधा ग्‍येरसीशा बाक्‍नीम। मिनु क्‍यारश भेडा आन जोतीक दुम्‍ब।

यसैया 32:19

तन्‍न ब्‍वाकी नेल्‍ल जाम्‍शा लाइब। सहर श्‍येत्‍थ दुम्‍ब।

यसैया 45:2

परमप्रभु यावेमी मेको कली “गो इ ङोंइङोंइती गाक्‍नुङ। डांडा आन कली दिंम सेल्‍नुङ। कांसा के लाप्‍चो जिक्‍नुङ। फलाम के आ‍ग्‍लो जिक्‍नुङ।

येरमीया 9:11

गो यरूसलेम कली खिं ब्रेश्‍शा देल्‍तीके सेल्‍नुङ। सिवार आन बाक्‍तीके सेल्‍नुङ। गो यहूदा ङा सहर आन कली मुर मबाक्‍तीके सेल्‍नुङमी। मिनु मेकेर सुइ मबाक्‍नीम। येरमीया २६:१८

बिलाप 1:1

मेको सहरम गिश श्‍येत्‍थ दुम्‍मे। ङोंइती मेकेर शुश मुर बाक्‍तेक्‍म। मेको आ वोंइश बेक्‍शो मीश मुर खोदेंशो दुम्‍त। मेको ङोंइती रागी रागी आन दातेमी ठेयब बाक्‍त। मेको रागी पिप आ तमी खोदेंशो बाक्‍त। मुल मेको सहर वाइल खोदेंशो दुम्‍त। येरमीया ५१:५

बिलाप 1:4

सियोन लतीक लां रोंका पाइनीम। मारदे हना सुइमी चाड मानेचा कली मेकेर रे मगाक्‍नीम। सहर ङा ठेयब लाप्‍चो नेल्‍ल श्‍येत्‍थ बाक्‍नीम। आ चढ़ेबपुकी हुकयी पाइनीम। आ मीश आल सुर्ता पाइनीम। मिनु सहरम श्‍येत जशो बाक्‍ब।

बिलाप 2:9

मेको आ ठेयब लाप्‍चो खपीम दोक्‍तेक्‍म। मेकोमी आ आग्‍लो जिक्‍शा खतम पोक्‍तु। मेकेर ङा पिप नु आन तौ नेल्‍ल रागी रागी ङा मुर आन दातेमी बाक्‍नीम। मेकेर लां कोंइब परमप्रभु यावे आ अरेशो मबाक्‍ब। मिनु परमप्रभु यावे आ लोव़ पाइबपुकीमी परमप्रभु यावे रे पा मारेइ लोव़ मताइ‍नीम।

बिलाप 5:18

सियोन डांडाम श्‍येत दुम्‍त। मेको सिवार आन बाक्‍तीके दुम्‍त।

मीका 1:12

मिनु मारोथ सहर ङा मुरपुकीम हिंना हिंन रिम्‍शो दुम्‍तीके रिम्‍ना रिम्‍न बाक्‍नीम। परमप्रभु यावे रे हिंचा ङा श्‍येत यित। मिनु मेको यरूसलेम ङा ठेयब लाप्‍चो सम्‍म जाक्‍शो बाक्‍त।

मीका 1:9

मारदे हना मेको आ गार मसाब। मेको यहूदा सम्‍म जाक्‍शो बाक्‍ब। मेको आं मुर आन बाक्‍तीक यरूसलेम सहर ङा ठेयब लाप्‍चो सम्‍म जाक्‍दीश्‍शो बाक्‍ब।

मत्ती 22:7

मिनु पिपमी मोदेंशो दुम्‍शो तुइश्‍शा चुरशा, आ सिपाही आन कली ‘लने, मुर साइक्‍ब आन कली साइश्‍शा, आन सहर गाउं क्रोइश्‍शा गेने’ दे सोइक्‍तीमी बाक्‍त। मत्ती २४:२