यसैया 23:4 - Sunuwar Bible

⁴ सीदोन, गे मुने पावो। मारदे हना समुन्‍द्र ङा बोल्‍यो टायर सहरमी ‘गो सुत्‍केरी रोइ मपङ। गो आल मथिङ। गो वोंइश आल नु मीश आल आन कली मथुलु’ देंतीनी।

यसैया 23:4 ပူးပေါင်းရင်းမြစ်များ

उत्पत्ती 10:15

मिनु कनानमी आ ङोंइती ङा तौ सीदोन नु नोले हेथ थि‍माक्‍त।

उत्पत्ती 10:19

कनान ङा मुर आन रागी सीदोन रे गेरार गे नु गाजा सम्‍म दुम्‍माक्‍त। सोदोम नु गोमोररा गे अदमाह, सेबोयीम नु लाशा सहर सम्‍म दुम्‍माक्‍त।

येरमीया 25:22

टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 27:3

मिनु यहूदा ङा पिप सिदकीयाह आ बाक्‍तीके यरूसलेममी जाक्‍ब लोव़ कुरब आन कली एदोम, मोआब, अम्‍मोन, टायर नु सीदोन ङा पिप आन बाक्‍तीकेम मेको लोव़ सोइक्‍तीमी। येरमीया २५:२१-२२

इजीकीएल 28:21

मार लोव़ पाप्‍तु देंशा हना “ए मुर, सीदोन गे कोव़ङो। मिनु मेको आ पर्बम आं लोव़ पावो। यसैया २३:२-४

इजीकीएल 28:22

परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्‍नीम

यहोसु 11:8

मिनु परमप्रभु यावेमी मेको आन कली इस्राएली आन गुइमी गेप्‍तु। मिनु इस्राएलीपुकीमी मेको आन कली ठेयब सहर सीदोन नु मिस्रेपोत-माइम सम्‍म नु पूर्ब ङा मिस्‍पा दिंम सम्‍म खेदा पा साइक्‍तेक्‍म। सुइ कली यो मप्रोनेम। यहोसु १३:६

प्रकाश 18:23

मेकेर बत्ती दाशो हाम्‍सो का यो लेंशा मतांइसीब। मेकेर ग्‍युम्‍ले नु ग्‍युम्‍ली आस सेंदा लेंशा मनेंसीब। मारदे मोदेंशो दुम्‍ब देंशा हना, रागी ङा ठेयब मुर ग्‍याप्‍ब लेयबपुकी बाक्‍तेक्‍म। मेकोपुकीमी मेको आन टुना मुनामी रागी नेल्‍ल ङा मुर आन कली दूली लां खोइक्‍पाइक्‍तेक्‍म। येरमीया २५:१०; यसैया २३:८

न्‍यायाधीस 10:6

मिनु इस्राएलीपुकीमी लेंशा परमप्रभु यावे आ ङोंइती मार मरिम्‍शो बाक्‍मे, मेको पामे बाक्‍त। मेकोपुकीमी बाल, अश्‍तारोथ नु देवी देवता आन कली ठेयब सेल्‍मे बाक्‍त। मिनु अराम, सीदोन, मोआब नु अम्‍मोनी नु पलिस्‍ती आन देवी देवता कली यो ठेयब सेल्‍मे बाक्‍त। मोपा परमप्रभु यावे कली प्रोंइशा, मेको कली ठेयब मसेल्‍मे बाक्‍त।