यसैया 23:16 - Sunuwar Bible

¹⁶ गे प्रेंसीशो तेल्‍लेम, इ बीना रिम्‍शो पा ताप्‍शा, सहरम हिरसो। शुश कुम्‍सो पावो। मिनु इ कली फ्रुक्‍नीमी कों?

यसैया 23:16 ပူးပေါင်းရင်းမြစ်များ

यसैया 23:15

मिनु नोले टायर ७० बर्स, पिप का आ ब्रोंइतीके बर्स खोदेंशो, मदुम्‍म सम्‍म प्रेंचा पुंइसीब। मिनु मेको ७० बर्स नोले टायर सहर तेल्‍लेम आ कुम्‍सो देंशो खोदेंशो दुम्‍ब।

यसैया 23:17

मिनु ७० बर्स नोले परमप्रभु यावेमी टायर सहर कली मिम्‍ब। मिनु मेकोम लेंशा आ तेल्‍लेम पशो ङा क्‍येट ताइब। मिनु मेकोमी तेको तेको रागी ङा राज्‍य ङा पिपपुकी नु तेल्‍लेम पाइब।

येरमीया 30:14

इ वारच नेल्‍लेम इ कली प्रेंने थुम्‍तेक्‍म। मेकोपुकीमी इ कली गेनायो ममिम्‍नीम। गो इ ठेयब दोस तशो नु इ शुश पाप आ पर्बम पतीके जोरी सत्रुम खोदेंशो पा तुप्‍तन। मिनु शिशी मपाइक्‍बम खोदेंशो पा गो इ कली सजाइ गेतन।

इजीकीएल 26:13

गो इ कुम्‍सो थुम्‍पाइक्‍‍नुङ। इ बीना ताप्‍शो लेंशा मनेंसीब। आमोस ५:२३

नहुम 3:4

मेको तेल्‍लेम खोदेंशो सहरम हिक्‍ने मचाप्‍चा ङा पा मरिम्‍शो पतीकेमी रागी रागी ङा मुर आन कली आ खोदेंशो पपाइक्‍तीमी। रिम्‍शो मीश मुर नङ, देंखु पा, आ टुना मुना पतीकेमी जात जात ङा मुर आन कली दूली लां खोइक्‍पाइक्‍तीमी।