यसैया 23:15 - Sunuwar Bible

¹⁵ मिनु नोले टायर ७० बर्स, पिप का आ ब्रोंइतीके बर्स खोदेंशो, मदुम्‍म सम्‍म प्रेंचा पुंइसीब। मिनु मेको ७० बर्स नोले टायर सहर तेल्‍लेम आ कुम्‍सो देंशो खोदेंशो दुम्‍ब।

यसैया 23:15 ပူးပေါင်းရင်းမြစ်များ

यसैया 23:16

गे प्रेंसीशो तेल्‍लेम, इ बीना रिम्‍शो पा ताप्‍शा, सहरम हिरसो। शुश कुम्‍सो पावो। मिनु इ कली फ्रुक्‍नीमी कों?

यसैया 23:17

मिनु ७० बर्स नोले परमप्रभु यावेमी टायर सहर कली मिम्‍ब। मिनु मेकोम लेंशा आ तेल्‍लेम पशो ङा क्‍येट ताइब। मिनु मेकोमी तेको तेको रागी ङा राज्‍य ङा पिपपुकी नु तेल्‍लेम पाइब।

येरमीया 25:22

टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 29:10

परमप्रभु यावेमी “बेबीलोनम मो पशो ७० बर्स गाम नोले गो इन बाक्‍तीक जाक्‍नुङ। मिनु इन कली एको रागीम लेश्‍शा चाक्‍नुङ, दे आं शिशी पा देंशो लोव़ खाप्‍नुङ। येरमीया २५:११-१३

इजीकीएल 16:35

मोपतीके ए तेल्‍लेम, परमप्रभु यावे आ लोव़ नेनो।

इजीकीएल 27:25

टारसीस ङा जहाजपुकीम इ ग्‍याप्‍तीक लेयतीक गेय पाम्‍‍तेक्‍म। गे हेल्‍शो ग्‍याप्‍तीक लेयतीक मार मारमी ब्रीशो समुन्‍द्रम बाक्‍ते।

इजीकीएल 29:11

मेकेर सुइ मुर नु जन्‍तु मगाक्‍नीम। मेकेर ४० बर्स सम्‍म सुइ मबाक्‍नीम। गन्‍ती १४:३३-३४

दानीएल 7:14

मिनु मेको कली सासन पतीक अधिकार, मान ततीक नु पिप सेल्‍‍शा राज्‍य गेशो ताता। मिनु जात जात नु रागी रागी ङा आंम आंम लोव़ पाइब मुर नेल्‍लेमी मेको कली गेय पशो ताता। आ सासन पतीके अधिकार गेना हना यो लीबाक्‍त। आ पिप दुम्‍शो राज्‍य गेनायो खतम मदुम्‍बाक्‍त।

दानीएल 8:21

मिनु मेको बोका चहिं ग्रीस रागी ङा पिप बाक्‍ब। मेको आ मिक्‍च आन दाते ङा ठेयब ग्रोव़, मेकेर ङा नेल्‍ल क्‍येङा ङोंइती ङा पिप बाक्‍ब। दानीएल ११:३

होसे 2:15

मेकेर गो मेको कली आ अङगुर रू लेश्‍शा गेनुङ। गो आकोर माइश्‍शो दिंम कली चहिं आस पतीक रागी सेल्‍नुङ। मेकेर मेकोमी आ ठिटी बाक्‍ची ना ङा खोदेंशो नु इजीप्‍त रागी रे जाक्‍शो खोदेंशो पा कुम्‍सो पाइब” देंत। यहोसु ७:२४-२६

प्रकाश 17:10

मिनु मेको ७ ओटा डांडापुकी ७ ओटा पिप यो नम। मेको रे ५ ओटा बेक्‍शा लाक्‍तेक्‍म। मिनु कामी सासन पना पन बाक्‍ब। अर्को लीशो का चहिं मुल सम्‍म मजाक्‍शो बाक्‍त। मिनु नोले जाक्‍शा ङा मिन, छिन का ला सासन पाइब।