यसैया 23:13 - Sunuwar Bible

¹³ कल्‍दी ङा मुर आन रागी कोव़ङीन। अस्‍सुरम ममाइ, कल्‍दीपुकीम सहर नेल्‍ल मुर मबाक्‍तीके सेल्‍तेक्‍म। मेको टायर सहर ब्‍वाकी ङा जन्‍तु आन बाक्‍तीक सेल्‍तेक्‍म। मेको सहर पुम्‍चा कली लाइश्‍शो खिं सेल्‍तेक्‍म। सहर ङा दरवार प्रेत्‍तेक्‍म। सहर नेल्‍ल खतम सेल्‍‍तेक्‍म।

यसैया 23:13 ပူးပေါင်းရင်းမြစ်များ

उत्पत्ती 11:28

हारान चहिं आ आफ तेराह क्‍येङा ङोंइती आ जरमेशो कल्‍दी ङा ऊर सहरमी बेक्‍माक्‍त।

उत्पत्ती 11:31

मिनु तेराहमी आ तौ अब्राम, आ चच लोत, हारान आ तौ, नु आ चाइमी, अब्राम आ मीश साराइ आन कली लाइश्‍शा, कल्‍दी रागी ङा ऊर रे कनान रागी लचा गोव़मे बाक्‍त। मिनु हारान माइश्‍शो सहर जाक्‍दीश्‍शा बाक्‍मा बाक्‍त। यहोसु २४:२; नेहेम्‍याह ९:७

उत्पत्ती 11:9

मोपतीके मेको सहर आ नें बाबेल वोदमे बाक्‍त। मारदे हना मेकेर रे परमप्रभु यावेमी रागी नेल्‍ल ङा मुर आन लोव़ खाल्‍दा बाक्‍त। मिनु परमप्रभु यावेमी मोपा मुर नेल्‍ल आन कली फ्रादीमी बाक्‍त।

उत्पत्ती 2:14

मिनु मेको आ नोले ङा खोला आ नें टाइग्रीस बाक्‍ब। मेको खोला अस्‍सुर रागी आ पूर्ब गे लशो बाक्‍ब। मिनु नेल्‍ल क्‍येङा नोले ङा खोला आ नें युफ्रेटीस बाक्‍ब।

२ राजा 17:24

मेको नोले अस्‍सुर ङा पिपमी बेबीलोन, कूथाह, अव्‍वा, हमाथ नु सेफारवाइम रे मुरपुकी चाक्‍मी बाक्‍त। मिनु मेको आन कली इस्राएली आन पा ङा सामरीया ङा सहरपुकीम बाक्‍पाइक्‍मी बाक्‍त। मेकोपुकी सामरीया आंम के सेल्‍शा मेकेर बाक्‍मा बाक्‍त।

२ राजा 20:12

मेना बेबीलोन ङा पिप बालादन आ तौ मेरोदाक-बालादानमी हिज्‍कीयाह आ बाक्‍तीकेम कोसेली नु चिठी कुर पा मुर सोइक्‍ता बाक्‍त। मारदे हना मेकोम हिज्‍कीयाह रोइ पा साशो बाक्‍ब देंशो नेना बाक्‍त।

२ इतिहास 33:11

मोपतीके परमप्रभु यावेम मेकोपुकी नु लडाइ पपाइक्‍चा कली अस्‍सुर ङा पिप आ लडाइ पाइब आन कप्‍तान आन कली चाक्‍मी बाक्‍त। मिनु मेकोपुकीम मनस्‍से कली ग्‍याइश्‍शा मेको आ शोव़म बोल्‍सी ब्‍वेक्‍तमे बाक्‍त। मिनु मेको कली कांसा के साङलोम पाइश्‍शा बेबीलोन लदमे बाक्‍त।

अय्‍युब 1:17

मिनु मेकोम लोव़ पन पना, अर्को लोव़ कुरब मुर का जाक्‍शा “हुल सां कल्‍दी रागी ङा मुर जाक्‍शा, गोठला आन कली तरवारम क्‍योरशा दल‍ओंठ नेल्‍ल योल्‍ताक्‍म। इन कली एको लोव़ शोव़चा कली गो का ला ब्रोंइती” देंमाक्‍त। येरमीया ५१:२४

भजन संग्रह 72:9

गोरशो रागी ङा मुरपुकी मेको आ ङोंइती बाम्‍मल। मिनु आ जोरी सत्रुमी फुरक तुक्‍गमेक्‍ल।

यसैया 10:5

आबी, अस्‍सुर रागी, गे आं गाइक्‍तीक ङा कोर्रा, आं गाइक्‍तीके कोक्‍के कुरब दुम्‍ते। यसैया १०:१५

यसैया 10:7

तन्‍न अस्‍सुरम मेको आ थुंम मवोइक्‍थु, मोदेंशो ममिम्‍त। आ थुंमी खतम पोक्‍चा नु रागी रागी क्‍याम्‍चा ला बाक्‍त।

यसैया 13:19

ठेयब लेश्‍शो कल्‍दी आन दाक्‍शो नु राज्‍य राज्‍य ङा नेल्‍ल क्‍येङा दारशो बेबीलोन कली सोदोम नु गोमोररा खोदेंशो सेल्‍नुङ। उत्‍पत्ती १९:२४-२५

यसैया 13:21

तन्‍न मेको ब्‍वाकी ङा जन्‍तु आन बाक्‍तीक दुम्‍ब। मेको आन खिंम बुक्‍स ब्रीशो बाक्‍नीम। मेकेर ब्‍वा‍की ङा ग्रीब जन्‍तु, ठेयब चिक्‍ब बाक्‍नीम। मिनु ब्‍वाकी ङा क्‍यारश सिल पाइनीम। यसैया २३:१३

यसैया 18:6

मिनु डांडा ङा ठेयब चिक्‍ब नु रागी ङा जन्‍तु आन कली ब्‍वचा गे‍ब। होश दुम्‍तीके ठेयब चिक्‍ब मेको तारी नित्‍नीम। मिनु हिंउदम ब्‍वाकी ङा जन्‍तुपुकीम मेको ब्‍वशा, मेको आ तारी इप्‍नीम” देंत।

यसैया 43:14

मिनु परमप्रभु यावे, इन कली पाप रे प्रोंइब, इस्राएली आन का ला बाक्‍शो परमप्रभुमी “इन पा ङा गो बेबीलोन सहर कली लडाइ पाइब सोइक्नुङ। मेको आन ठेयब लाप्‍चो ङा आग्‍लो जिक्‍नुङ। गो कल्‍दी आन ग्रीतीक कली रोंका पपाइक्‍नुङ।

इजीकीएल 23:23

मेको बेबीलोन ङा मुर नु कल्‍दी ङा मुर नेल्‍ले, पेकोद, शोआ नु कोआ ङा मुर, अस्‍सुर ङा मुर नेल्‍ल, मेको नु बाक्‍शो दारशो ठिटा, हुकुम पाइब, कप्‍तान नु लडाइ पाइब, मेको नेल्‍ल नु शारा ङोइक्‍ब नेल्‍ल आन कली इ पर्बम पोक्‍नुङमी।

इजीकीएल 29:18

मार लोव़ पाप्‍तु देंशा हना “ए मुर, बेबीलोन ङा पिप नेबुकदरेसरम टायर कली लडाइ पाइब आन कली शुश श्‍येत पपाइक्‍तु। मिनु मुर नेल्‍ल आन पिया ङा चां दुल्‍त। आन बला खोरसीशा, गार दुम्‍त। मो हना यो टायर आ पर्बम पशो गेय आ पर्बम मेको नु मेको आ लडाइ पाइबम मारेइ मतामे।

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

हबकुक 1:6

गो कल्‍दी ङा मुर आन कली पोक्‍‍नुङमी। मेको हिंचा ङा नु शिशी मपाइक्ब बाक्‍नीम। मेकोपुकीमी रागी नेल्‍ल कली ग्राशा, मुर आन खिं नु बाक्‍तीके रोइक्‍नीम।

प्रेरित 7:4

मिनु अब्राहाम कल्‍दी आन रागी प्रोंइशा, हारान सहर जाक्‍दीश्‍शा बाक्‍माक्‍त। मिनु आ आफ बेक्‍म नोले परमप्रभुमी अब्राहाम कली हारान रे मुल इं बाक्‍शो रागीमी चाक्‍गा बाक्‍त।