यसैया 23:1 - Sunuwar Bible

¹ मिनु परमप्रभु यावेमी टायर आ पर्बम यसैया कली “गे, टारसीस ङा जहाजपुकी रोंका पने। मारदे हना टायर खतम दुम्‍शो बाक्‍ब। मेकेर खिं नु जहाज नाइक्‍तीके मलीब। साइप्रस टापु रे जाक्‍ब आन कली नेंपाइश्‍शो बाक्‍तेक्‍म। इजीकीएल २७:१२

यसैया 23:1 ပူးပေါင်းရင်းမြစ်များ

उत्पत्ती 10:4

यावान आ तौपुकी एलीशाह, कित्तीम, टारशीश नु दोदानीम बाक्‍मा बाक्‍त।

१ राजा 10:22

मिनु पिप नु हीराम आस जहाजपुकी टारसीस गे लाइबाक्‍मा बाक्‍त। मिनु बर्स सां सांमी मेको जहाजम काले टारसीस रे सुन, चांदी, हात्ती आन ख्रुइ, बुदी नु मजुर चाक्‍शा, जाक्‍बाक्‍मा बाक्‍त।

१ राजा 22:48

येहो-शाफातम ओफीर रे सुन चाक्‍चा कली टारसीस ङा खोदेंशो पा जहाजपुकी सेल्‍पदा बाक्‍त। तन्‍न मेकोपुकी एस्‍योन-गेबेरम बिग्रेतीके समुन्‍द्रम लने मचाप्‍‍मे बाक्‍त।

१ राजा 5:1

टायर ङा पिप हीराममी सोलोमन आ आफ आ पा ङा पिप दुम्‍शो बाक्‍ब देंशो लोव़ नेना बाक्‍त। मिनु मेकोमी आ गेय पाइब आन कली सोलोमन आ बाक्‍तीक सोइक्‍ता बाक्‍त। मारदे हना मेको गेना हना यो दाऊद आ वारच दुम्‍शा बाक्‍शो बाक्‍माक्‍त। २सामुएल ५:११

२ इतिहास 9:21

हुराम आ गेय पाइबपुकी पिप सोलोमन आ जहाजपुकी नु टारसीस ङा बाक्‍त। मिनु बर्स सां सांमी मेको पिप आ जहाजपुकीम सुन, चांदी, हात्ती आ दारा, मोरपुकी नु मजुरपुकी चाक्‍बाक्‍मा बाक्‍त।

भजन संग्रह 48:7

गे टारसीस ङा जहाज आन कली पूर्ब ङा फश पतीकेमी खतम सेल्‍तीनी।

यसैया 15:8

मारदे हना मोआब रागी नेल्‍लेमी मेको आन ङाक्‍शो नेंसीब। मेको आन रोंका पशो एग्‍लाइम नु बेयर-एलीम सम्‍म जाक्‍दीश्‍शो बाक्‍ब।

यसैया 2:16

टारसीस ङा जहाज नेल्‍ल, रिम्‍शो नु शुश क्‍येट लाइब सेल्‍शो थोव़कपुकी

यसैया 23:12

मिनु मेकोमी “गे दिप्चा पुंइसी‍शो कन्‍ने तमी सीदोन, मुल रे ठेयब लेश्‍शो मबाक्‍नेवे। बोक्‍को, साइप्रस टापु गे लावो। गे मेकेर यो इ थुं नाइश्‍शा बाक्‍चा मताइनेवे” देंत।

यसैया 23:6

गेपुकी टारशीश शोक्‍शा, लने। समुन्‍द्र आ नेक्‍था बाक्‍ब मुरपुकी रोंका पने।

यसैया 24:10

मेको ग्रांग्‍ये माग्‍ये सहर खतम दुम्‍ब। मेको खिं ङा लाप्‍चो नेल्‍ल चोक्‍सीशा, सुइ ओव़ने मचाप्‍नीम।

यसैया 60:9

समुन्‍द्र आ नेक्‍था ङा मुरपुकीम आं लां कोव़नीम। ङोंइती टारसीस ङा जहाजम इ आल आन कली ङोन रागी रे चाक्‍नीम। मेको आन सुन चांदी यो मेकोपुकी नु बाक्‍ब। मेको परमप्रभु यावे, इ परमप्रभु आ नेंमी जाक्‍नीम। इस्राएली आन का ला बाक्‍शो परमप्रभु आ पर्बम चाक्‍ब। मारदे हना मेकोमी इन कली दारशो सेल्‍शो बाक्‍ब। यसैया ४२:४; यसैया ५५:५

येरमीया 2:10

कित्तीम माइश्‍शो साइप्रस ङा समुन्‍द्र आ नेक्‍था बाक्‍ब आन कली कोव़ङीन। केदारमी क्‍यारी पाइब मुर सोइश्‍शा कोव़ङीन। मार, मेकेर मोदेंशो गेय दुम्‍शो बाक्‍बा?

येरमीया 25:15

मिनु परमप्रभु यावे, इस्राएली आन परमप्रभुमी आं कली “आं गुइ रे आं गाइश्‍शोमी ब्रीशो अङगुर शांबु बाक्‍शो कचौरा ताक्‍को। मिनु इ कली सोइश्‍शो रागी रागी ङा मुर नेल्‍ल आन कली तूपाइक्‍मी। येरमीया ५१:७; यसैया ५१:१७; प्रकाश १४:१०

येरमीया 25:22

टायर नु सीदोन ङा पिप नेल्‍ले, समुन्‍द्र आइक्‍ची हांबु ङा पिप नेल्‍ल आन कली,

येरमीया 47:4

मारदे हना पलिस्‍ती नेल्‍ल आन कली खतम पोक्‍शा साइक्‍तीक नाक्‍ती जाक्‍शो बाक्‍ब। टायर नु सीदोन आस कली वारच पाइक्‍ने चाप्‍ब नेल्‍ल बेक्‍नीम। मारदे हना परमप्रभु यावेम पलिस्‍ती आन कली साइक्‍चा चिक्‍शो बाक्‍ब। काफ्‍‍तोर ङा टापु आ शुंइचीम रे जाक्‍शो लीशो नेल्‍ल आन कली साइक्‍चा चिक्‍शो बाक्‍ब। आमोस १:६-७; सेफन्‍याह २:४; जकरिया ९:५; यूहन्‍ना १:२२; येरमीया १६:६; येरमीया ४८:३७; आमोस ९:७

इजीकीएल 26:1

मिनु ग्‍याइश्‍शा लाइक्‍चा पुंइसीशो ११ बर्स ङा महिना ङा ङोंइती ङा नाक्‍ती परमप्रभु यावेमी आं कली लोव़ पाप्‍तु।

इजीकीएल 26:2

मार लोव़ पाप्‍तु देंशा हना “ए मुर, यरूसलेम श्‍येत जशो तशा, टायर सहर ग्‍येरसीशो बाक्‍त। मेकोमी ‘आं ङोंइती ठेयब लाप्‍चो ब्रेश्‍शो बाक्‍ब। मेको लाप्‍चो आं कली रोक्‍सीशो बाक्ब। मुल मेको जाम्‍शा लत। मुल आं कली रिम्‍शो दुम्‍ब’ ” देंत। इजीकीएल २५:३

इजीकीएल 27:30

मिनु मेकोपुकी इ पर्बम ठेयब सेंदा पा रोंका पा ङाक्‍नीम। आन पियाम फुरक फुंइसीनीम। मिनु पुलुम लोक्‍सीनीम।

इजीकीएल 27:6

मेकोपुकीम इ ब्‍वाक्‍क शाक्‍तीके बाशान ङा बोल्‍यो शी के सेल्‍तेक्‍म। इ थेक्‍शा गाक्‍तीक साइप्रस ङा समुन्‍द्र आ शुंइच रे चाक्‍शो तोव़शी रवा आ शी के सेल्‍शा हात्ती आ दारा के बुटा आप्‍शा सेल्‍तेक्‍म।

दानीएल 11:30

कित्तीम रे पा मेको नु लडाइ पचा कली जहाजपुकी जाक्‍नीम। मिनु मेको पिप आ थुं लुक्‍च लशा, आ रागी लेप्‍ब। मेकोमी परमप्रभु यावे आ कबल पशो आ पर्बम गाइश्‍शा, थमा सुइक्‍ब आन कली खेदा पाइब। मिनु परमप्रभु यावे आ कबल प्रोंइशो मुर नु गारब।

योना 1:3

तन्‍न योना परमप्रभु यावे आ ङोंइती रे लशा, निनवे मलथु, टारशीश गे प्रोक्‍चा गोवा बाक्‍त। मिनु योप्‍पा सहरम यिशा, टारशीश लाइब डोंगा का थिश्‍शा, क्‍येट थाप्‍शा, परमप्रभु यावे आ ङोंइती रे प्रोक्‍शा, डोंगाम ङोंइसे बाक्‍त। भजन संग्रह १३९:७,९,१०

गन्‍ती 24:24

कित्तीम रे जहाजपुकी जाक्‍नीम। मिनु मेकोपुकीम अश्‍शुर नु एबेर कली श्‍येत गे‍नीम। मिनु मेकोपुकी यो खतम दुम्‍नीम” देंत। उत्‍पत्ती १०:-४; उत्‍पत्ती १०:२१-२२

लूका 10:13

ए खोराजीन, ए बेथसैदा, इन तशो चिन्‍ड नु छक लाक्‍चा ङा गेय टायर नु सीदोन ङा मुरपुकीमी तशो नम हना, भाङरा फेक्‍शा, पुलुम निश्‍शा आन थुं परमप्रभु यावे गे लेत्‍तेम वा।

यहोसु 19:29

मिनु मेको सांद रामाह नु गारो पाइश्‍शो टायर सहर गे हिरशो बाक्‍त। मेको सांद लशा, होसाह गे समुन्‍द्र आ नेक्‍था ङा अक‍जीब सहरमी नुप्‍शो बाक्‍त। यहोसु १५:४४; न्‍यायाधीस १:३१