यसैया 22:25 - Sunuwar Bible

²⁵ मेको नाक्‍ती मुर नेल्‍ल आन परमप्रभु यावेमी “मेको सारो खपीम ग्रुक्‍शो किला हिम्‍पाइक्‍ब। मेको कली क्‍योरशा ताइक्‍नीम। मिनु आ पतीक अधिकार नेल्‍ल जाम्‍ब” दे परमप्रभु यावेमी देंत।

यसैया 22:25 ပူးပေါင်းရင်းမြစ်များ

भजन संग्रह 146:3

गे रागी ङा सासन पाइब मुर आन कली थमा मसुतीन। मारदे हना मेकोपुकीमी अरु आन कली वारच पने मचाप्‍नीम। भजन संग्रह ११८:८-९; येरमीया १७:५

भजन संग्रह 52:5

परमप्रभुमी थमा पा इन कली गेना हना यो कली खतम सेल्‍ब। मेकोमी इन कली इन बाक्‍तीके रे कीशा, ग्रुंइब। मिनु मेकोमी इन कली ब्रोंइशा बाक्‍तीक रागी रे इन शाक्‍श सुन्‍दा उइश्‍शा, ताइक्‍ब। ठेयब सेंदा पा।।

यसैया 22:23

मिनु गो मेको कली किला खोदेंशो पा सारो खपीम ग्रुक्‍नुङ। मेको आ किकी पिपी आन खिं ङा मान पाइक्‍चा पुंइसीब दुम्‍ब।

यसैया 22:24

मिनु आ आफ आ खिं ङा ठेयब मुर नु आल चच युइ नेल्‍ले मेको आ अधिकारम बाक्‍नीम। खिं ङा बोस नेल्‍ल मेको आ अधिकारम बाक्‍नीम” देंत।

यसैया 46:11

गो पूर्ब रे सिखार ग्‍यारब चिक्‍ब का ब्रेत्‍नुङ। मिनु ङोन रागी रे आं मिम्‍शो नेल्‍ल पाइब मुर का कली ब्रेत्‍नुङ। गो आं देंशो लोव़ खाप्‍नुङ। आं मिम्‍शो पाइनुङ। यसैया ४१:२

यसैया 48:15

गो एको लोव़ पाता। गो मेको कली ब्रेश्‍शा, चाक्‍ता। मिनु मेकोमी आं मिम्‍शो गेय रिम्‍शो पा पाइब।

येरमीया 4:28

मोपतीके रागीम रोंका पचा माल्‍ब। मिनु सरीङ छिङछिङ दुम्‍चा माल्‍ब। मारदे हना गो लोव़ पाता। गो ङोंइती मिम्‍ताक्‍ङ। आं थुं मलेप्‍ब। आं थुं महिरब।

इजीकीएल 5:13

मिनु गो गाइक्‍ना गाइक्‍न, मेको आन कली आं चुरशो कोंइशा, आं थुं नाइक्‍पाइक्‍नुङ। मिनु गो, परमप्रभु यावेमी आं रुश पतीकेमी मेको आन कली लोव़ पाता, दे तुइक्‍नीम। इजीकीएल १६:४२

इजीकीएल 5:15

गो आं गाइक्‍तीक नु चुरतीकेम इ कली निसाफ पाइनुङ। मिनु गे शुक्‍शी पाइक्चा पुंइसीतीके, मुने दोक्‍तीके नु हिंच कोंइतीके नु शुश हिंचा ङा दुम्‍नेवे। गो परमप्रभु यावेमी, एको लोव़ देंती।

इजीकीएल 5:17

गो इ दातेमी अन्‍काल नु ब्‍वाकी ङा जन्‍तुपुकी सोइक्‍ताक्‍ङ हना, मेकोपुकीम इ आल रोइक्‍नीम। इ दातेम मुर बेक्‍तीक रोइ नु हुश ख्राक्‍श पोक्‍तीक दुम्‍शा बाक्‍ब। मिनु गो इ कली तरवारम साइक्‍नुङ’ गो परमप्रभु यावेमी, एको देंती” देंत।

मीका 4:4

तन्‍न मुर नेल्‍ल आन अङगुर नु फोव़शी रवा आन पुंम नित्‍‍नीम। मिनु मेको आन कली सुइमी हिंच मकोंइनीम। मारदे हना मुर नेल्‍ल आन परमप्रभु यावेमी लोव़ प‍शो बाक्‍ब। १राजा ५:५; जकरिया ३:३०