यसैया 22:23 - Sunuwar Bible

²³ मिनु गो मेको कली किला खोदेंशो पा सारो खपीम ग्रुक्‍नुङ। मेको आ किकी पिपी आन खिं ङा मान पाइक्‍चा पुंइसीब दुम्‍ब।

यसैया 22:23 ပူးပေါင်းရင်းမြစ်များ

एज्रा 9:8

तन्‍न मुल परमप्रभु यावे, आंइ परमप्रभुमी आंइ कली का निक्‍शी लीशो मुर गेतीनी। आंइ वाइल दुम्‍तीक रे इच्‍का नाक्‍त कली नाइक्‍चा गेतीके आंइ परमप्रभु आ बाक्‍तीकेमी बाक्‍चा ताइतक। याम का कली आंइ कली शिशी पा ग्‍येरपाइक्‍तीनी।

एस्‍तर 10:3

मेको यहूदी मोरदेकै पिप अहासूरस आ नोले, मेको आ रागी ङा नेल्‍ल क्‍येङा ठेयब मुर दुम्‍त। मेको यहूदी आन दातेमी यो नेल्‍ल क्‍येङा ठेयब मान तशो मुर बाक्‍त। मिनु आ लोक्‍बपुकीमी मेको कली शुश दाक्‍ताक्‍म। मारदे हना मेकोमी आ मुर आन कली रिम्‍शो नु आन थुं नुचा ङा गेय पाप्‍तु। मिनु मेकोमी नेल्‍ल रिम्‍शो दुम्‍ल, दे आ जात ङा मुर आन पर्बम पिप कली लोव़ पाप्‍तु।

एस्‍तर 4:14

मो देंशो दुम्‍मेनु, गे सिक्‍सी पा बाक्‍तीनी हना, यहूदी आन कली वारच पा प्रोंइचा कली अर्को मुर रे यो जाक्‍ब। तन्‍न गे नु इं आफ आ खिं ङा मुरपुकी चहिं खतम दुम्‍चा माल्‍नीम। गे यहूदी आन कली प्रोंइचा कली पिपीम दुम्‍शो बाक्‍नेवे, कों?” दे एस्‍तर कली माइक्‍चा, दे हथाक कली सोइक्‍ताक्‍व। उत्‍पत्ती ४५:७

अय्‍युब 36:7

मेकोम ठीक पाइब आन कली कोव़ब। मिनु मेको आन कली गेना हना यो पिप नु वोइक्‍ब। मिनु मेकोपुकी ठेयब सेल्‍चा पुंइसीनीम। भजन संग्रह ११३:७-८

उपदेसक 12:11

जोक्‍ब तुइक्‍ब आन लोव़ गोठला आन कोक्‍के खोदेंशो बाक्‍ब। मिनु मेको आन खुप्‍शो लोव़पुकी बोल्‍यो पा थोक्‍शो कांटी खोदेंशो बाक्‍ब। मेको नेल्‍ल गोठला का रे पान दुम्‍शो बाक्‍ब। यसैया २२:२३

यसैया 22:24

मिनु आ आफ आ खिं ङा ठेयब मुर नु आल चच युइ नेल्‍ले मेको आ अधिकारम बाक्‍नीम। खिं ङा बोस नेल्‍ल मेको आ अधिकारम बाक्‍नीम” देंत।

यसैया 22:25

मेको नाक्‍ती मुर नेल्‍ल आन परमप्रभु यावेमी “मेको सारो खपीम ग्रुक्‍शो किला हिम्‍पाइक्‍ब। मेको कली क्‍योरशा ताइक्‍नीम। मिनु आ पतीक अधिकार नेल्‍ल जाम्‍ब” दे परमप्रभु यावेमी देंत।

जकरिया 10:4

मिनु यहूदा रे सुर ङा फुल्‍लु, ताम्‍बु कीतीक किला, लडाइ पाइब आन लिब्रा नु कप्‍तान नेल्‍ल ग्रूनीम। येरमीया ३०:२१

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८

१ सामुएल 2:8

मेकोमी मारेइ मथीब आन कली फुरक रे पोक्‍ब। प्रुङग आन कली घुरेन रे पोक्‍ब। मिनु मेको आन कली पिप आन तौ नु निप्‍पाइक्‍ब। मेको ठेयब मुर आन दातेम बाक्‍चा नु मान पाइक्‍तीक ताइनीम। मारदे हना रागी आ थाम परमप्रभु यावे केन बाक्‍नीम। मेकोम मेको तार रागी वोइक्‍तु। भजन संग्रह ११३:७-८