यसैया 22:12 - Sunuwar Bible

¹² मेको नाक्‍ती परमप्रभु, मुर नेल्‍ल आन परमप्रभु यावेमी ङाक्‍चा, रोंका पचा, चां ख्रोइक्‍चा नु अरन्‍डी फेक्‍पाइक्‍चा कली इन कली ब्रेत्‍ताक्‍व। आमोस ८:१०

यसैया 22:12 ပူးပေါင်းရင်းမြစ်များ

२ इतिहास 35:25

मिनु येरमीयाम यो योसीयाह आ पर्बम रोंका पशो कुम्‍सो सेला बाक्‍त। मिनु कुम्‍सो पाइब मीश मुर वोंइश मुर नेल्‍लेमी मुल सम्‍म मेको रोंका पतीक कुम्‍सो पा योसीयाह कली मिम्‍नीम। मिनु मेको रोंका पतीक कुम्‍सो इस्राएली आन पतीके दुम्‍शो बाक्‍ब। मेको कुम्‍सो बिलाप किताबपुकी बाक्‍नीम।

एज्रा 9:3

मिनु गो मेको लोव़ नेंशा आं फेक्‍शो वा खाक्‍ता। आं चां नु गल शोक्रे तुल्‍ता। मारेइ लोव़ पने मचाप्‍थु, सिक्‍सी पा बाक्‍ती।

नेहेम्‍याह 9:9

मिनु आंइ किकी पिपी इजीप्‍त रागीम बाक्‍मानु, मेको आन श्‍येत जशो ताइतीनी। लल समुन्‍द्रम बाक्‍शा आन ङाक्‍शो नेंतीनी। प्रस्‍थान ३:७

अय्‍युब 1:20

मिनु अय्‍युब बोक्‍शा आ वा खाक्‍गा बाक्‍त। आ चां प्रेक्‍गा बाक्‍त। मिनु खुम्‍की पा बाप्‍शा,

उपदेसक 3:11

मेकोमी मारेइ मारेइ आन कली गारपाइश्‍शा सेल्‍तु। मेकोमी गेना हना यो ब्रोंइशा बाक्‍तीके मुर आन थुंम वोइक्‍तु। मो हना यो मेकोपुकीमी परमप्रभुमी ङोंइती रे नोले सम्‍म मार पवा, मेको रुप्‍ने मचाप्‍नीम। उपदेसक ८:१७

उपदेसक 3:4

ङाक्‍तीक ना बाक्‍ब। मिनु रित्‍तीक ना बाक्‍ब। रोंका पतीक ना बाक्‍ब। मिनु सिल पतीक ना बाक्‍ब।

यसैया 15:2

दीबोन ङा मुर देवी देवता आन थान लाम्‍तेक्‍म। डांडा ङा थानमी ङाक्‍थ लाम्‍तेक्‍म। मोआबीपुकीमी नेबो नु मेदेबा सहर आस पर्बम रोंका पाइनीम। मेको नेल्‍लेम आन चां नु आन गाल शोक्रे प्रेक्‍शो बाक्‍नीम।

यसैया 26:10

परमप्रभु यावे आ अरेशो लोव़ मटीब मुरपुकीमी शिशी ताम्‍तेक्‍म हना यो, ठीक पतीके मशेंसीनीम। मेकोपुकीम ठीक पाइब आन रागीमी दूली पाइनीम। मिनु परमप्रभु यावे कली मान मपाइनीम।

यसैया 29:1

आबी, अरीएल, अरीएल सहर। दाऊद मेकेर बाक्‍शो बाक्‍त। गे मेकेर बर्स बर्स बाक्‍शा, चाड मानेन मानेन बाक्‍तीनी। अरीएल चढ़ेतीक बाक्‍तीके यरूसलेम आ याइनी नें बाक्‍ब।

यसैया 3:24

मिनु “नोले ब्रोव़शो रिना पाइश्‍शो, ग्रांग्रा दिशो रिना पाइश्‍शो दुम्‍ब। काम्‍बरी किप्‍तीकेमी, डोरी किप्‍चा माल्‍नीम। मेको आन रिम्‍शो सेल्‍शो चां, श्‍येत्‍थ पिया दुम्‍नीम। आन दारशो शुश क्‍येट लाइब फेक्‍तीकेमी, रां सुम्‍चा कली अरन्‍डी फेक्‍चा माल्‍नीम। मेको आन दारस नेल्‍ले लशा, मीम ग्रोइश्‍शो खोदेंशो दुम्‍शा मुने दोक्‍नीम।

यसैया 32:11

गे ठेयब लेश्‍शो मीश मुर ख्रिंख्रि पने। गे काइ महिंबपुकी ख्रिंख्रि पा हिनीन। इन वा प्रुइश्‍शा अरन्‍डी फेक्‍सीन।

यसैया 37:1

मिनु पिप हिज्‍कीयाहमी मेको लोव़ नेंशा, आ वा खाक्‍शा, अरन्‍डी फेक्‍शा परमप्रभु यावे आ खिं लत।

यसैया 37:2

मिनु मेकोमी आ दरवार कोव़ब एल्‍याकीम, ब्रेक्‍ब शेब्‍ना नु चढ़ेब आन दाते ङा खूशो आन कली अरन्‍डी फेक्‍पाइश्‍शा, आमोज आ तौ यसैया आ बाक्‍तीक सोइक्‍ताक्‍व।

यसैया 58:3

मेकोपुकीमी ‘गो मारदे माइजा बाक्‍का? गे मताइनीनी। गो मारदे आंम कली ब्रेम्‍शो सेल्‍का? गे मतुइक्‍तीनी’ देंतेक्‍म। गे इन माइजा बाक्‍ची ना इन आंम मिम्‍शो पाइनीनी। मिनु इन गेय पाइब नेल्‍ल आन कली दिप्‍नीनी। येरमीया १४:१२

येरमीया 16:6

एको रागीम आइक्‍च नु ठेयब नेल्‍ल बेक्‍नीम। मेको आन कली सुइम मथिम्‍नीम। मेको आन पर्बम सुइम रोंका मपाइनीम। आंम रां रिक्‍सीब नु चां प्रेक्‍ब सुइ मबाक्‍नीम। येरमीया ४१:५; येरमीया ४७:५; येरमीया ४८:३७८; लेवी १९:२७-२८; ब्‍यवस्‍था १४:१

येरमीया 16:8

गे भोज पशो खिंम मओव़ङो। मिनु मेकोपुकी नु जचा तूचा कली मनिस्‍सो।

येरमीया 4:8

मोपतीके अरन्‍डी फेक्‍शा रोंका पने। मिनु ङाक्‍कीन” देंत। मारदे हना परमप्रभु यावे आ हिंचा ङा पा गाइश्‍शो इं रे मयाक्‍सीशो बाक्‍ब। येरमीया ६:२६

येरमीया 7:29

गे इ चां प्रेक्‍शा ताइक्‍तो। मिनु गोरशो डांडा मेर रोंका पा गाक्‍को। मारदे हना परमप्रभु यावेमी आ कली गाइक्‍पाइक्‍ब आन पाला ङा मुर आन कली प्रोंइशा तिल्‍तु’ दे‍नो” देंत। मीका १:३६

इजीकीएल 27:31

गे इ पतीके मेकोपुकीम आन पिया ङा चां प्रेक्‍नीम। मिनु अरन्‍डी फेक्‍सीनीम। मिनु इ पर्बम आन थुं कशो दुम्‍शा ङाक्‍‍नीम। शुश रोंका पाइनीम।

दानीएल 5:1

मिनु पिप बेल-शजरमी आ राज्‍य ङा ठेयब अधिकार ताइब हजार का मुर आन कली भोज का सेल्‍तु। मिनु मेकोमी मेको आन ङोंइती अङगुर शांबु तूतु।

होसे 9:1

इस्राएली, मग्‍येरसीन। अर्को रागी रागी ङा मुर खोदेंशो पा, सोम्‍शा मग्‍येरसीन। मारदे हना गे इन परमप्रभु क्‍येङा नोले शोंइसाक्‍नी। गे अन्‍न ओंइतीक चाडमी तेल्‍लेम पशो आ पर्बम क्‍येट ताक्‍चा दाक्‍नीनी। होसे १:२

योएल 1:13

चढ़ेबपुकी, सुर्ता पा अरन्‍डी फेक्‍शा रोंका पने। चढ़ेतीकेमी गेय पाइबपुकी रोंका पने। आं परमप्रभु आ गेय पाइबपुकी, नाक्‍दो यो सुर्ता पा अरन्‍डी फेक्‍शा बाक्‍कीन। मारदे हना इन परमप्रभु आ खिंमी अन्‍न चढ़ेतीके नु तूचा थोव़क चढ़ेतीके देक्‍शो बाक्‍ब।

योएल 1:8

मिनु कन्‍ने मीश आलमी अरन्‍डी फेक्‍शा, आ ग्‍युंबे पचशो वोंइश आल आ पर्बम दोपा रोंका पाइबा, मोपा रोंका पने।

योएल 2:12

परमप्रभु यावेमी “इन थुं नेल्‍लेमी आं गे ले‍तीन। गे माइजा बाक्‍शा, ङाक्‍शा नु रोंका पा आं गे ले‍तीन। इजीकीएल ३३:११

योएल 2:17

परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्‍म‍ल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्‍शी नु तोक्‍शा लोव़ पाइक्‍तीक दुम्‍चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्‍म?’ देंचा मतामेक्‍ल” देंतेक्‍म। भजन संग्रह ७९:१०

आमोस 8:10

गो इन चाड कली रोंका पतीक सेल्‍नुङ। इन कुम्‍सो नेल्‍ल आन कली ङाक्‍तीक सेल्‍नुङ। गो नेल्‍ल इन कली अरन्‍डी फेक्‍पाइश्‍शा चां प्रेक्‍पाइक्‍नुङ। गो आंम का ला बाक्‍शो तौ आ पर्बम रोंका पशो खोदेंशो दुम्‍पाइक्‍नुङ। मेको चाड नुप्‍पतीक नाक्‍त कशो नाक्‍त दुम्‍ब” देंशो बाक्‍ब। येरमीया ६:२६

योना 3:6

मिनु निनवे ङा पिपमी यो मेको लोव़ नेना बाक्‍त। मेको आ ठेयब नित्‍तीके रे बोक्‍शा, पिप आ फेक्‍तीके वा प्रुइश्‍शा, अरन्‍डी फेक्‍शा, पुलु तारी निस्‍से बाक्‍त।

मीका 1:16

मिनु इन दाक्‍शो आल आन पर्बम इन चां प्रेक्‍कीन। चां नेल्‍ल प्रेक्‍शा, गिदद खोदेंशो दुमीन। मारदे हना इन आल नेल्‍ल ग्‍याइश्‍शा, मुर आन रागीम लाइक्‍चा पुंइसाक्‍म।

याकूब 5:1

नेनीन, गे क्‍येट शुश थीब मुरपुकी, ङाक्‍कीन। रोंका पने। मारदे हना गे नोले श्‍येत जाइब दुम्‍नीनी। लूका ६:२४-२५