यसैया 21:2 - Sunuwar Bible

² गो हिंचा ङा लोव़ का नेंता। श्‍येत गेबपुकीम श्‍येत ला गेनीम। खतम पोक्‍‍बपुकीमी खतम ला पोक्‍नीमी। एलाम, गे कुवो। गे लशा, मादी रागी ङा मुर पुम्‍दीने। गो मेको आन हुक‍यी पचा तेक्‍नुङ” देंत।

यसैया 21:2 ပူးပေါင်းရင်းမြစ်များ

उत्पत्ती 10:22

शेम आ तौ चच युइ सु सु बाक्‍मा बाक्‍त देंशा हना, एलाम, अश्‍शुर, अरपक्‍शाद, लूद नु अराम बाक्‍मा बाक्‍त।

२ राजा 17:6

अस्‍सुर ङा पिपमी होशेआम सासन पशो ९ बर्स दुम्‍मेनु, सामरीया कली ग्रामाक्‍त। मेकोमी इस्राएल ङा मुर आन कली ग्‍याइश्‍शा अस्‍सुर लाइक्‍मी बाक्‍त। मिनु मेको आन कली हालाह सहर नु गोजान ङा खोला हाबोर आ नेक्‍था नु मादी आन सहरम वोइक्‍मी बाक्‍त।

भजन संग्रह 119:158

मेको नोले शोंइसीशो आन कली तशा ग्रांग्रा दीती। मारदे हना मेकोपुकीमी इन शेंशो टिचा प्रोंइतेक्‍म।

भजन संग्रह 12:5

परमप्रभु यावेमी “गो प्रुङग आन कली दिप्‍शो ताता। श्‍येत जाइब आन ङाक्‍शो नेंता। मोपतीके गो मुल बोक्‍नुङ, मेको आन कली श्‍येत मजतीकेम वोइक्‍नुङ” देंब।

भजन संग्रह 25:3

इन लां कोव़ब नेल्‍ल मुने मदोक्‍मल। मोशान श्‍येत गेबपुकी चहिं मुने दोक्‍मल।

भजन संग्रह 60:3

परमप्रभु, गे इन मुर आन कली ठेयब श्‍येत जपाइक्‍तीनी। गे आंइ कली दिङ दाङ गोल्‍ब तूचा थोव़क तूपाइक्‍तीनी। भजन संग्रह ७५:९

भजन संग्रह 79:11

चोक्‍चा पुंइसीशो आन हुकयी पशो इन ङोंइती जाक्‍ल। साइक्‍चा पुंइसीब दुम्‍शो आन कली इन सक्तिमी प्रोनीन।

हितोपदेस 13:15

रिम्‍शो मिम्‍ब मुर कली नेल्‍लेमी दाक्‍नीम। तन्‍न खराप मुर आन लां हिंचा ङा बाक्‍ब।

यसैया 11:11

मेना परमप्रभुमी आ लीशो मुर आन कली लेंशा प्रोंइशा चाक्‍ब। मिनु ते रे प्रोंइशा चाक्‍ब देंशा हना, अस्‍सुर, इजीप्‍त, पथ्रोस, एथीयोपीया, एलाम, शिनार, हमाथ नु समुन्‍द्र आ नेक्‍था रे प्रोंइशा चाक्‍ब। इजीकीएल ३७:२१-२२

यसैया 14:4

गेपुकीमी बेबीलोन ङा पिप आ पर्बम “मुर आन कली दिप्‍ब, दोपा थुम्‍‍से? आ श्‍येत गेशा हुकुम पतीके, दोपा बेक्‍‍मे?” दे शुक्‍शी लोव़ पाइनीनी।

यसैया 14:7

मुल रागी ङा मुर नेल्‍ल सिक्‍सी पा नाइश्‍शा बाक्‍चा ताइनीम। मिनु ग्‍येरशा कुम्‍सो पाइनीम।

यसैया 22:6

एलाममी ब्रा कुरतीके कुरतु। मुरपुकी बग्‍गी ङोइश्‍शा गाक्‍चा गोम्‍तेक्‍म। कीर सहर ङा मुरपुकीमी तेक्‍तीके शोल्‍तेक्‍म।

यसैया 24:16

गो रागी आ सुर रे परमप्रभु कली ठेयब सेल्‍तीक कुम्‍सो पशो नेंतय। ठीक पाइब, परमप्रभु कली ठेयब सेल्‍तीक कुम्‍सो बाक्‍नीम। तन्‍न गो शुश श्‍येत जाइब दुम्‍ती। आबी, गो श्‍येत जाइब दुम्‍ती। मारदे हना दूली पाइबम, मुल सम्‍म दूली पाइनीम। मिनु मेको क्‍येङा यो दूली पाइनीम।

यसैया 33:1

आबी, गे खतम पोक्‍ब, मुल सम्‍म गे खतम पोक्‍चा मपुंइसीशो बाक्‍नेवे। गे रोइक्‍ब बाक्‍नेवे। तन्‍न सुइमी मारेइ मरोइक्‍थु, गे खतम पोक्‍चा पुंइसीनेवे। मिनु इ रोइक्‍चा नुप्‍‍त हना, इ मारेइ मारेइ रोइक्‍चा पुंइसीनेवे। मत्ती ७:२

यसैया 35:10

परमप्रभु यावेमी श्‍येत रे प्रोंइशो मुर ला लेश्‍शा जाक्‍नीम। मिनु सियोनमी कुम्‍सो पना पन ओव़नीम। मेकोपुकी गेना हना यो ग्‍येरसीशा बाक्‍नीम। ग्‍येरसीना सीन बाक्‍नीम। आन श्‍येत जशा, हुक‍यी पतीके लेश्‍शा मजाक्‍ब। यसैया ५१:११; प्रकाश २१:४

यसैया 47:6

गो आं मुर आन कली तशा गाइश्‍शा, मेको आन कली ‘आं मुर मनम’ खोदेंशो सेल्‍ता‍मी। मेना इ गुइमी गेता‍मी। मिनु गे मेको आन कली काइ शिशी मपदी। खूशो आन कली यो श्‍येत गेशा, हेल्‍शो जवा लाप्‍ताक्‍वी। जकरिया १:१५

येरमीया 25:25

जिम्री ङा पिप, एलाम ङा पिप नु मादी ङा पिप नेल्‍ल आन कली,

येरमीया 31:20

मिनु “मार, एफ्राइम आं दाक्‍शो तौ ममाइ ङा? मेको आ पर्बम गो मग्‍येरनुङा? गो मेको कली हुइक्‍ताक्‍ङ हना यो, मेको कली मिम्‍ना मिम्न बाक्‍ती। मोपतीके गो मेको कली मुल सम्‍म दाक्‍नुङ। गो मेको कली थमा पा शिशी पाइक्‍नुङ” दे परमप्रभु यावेम देंत। यसैया ४९:१५; होसे ११:८

येरमीया 31:25

गो दशो आन कली लेंशा बोल्‍यो सेल्‍नुङमी। मिनु थशो आन कली लेंशा बोल गे‍नुङमी” देंत।

येरमीया 45:3

गे “आबी, आबी, आं कली मार दुम्‍बा। परमप्रभु यावेमी आं श्‍येतम सुर्ता पतीक तेम्‍ताक्‍व। गो हुकयी पना पन दती। गो तेइ नाइक्‍चा मतङ” देंते।

येरमीया 49:34

यहूदा ङा पिप सिदकीयाहम सासन पचा गोवा ना परमप्रभु यावेम आ लोव़ पाइब येरमीया कली एलाम आ पर्बम लोव़ पाप्‍तु। येरमीया २५:२५

येरमीया 49:35

मुर नेल्‍ल आन परमप्रभु यावेम मार लोव़ पाप्‍तु देंशा हना “गो एलाम आ लिब्रा जिक्‍नुङ। मेको आन लिब्रा आन ठेयब सक्ति बाक्‍ब। यसैया २२:६

येरमीया 50:14

गे लिब्रा आप्‍बपुकी, बेबीलोन आ एर ओंथ इन बाक्‍तीकेम राप्‍शा बाक्‍कीन। ब्रा कली का यो महेक्‍थु आप्‍पीन। मारदे हना मेकोमी परमप्रभु यावे कली पाप पाप्‍तु।

येरमीया 50:34

मो हना यो मेको आन कली श्‍येत रे प्रोंइब सक्ति पाइश्‍शो बाक्‍ब। मेको आ नें मुर नेल्‍ल आन परमप्रभु यावे बाक्‍ब। मेकोमी मेको आन कली आ सक्तिमी थमा पा वारच पाइब। मिनु रागी कली रिम्‍शो दुम्‍पाइक्‍ने चाप्‍ब। तन्‍न बेबीलोनम बाक्‍ब आन कली चहिं थुं नाइक्‍चा मगेब” दे परमप्रभु यावेमी देंत।

येरमीया 51:11

इन ब्रा शेप्‍पीन। मिनु ब्रा कुरतीक प्रिंदीन। परमप्रभु यावेम मादी आन पिप कली लडाइ पपाइक्‍तु। मारदे हना मेकोमी बेबीलोन कली खतम सेल्‍चा कली मिम्‍ताक्‍व। मेको आ खिं आ पर्बम क्‍येक्‍क लेत्‍तीके बाक्‍ब। यसैया १३:१७; येरमीया ५०:२८

येरमीया 51:44

गो बेबीलोन ङा बेल देवता कली सजाइ गेनुङ। मिनु आ दाक्‍शो थोव़क मेपाइक्‍नुङ। मुल रागी रागी ङा मुर मेकेर चोक्‍थ्री क्राक्‍थ्री पा मलाइक्‍नीम। बेबीलोन आ गारो ब्रेत्‍त। येरमीया ५०:२; यसैया ४६:१

येरमीया 51:53

बेबीलोन इर सरीङ सम्‍म बोक्‍त हना यो, आ इर ङा सहर बोल्‍यो सेल्‍तु हना यो, गो मेको कली खतम सेल्‍बपुकी सोइक्‍नुङमी” दे परमप्रभु यावेमी देंत। उत्‍पत्ती ११:४; यसैया १४:१३

बिलाप 1:22

मेको आन मरिम्‍शो पशो नेल्‍ल इन ङोंइती बाक्‍ल। मिनु गे आं हेंथे पशो आ पर्बम आं कली पशो खोदेंशो पा मेको आन कली यो पतीन। गो शुश हुकयी पाइक्‍नुङ। आं थुं लुक्‍च लत” देंत।

दानीएल 5:28

पेरेस आ अर्थ, इन राज्‍य निक्‍शी दुम्‍शा, मादी नु पारसी आन कली गेशो बाक्‍ब, देंशो रुम्‍सीब। मेको आ अर्थ एको बाक्‍ब” दे दानीएलमी देंत।

दानीएल 5:9

मिनु पिप बेल-शजर शुश हिंशा, आ कुल लल गिगी जीत। मिनु आ राज्‍य ङा ठेयब अधिकार ताइबपुकी मार पचा ना, मार पचा दुम्‍तेक्‍म।

दानीएल 8:2

मिनु मेको कोंइतीकेमी गो एलाम रागी ङा सुसा माइश्‍शो ठेयब सहर ङा उलाइ खोला आ नेक्‍था बाक्‍शो बाक्‍ती।

दानीएल 8:20

इ तशो ग्रोव़ निक्‍शी पाइश्‍शो सांड मादी नु पारसी रागी ङा पिप बाक्‍नीस।

प्रकाश 13:10

सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२

१ सामुएल 24:13

साइ ङोंइती ङा लोव़मी ‘मरिम्‍शोमी मरिम्‍शोन जाक्ब’ देंशो बाक्‍ब। मो हना यो गो आं गुइ इन पर्बम मक्‍युक्‍नुङ। रोमी १२:१९; १ पत्रुस २:२३