यसैया 21:15 - Sunuwar Bible

¹⁵ मारदे हना मेकोपुकी शोइश्‍शो तरवार, खुक्‍शो लिब्रा नु ठेयब लडाइ रे ब्रोंइशा जाक्‍शो बाक्‍नीम” देंत।

यसैया 21:15 ပူးပေါင်းရင်းမြစ်များ

यसैया 13:14

मुरपुकी खेदा पचा पुंइसीशो किश्‍श नु गोठला मबाक्‍शो भेडा खोदेंशो दुम्‍नीम। मेकोपुकी आंम आंम मुर बाक्‍तीके लाइनीम। आंम आंम रागी मेर प्रोक्‍नीम।

यसैया 13:15

खेदा पा थित्‍चा पुंइसीशोपुकी तूशा साइक्‍चा पुंइसीनीम। मिनु ग्‍याइक्‍चा पुंइसीशोपुकी तरवारम क्‍योरचा पुंइसीनीम।

यसैया 17:13

रागी रागी ङा मुरपुकी ठेयब ब्‍वाक्‍कु ग्रीशो खोदेंशो पा ग्रीनीम। तन्‍न परमप्रभुमी मेको आन कली हुइक्‍ब। मिनु मेकोपुकी ङोन प्रोक्‍नीम। मेको डांडा ङा फश गिवारम बेरपाइश्‍शो भूस फुरक खोदेंशो दुम्‍नीम।

यसैया 22:3

इ सासन पाइब कालेम प्रोक्‍तेक्‍म। लिब्रा मआप्‍थु ग्‍याइक्‍चा पुंइसाक्‍म। ङोंइती सु सु ङोन प्रोक्‍तेक्‍म हना यो, मेको कालेम ग्‍याइक्‍चा पुंइसाक्‍म।

यसैया 31:8

मेना अस्‍सुर तरवारम साइक्‍चा पुंइसीब। तन्‍न मेको तरवार बेक्‍शा लाइब मुर के ममाइ। मेकोमी नेल्‍ल आन कली खतम सेल्‍ब। मेको तरवार तशा मुर नेल्‍ल प्रोक्‍नीम। मिनु आन ठिटापुकी वाइल दुम्‍नीम। यसैया ३७:३६

यसैया 33:3

शुश रेयके नेंशा, जात जात ङा मुर प्रोक्‍नीम। इन सक्ति तशा, रागी रागी ङा मुर एर ओंथ ब्राइनीम।