यसैया 21:1 - Sunuwar Bible

¹ मिनु परमप्रभु यावेम समुन्‍द्र आ नेक्‍था ङा गोरशो रागी आ पर्बम यसैया कली “नेगेब रे फश पिना पिन बाक्‍ब। मेको गोरशो रागी रे पीब। मेको हिंचा ङा रागी बाक्‍ब।

यसैया 21:1 ပူးပေါင်းရင်းမြစ်များ

अय्‍युब 37:9

फश गिवार आ बाक्‍‍तीक रे ग्रूब। मिनु फश रे पा ग्‍यू जाक्‍ब।

यसैया 13:1

आमोज आ तौ यसैयामी बेबीलोन आ पर्बम तशो नु तुइश्‍शो लोव़ एको बाक्‍ब। येरमीया २३:३३

यसैया 13:13

मिनु आं गाइक्‍तीक नाक्‍ती गो सरीङ कली हिम्‍पाइक्‍नुङ। रागी यो आं गाइश्‍शोमी आ बाक्‍तीक रे प्रेक्‍शा ग्रूब” दे मुर नेल्‍ल आन परमप्रभु यावेमी देंत।

यसैया 14:1

मिनु परमप्रभु यावेमी याकूब कली शिशी पा, इस्राएल कली योव़शा लेंशा मेको आन कली आन रागीमी वोइक्‍ब। मिनु अर्को रागी ङा मुरपुकी याकूब आ खिं ङा मुर नु गारशा बाक्‍नीम। जकरिया १:१७

यसैया 14:14

गो गोस्‍स क्‍येङा ग्‍येत्‍थ ङोइश्‍शा लाइनुङ। मोपा गो नेल्‍ल क्‍येङा ठेयब नु उइक्‍थ दुम्‍नुङ” देंते।

यसैया 14:23

गो मेको आन सहर काश्‍श आन बाक्‍तीके नु ब्‍वाक्‍कु देम्‍तीके सेल्‍नुङ। गो मेको आन कली खतम सेल्‍ब ब्राक्‍सुम फिक्‍नुङ” दे मुर नेल्‍ल आन परमप्रभु यावेम देंत।

यसैया 17:1

मिनु परमप्रभु यावेम दमस्‍कस आ पर्बम यसैया कली “दमस्‍कस सहर खतम दुम्‍शा मलीब। मेकेर ब्रेश्‍शो खिं ला बाक्‍नीम।

यसैया 47:1

मिनु “गे कन्‍ने तमी बेबीलोन तोइश्‍शा फुरकुम निस्‍सो। बेबीलोन ङा कल्‍दी आ तमी, ठेयब नित्‍तीक मबाक्‍थु, खपीम निस्‍सो। मारदे हना मुल रे इन कली ‘दारशो नु अरु आन क्‍येङा शुश दाक्‍शो तमी’ मदेंनीम।

यसैया 5:28

मेको आन ब्रा हेश्‍शो बाक्‍नीम। आन लिब्रा आप्‍चा कली खुक्‍शो बाक्‍नीम। आन शारा मी आ झिल्‍का खोदेंशो बाक्‍नीम। आन बग्‍गी आन गुगील फश गिवार खोदेंशो बाक्‍नीम।

येरमीया 51:1

मिनु परमप्रभु यावेमी “गो बेबीलोन नु लेब-कमाइ ङा मुर आन पर्बम खतम सेल्‍ब फश गिवार कली सोइक्‍नुङ। खतम सेल्‍ब फश गिवार कली यो खतम सेल्‍ब सोक्‍त देंसीब।

येरमीया 51:42

समुन्‍द्र ङोइश्‍शा बेबीलोन कली सुम्‍तु। समुन्‍द्र आ ग्रीशो छालम मेको कली सुम्‍तु।

येरमीया 51:51

मेकोपुकीमी “आंइ कली शुक्‍शी पाइश्‍शो नेंशा, गो मुने दोक्‍तक। गो आंइ कुल सुम्‍तक। मारदे हना परमप्रभु यावे आ खिंम अर्को रागी ङा मुर जाक्‍शा ओव़तेक्‍म” देंतेक्‍म।

इजीकीएल 1:4

मिनु गो कोव़ङुनु, उत्तर रे फश गिवार यिशो ताता। ठेयब छेङछेङ पाइश्‍शो गोस्‍स ताता। मेको आ दाते रे चिला दाप्‍शो खोदेंशो पा आ एर ओंथ नेल्‍ल छेङछेङ दुम्‍शो बाक्‍त। मिनु चिला खोदेंशो पा एर ओंथ दोरत। मिनु मेको मी आगा रे कांसा खोदेंशो जिल जिल पा ब्रशो तांइसाक्‍व। प्रकाश ४:-

इजीकीएल 30:11

नेबुकदनेसर नु आ लडाइ पाइब रागी ङा नेल्‍ल क्‍येङा मरिम्‍शो पाइब बाक्‍नीम। मेको आन कली खतम सेल्‍चा कली चाक्‍नुङमी। मेकोम आन तरवार इजीप्‍त रागी आ पर्बम शोइक्‍नीम। मिनु साइश्‍शो मुरपुकीम रागी ब्रीनीम। इजीकीएल २८:७

इजीकीएल 31:12

मिनु अर्को रागी ङा थम मरिम्‍शो मुरपुकीम मेको कली तिम्‍शा प्रोंइतेक्‍म। मेको आ राशीपुकी बेंसी नेल्‍ल नु पहाड मेर गोल्‍शा बाक्‍तेक्‍म। मिनु मेको आ ठेयब राशी रागी ङा खोला नेल्‍लेम जिक्‍शा लीतेक्‍म। मिनु रागी ङा मुर नेल्‍ले मेको आ वांकु रे ग्रूशा मेको कली प्रोंइतेक्‍म।

इजीकीएल 38:9

गे फश गिवार खोदेंशो पा बारचा माल्‍नेवे। गे गोस्‍स खोदेंशो पा मेको रागी कली सुम्‍चा माल्‍नेवे। गे नु इ लडाइ पाइब नेल्‍ल नु गे नु बाक्‍ब नेल्‍लेम मोदेंशो पचा माल्‍नीनी’ देनो” देंत।

दानीएल 11:40

मिनु नोले ङा नाक्‍ती दक्‍खिन ङा पिपमी मेको कली लडाइ तोइब। मिनु उत्तर ङा पिपमी फश गिवार खोदेंशो पा मेको नु लडाइ पाइब। मेकोमी बग्‍गी, शारा ङोइक्‍ब नु लडाइ पाइब जहाज शुश चाक्‍शा लडाइ पाइब।

जकरिया 9:14

मिनु नोले परमप्रभु यावे इन क्‍येङा इर ग्रूब। मेको आ ब्रा चिला आप्‍शो खोदेंशो पा बेरनीम। परमप्रभु, परमप्रभु यावेमी तुराही ताप्‍ब। मिनु दक्‍खिन ङा फश गिवारम गाक्‍शा लाइब।